Jipoxolo 1:12 - O Mikanda Ikola

¹² Jipoxolo kienhókio anga a vutuka ku Mulundu a uixana ua Midiva, eza mu Jeluzaleme. O dikanga diê diala-bhu diene dia njila ia Sabhalu, (kifua kilómetulu imoxi iene).

Jipoxolo 1:12 ပူးပေါင်းရင်းမြစ်များ

Zakadiia 14:4

Mu kizuuʼokio-phe, inama iê ia kà tula ku mulundu ua Midiva, ua lulama ni Jeluzaleme ku mbandu ia Mutundila-Kumbi; o mulundu ua Midiva a kà u jikula muʼaxaxe, mbandu iii kuthunda, o mbandu ia mukuá ku luiji; kienhókio bhua kà kala dikôlo dia dikota kinéne bhuʼaxaxe; anga mbandu ia muvimba ia mulundu ia kà uanunukina ku Suku o ia mukuá ku Sulu.

Matesu 21:1

Kia zukama mu Jeluzaleme, a tula bhu sanzala ia Betefaje, ku mulundu ua Midiva; Jezú anga u tuma xibulu jê jiiadi, uixi:

Matesu 24:20

Sambenu-phe kua Ngana Nzambi, phala o kulenga kuenu, ki ku bhite bhu thembu ia mbambi, mba mu kizuua kia sábhalu!

Matesu 24:3

O kia xikama ku mulundu ua Midiva, jixibulu jiza kua muène ubheka uâ, exi: Tu tangele, ima iíi mba ia kà bhita thembu kuxi? Kijimbuete kiê kiahi, kia kutukuluka kué, ni kia dizubhilu dia mundu?

Matesu 26:30

Kia zubha kuimba muimbu, a tunda, anga aia ku mulundu ua Midiva.

Luka 19:29

Kia bhixila bhua zukama ni bhu Betefaji, ni bhu Betanha, ku mulundu a uixana kuma ua Midiva, u katula jixibulu jê jiiadi, uixi:

Luka 21:37

Mu muanha Jezú u kala mù longa mu Tembulu izuua ioso. Maji o mu usuku uia ku kanga, hé u kala ku mulundu a uixana ua Midiva, katé ki kukia.

Luka 24:50

Jezú anga u tunda-nâ ku kanga, hé aia katé bhua lulama bhu Betanha. Bhenhobho anga u zangula maku mê, ua a benzela.

Luka 24:52

Ene anga a mu bheza, hé a vutuka mu Jeluzaleme ni kusanguluka kuavulu.

Nzuá 11:18

Mu Betânha-phe, mua zukama ni mu Jeluzaleme, kanga diê dia kilómetro ji tatu.