Jihebeleu 7:3 - O Mikanda Ikola

³ Ka moneka tata, ka moneka mama, Melekizedeke ka moneka Uvadiue mba ufuilu uê. O kia di fangana Monʼa Nzambʼiki, u kaiela-ku ku unganga, nuka a tunda-ku dingi.

Jihebeleu 7:3 ပူးပေါင်းရင်းမြစ်များ

Makatukilu 6:18

O anʼa Kohate a mala: Amlame, ni Izahale, ni Hebolone, ni Uziiele; o mivu ia Kohate ia bhange ku muenhu, hâma ia muvu ni makuinhi atatu ni itatu.

Dialuilu 1:18

Anga a bhongolola kilômbo kioso, a di tanga mísala iâ, mu kuvuadiua kuâ, mu mabhata ma jitata jâ, a di soneka majina, oso a bhiẋila mu makuinhi aiadi a muvu, mba a somboka-mu kiá, anga a alula mútue ni mútue, mu kizuua kia dianga ku mbeje ia kaiadi.

Matesu 4:3

Diabhu, anga uiza, u mu ambela, uixi: Eie se u Monʼ a Nzambi, tuma matadiʼ ama ma kituke jimbolo.

Jihebeleu 4:14

Uila kiki, tu kolokotienu mu kuxikana ku tuala na-ku. Kuma tuala ni Nganga ia Dikota uala bhu pholo ia Nzambi—Jezú, o Monʼ a Nzambi.

Jihebeleu 7:1

O Melekizedeke muenʼiú, ua kexi sobha ia mbanza ia Saleme, nganga ia Nzambi ua suka ku ukota. U takana ni Mbalahamu kioso kia kexi kuvutuka ku ita ia jisobha, Melekizedeke anga u mu bhana dibesá.

Jihebeleu 7:17

Kuma o Mikanda Ikôla iambe: Eie uanda kukala u nganga i xalela-ku, mu kihindu kia unganga ua Melekizedeke.

Jihebeleu 7:2

Mbalahamu anga u mu bhakuila o mbandu ia kakuinhi ka ima ioso ia tambula ku jinguma mu ita. O dijina dia Melekizedeke dia lombolola luiadi: Moxi, Sobha ia Kuiuka. Mukonda-phe muène ua kexi Sobha ia Saleme, dijinʼidi dia lombolola ue dingi kuila Sobha ia Paze.

Jihebeleu 7:6

O Melekizedeke, ki mukua muiji ua Levi, maji ua tambula o mbandu ia kakuinhi kua Mbalahamu, ku imbamba ia bhundu mu ita, anga u mu bhana dibesá. Kiene muene, ua bhana Mbalahamu dibesá, sumbala muene ua tambuile o polomesa ia Nzambi.