Jelemiia 9:5 - O Mikanda Ikola

⁵ Muthu ni muthu u bhanga mukuá kasekelu, ka zuela kidi, lémbue: dimi diâ a di longesa kuzuela o makutu; a di bhuidisa muene ni kubhanga ima ia iibha.

Jelemiia 9:5 ပူးပေါင်းရင်းမြစ်များ

Dimatekenu 19:11

Anga a bhuuika o màla bhu kanga ni ufofo, tunde ku ndenge katé ku dikota, anga a lémbua kukuata o dibhitu.

Jobe 11:3

Mukonda dia makutu u ua tange, kiene athu kia di xibhila? Eie anga u ta kasekelu muene kienhiki, xi, bhu kala muthu u ku kuatesa sonhi?

Jobe 15:5

Mukonda o dikanu dié diene dia mu tanga o ikuma ié, eie ua solo uzuelelu ua akua mangonha.

Jisálamu 140:3

Dimi diâ a di zuika kala dia nhoka, kuema dia mizumbu iâ, kuala ikolakola kala ia madiuta. (Selah.)

Jisálamu 50:19

Dikanu dié dia sakalala ni kuzuela kiaiibha, dimi dié di funha makutu.

Jisálamu 52:3

Eie o phulu ia ku kala kota, o mbote ndenge; u beta kutanga makutu, ku xikina kuzuela kidi! (Selah.)

Jisálamu 64:3

A bhingi dimi diâ a di zuika kala xibhata, a ku ona o milonga ialulu kala matoma.

Jisálamu 7:14

Iala-ze, mukua phulu muenhó, mika ia mu kuata ia kuvuala, maji kingoho; uemita usuéia, u vuala makutu.

Jisabhu 12:5

Athu a iuka, ni ixinganeku iâ iezala kidi ni kilunji; maji o jiphangu-phe ja athu a bhumu, jʼezala mangonha moso.

Jisabhu 4:16

Kiene kialʼokio, kaii ku kilu, se ka bhange phulu; o kia kamba ku luezesa muthu mu njila jê, kilu ki a lenga mu mesu.

Izaía 5:18

Lamba dia ió, oso o kubhuma a kusunga ni mikolo ia izala, o ituxi a i sunga ni mikolo kala makalu.

Izaía 57:10

Ua huha ngó dikanga, ua bhuila ua suku; maji ngué kuila: Ngala kutala ngó hadi: Kuma o ki ua talela hadi ua ki sange, kiene kia ku kambesa o kubhuila.

Jelemiia 12:13

A kuu tiliku, a munu minha; a di tutumbisa ngó, maji ka katula-ku kima; idima i mua bhongolola ia mi kuatesa jisonhi, mukonda dia kutema kua njinda ia Jihova.

Jelemiia 12:6

Kuma-ze katé ni jiphange jê, ni dibhata dia tatʼenu ala ku ku kuata ngó kafua-ku-pholo; ene muène ala ku ku kolela kuema dié ni mázui ma suina: Kana-phe ku a dielela, né-mbe a kuambela muene ima iambote.

Jelemiia 13:23

Mukua Itiiópia mbé utena kubilula o kikonda kiê? Inga ingo i tena kuxa madinga mê? Hé kiene-phe, enu uenu mueju tena kubhanga o mbote, mu athu a mi longo o ku bhanga o phulu.

Jelemiia 4:22

Ni kidi kiene o mundu uami a dianguka, ka ngijiia dingi; a di bhange mizunda ia ana, ka dimuka kana; ala ngó ni unjimu ua ku bhanga phulu, kejiiâ kubhanga mbote, lémbue.

Jelemiia 51:58

Jihova phe, dia Ilombo Ieta, uambe kiki: O imbaka ia zanze ia Babilonha hádia a kà i bula muene iene ioso, o mabhitu mê ma lebha kiambote ma kà uama mu túbhia; anga ifuẋi ia kà kalakala mu kingoho, o miji ia kà xikamena ngó phala túbhia, hé ia kà iokojoka muene.

Jelemiia 51:64

hé uà kʼèla uixi: Kienhiki ue kia kà njoboka Babilonha, o kubalumuka ua kà ku lémbua, mukonda dia usuéia u nga-nda ku mu bhekela ku thandu diê. Akua Babilonha a kà lémbua muene. Bheneʼabha bhua suku o maka a Jelemiia.

Jelemiia 7:28

Eie ua kà ambela uixi: O kiki kiene o kifuxi kia lembua ku bhana o mátui ku dízui dia Jihova Nzambi iâ, ka xikina kuivua kibazu: Kidi kia jimbidila, mu kanu diâ kiòkatule-mu.

Jelemiia 9:3

Oleka o dimi diâ kala uene o mufula uâ, mu kuta o makutu; a di suinisa maji ki phala o kidi, kana: mukonda a muia dingi ku pholo ni kubhanga usuéia mu usuéia, eme a lémbua ku ngʼijiia, Jihova ua ki tange.

Jelemiia 9:8

O dimi diâ mukuá ni musongo a uasela kujibha; a zuela ni kádia; kia zuela ni mukuá dikanu diê di tanga ima ia uembu, maji o moxi dia muẋima uê-phe ua mu olekela mibhetu.

Izekiiele 24:12

Ua bhuila, o ukumbu ua mu-bhu; maji o ifulu iê ia vulu ki i tundu luua momué; o ku túbhia-phe o ifulu ienʼii ia kà tunda.

Mikeia 6:12

Kuma o jimvuama jenu jezala kusuína, o akua diʼembu diê a zuela makutu, o dimi mu kanu diâ diejidila o kulunguluka ni kunganala athu.

Mikeia 6:3

Eie u Kifuẋi kiami! mulonga uahi u nga ku tela? nga ku lokalala ni kima kiahi? ndoko ngi tangele hanji, nda u ki bhele umbangi.

Habakuke 2:13

Abha, ki kiejila kua Jihova dia Ifuẋi, kia kuila o mundu ukalakala ngó phala túbhia, o ifuẋi iʼathu na iokojoke mu kingoho?

Malakiia 2:10

Manhi ki tuala tu akua tatʼimoxi, etuʼene oso? Ki Nzambi imoxi muene ua tu bhanga? Phalahi-phe tuia ni ku di bhanga ufe mudietu? Phalahi akuetu tuenda-nâ ni mangonha, anga tu fukuila o kikutu kia jitata jetu?

Efezo 4:25

Uila kiki, ki mu tange jinge dingi makutu. Maji mu di tangela jinga o kidi kala muthu ni mukuâ. Kuma etu oso tua di bhange tu idiandu ku mukutu ua Kristu.

I Timote 4:2

O maulongelu enhá a tunda ku athu a tanga makutu ni kàdia, kuma o kitongoluelu kiâ kia di fuila mukonda kia ẋiẋidila kala kiauka ku felu iatema.

Afundixi 2:10

Ni muiji uoso uenhó a a bhongolola kuʼaia jitata jâ; anga kuiza muiji uengi úa kulu bhu kididi kiâ, a kambe kuijiia Jihova, a kambe kuijiia ue ikalakalu iê ia bhange mu bhângela anʼa Izalaiele.