Jelemiia 9:8 - O Mikanda Ikola

⁸ O dimi diâ mukuá ni musongo a uasela kujibha; a zuela ni kádia; kia zuela ni mukuá dikanu diê di tanga ima ia uembu, maji o moxi dia muẋima uê-phe ua mu olekela mibhetu.

Jelemiia 9:8 ပူးပေါင်းရင်းမြစ်များ

II Samuuele 3:27

Abinele-phe kia zubha ku vutuka bhu Hebolone, Jouabe u takananê bhu muelu ua kimbaka, anga u abhuka-nê bhu mbandu, kala phala kuzuela-nê maka bhu ubheka, bhenhobho anga u mu toma iene ia jimbanji, u fuila bhobho, mukonda dia ku mu vutuila o phonzo ia manhinga ma Azaiele ndengʼiê.

Jisálamu 12:2

Kala muthu u tanga makutu kua mukuá; mizumbu iâ ia kutobhesa ngó akuʼá; a zuela ni miẋima iiadi.

Jisálamu 12:3

Jihova hinu u batula o mizumbu i bhomba kiki, ni dimi ue di zuela ni izala,

Jisálamu 120:3

Eie u dimi dia ufe, Muene u ku bhanga kiebhi? Kima kiahi kia ku bhana?

Jisálamu 28:3

Kana ku ngi koka kumoxi ni iiala iabhumu, kana ku ngi bunda kumoxi ni ati a ituxi; akua kuila a zuela mbote ni akuâ, mbé ku miẋima iâ kua a kala ufe.

Jisálamu 35:20

Kuma ene kene kuzuela ima ia kutululuka, a kanena ngó akuâ, athu a di xibhâ ku mabhata mâ.

Jisálamu 55:21

Mu kanu diê mu nengana kiambote kala matheka, maji ku muẋima-phe kua mu kala mvunda; maka mê ma ẋanana kala maji, maji ua ku zuikila o dizu kala xibhata.

Jisálamu 57:4

Mukonda o muenhu uami ua batukila muʼaxaxi ka jihoje; nga zeka mu kaẋi ka athu a uama túbhia; anʼathu muene edi o mazu kenéne kala jisosa ni matoma, o dimi diâ dia soko ni xibhata iatu.

Jisálamu 62:5

Muẋima uami di xibhié, u kinge ngó Nzambi; mukonda kudielela kuami ku tunda ngó kua muene!

Jisálamu 64:8

Hinu-phe u a mona kia di bhukana, kuma o dimi diâ ene dia kà a bheka mu kusekala; oso a kà ki mona ni mesu, a kà lenga.

Jisabhu 25:18

Muthu uoso u tatela mukuá umbangi ua makutu, ua di bhange nzûndu, ni xibhata, mukua ni musongo uatu.

Jelemiia 5:26

Mbata muʼaxaxi ka mundu uami muala ni akua-phulu: Muthu ni muthu uenda ni kubatamena, kala akua kuolekela mabhebhe a tunjila; oleka mibhetu iaiibha muenda ni kukuatela o athu.

Jelemiia 5:9

Manhi ima kala iii ngeji ku i talela ngó, sè ku i bhesa kaxtiku, eme ngi Jihova? inga muenhu uami u kamba kuzoka ni muiji u kala kiki?

Jelemiia 9:3

Oleka o dimi diâ kala uene o mufula uâ, mu kuta o makutu; a di suinisa maji ki phala o kidi, kana: mukonda a muia dingi ku pholo ni kubhanga usuéia mu usuéia, eme a lémbua ku ngʼijiia, Jihova ua ki tange.

Jelemiia 9:4

Muthu ni muthu a di lange ku dikamba diê, kana ue kudielela phange ioso-ioso; kuma phange joso muene a mu bhanga ngó mangonha kuabhu; o makamba oso enda ni kutatela.

Jelemiia 9:5

Muthu ni muthu u bhanga mukuá kasekelu, ka zuela kidi, lémbue: dimi diâ a di longesa kuzuela o makutu; a di bhuidisa muene ni kubhanga ima ia iibha.

Mikeia 6:12

Kuma o jimvuama jenu jezala kusuína, o akua diʼembu diê a zuela makutu, o dimi mu kanu diâ diejidila o kulunguluka ni kunganala athu.