Jelemiia 9:7 - O Mikanda Ikola

⁷ Kala kiki, Jihova dia Ilombo Ieta uambe, uixi: Talesa-ze, eme nga-nda ku a zunza, anga nga a lola; mukonda-phe, o kilumba kia mundu uami ngeji ku bhanga-nê dingi kiebhi?

Jelemiia 9:7 ပူးပေါင်းရင်းမြစ်များ

II Samuuele 13:26

Abisalone anga u mu ambela, uixi: Se eie muene mgueʼié kuia-ku, kota diami Aminone eze tuienê. Muenexi-phe uixi: Muene ua mu indila-hi kuia-ku?

II Malunda 36:15

Anga Jihova, Nzambi ia jitata jâ u a tumikisa o kizuelu kiê ku jiphunga jê. U di meneka muene mu ku a tumikisa na-kiu. Mbata jihenda ja mu kuata ja mundu uê ni ja dibhata diê.

Jisálamu 120:4

A ku ase kuala o dizonda ni misongo iatu; a ku te makala ma túbhia mauama.

Jisálamu 55:22

Se uevu kimbamba kia ku xina, iza na-kiu kua Jihova, muene u ku sokesa na-kiu; kuma muene kana kizuua ki ehela muthu uaiuka ku mu bhondeleka sé mbambe.

Jisálamu 62:5

Muẋima uami di xibhié, u kinge ngó Nzambi; mukonda kudielela kuami ku tunda ngó kua muene!

Izaía 1:25

Anga lukuaku luami lu ku bilukila, hé ngi ku ixika makololo mé moso, ni ngi katula o dixidilu dioso.

Izaía 48:10

Talesa, nga ku zelesa kiá, kana kala kia zunza o phalata; eie nga ku lolela mu muzukuta ua dilamba.

Izaía 59:3

Mbata maku menu ma kasana ni manhinga, o milembu ienu ia kasana ni ikuma; o mizumbu ienu i tanga makutu, o dimi dienu dizuela isunji.

Jelemiia 31:20

Manhi Ifalaíme ki monʼami ua hate? Kamona kami ka makembu? Mukonda kioso ki ngi zubha ku mu zuela ima ia ku mu bhanga kia ibha, hanji ngi mu xinganeka ni muẋima uoso; kienhiki miẋima moxi i ngi bhuá-mu mukonda dia muene, hanji nga-nda ku mu kuatela henda ia vulu, Jihova ua ki tange.

Jelemiia 5:1

Jingujukenu mu jinzunga ja Jeluzaleme, dimueninu kiá, mu tokuesa muene, bhitenu mu jisengu jonéne, mu mone mba mu sanga-mu muthu, mba muala ngó o muthu umoxi u kumbidila o kuiuka, mba u sota o kidi; eme inda ió ngi mu loloka.

Jelemiia 6:27

Nga ku tula muʼaxaxi ka mundu uami, u mbonge ia kilangidilu, u kimbaka, nda u tene o kuijiia, u tongolole o njila iâ.

Hozeia 4:1

Ivuenu kizuelu kia Jihova, enu mu anʼa Izalaiele, mbata Jihova ua kuata mvunda ni jitungi ja tunga ku mundu, mukonda mu ngongo ki muala kidi, ki muala henda, ki muala kuijiia Nzambi.

Zakadiia 13:9

Anga mbandu ia katatu iii nga kà i bhitisa mu túbhia, nga kà i zelesa mukua ni kiene kuzunza o utadi ua phalata, hé nga kà i lola kala kiene ku lola o ulu. Iene ki ia kà diundila dijina diami, eme ue nga kà ivua muene. Eme nga kà i ambela, ngixi: Iú uene o mundu uami; o iene ue ia kèla iexi: Jihova muene o Nzambi iami.

Malakiia 3:3

Muene ua kà xikama mu kuzunza ni kuzelesa o phalata; anga ua kà zelesa o muiji ua Levi, hé ua kà u bhuisa dixilu mukuâ ni kia zunza o ulu mba phalata; mu kienhókio a kà bheka kua Jihova maujitu ma kuiuka ni kidi.

I Phetele 1:7

Malamba iá mu bhita na-u, ihi o ku mi lola o kuxikana kuenu, kuala kota mù kuta, o ulu ndenge, kuma ulu u di bota, sumbala a u lola mu tubhia, phala kibhua o ku mi lola, muà sanga o diximanu, ni fuma, ni ujitu, bhuoso bhua kà tukulukila Jezú Kristu.

I Phetele 4:12

Enu akuetu makambʼami a kazola, ki mu di uane o polova ia dikota ia-lù bhita muʼaxaxi kenu, ieza ku mi lola, ki mu ki fike kuma mua-lù bhita ni kisunji.