Jelemiia 9:4 - O Mikanda Ikola

⁴ Muthu ni muthu a di lange ku dikamba diê, kana ue kudielela phange ioso-ioso; kuma phange joso muene a mu bhanga ngó mangonha kuabhu; o makamba oso enda ni kutatela.

Jelemiia 9:4 ပူးပေါင်းရင်းမြစ်များ

Dimatekenu 32:28

Uixi dingi: Dijina dié ki di kala dingi Jakobo, di kala kia Izalaiele; kuma ua bhânge ni Nzambi, ua bhânge ni athu, ene oso ua a lende.

Jisálamu 101:5

Uoso uenda ni kabódio ka kutatela mukuâ, ió eme ngi mu jima o mbutu; o uala ni ukumbu ua mesu ni izala ia muẋima, ki ngi mu ehela.

Jisálamu 15:3

Ka xingi ndaka ni dimi diê, ka xikina kubhanga phulu kua mukuâ, kende ni kabódio mu sanzala.

Jisabhu 10:18

Uoso u kondeka o luma ni ku di-uabhesa ku mizumbu, mukua makutu; uoso-phe uenda ni kabódio, kioua.

Jisabhu 25:18

Muthu uoso u tatela mukuá umbangi ua makutu, ua di bhange nzûndu, ni xibhata, mukua ni musongo uatu.

Jisabhu 4:16

Kiene kialʼokio, kaii ku kilu, se ka bhange phulu; o kia kamba ku luezesa muthu mu njila jê, kilu ki a lenga mu mesu.

Jisabhu 4:17

A kaka mu kudia mbolo ia ngene, anua vinhu ia kubhunda.

Jisabhu 6:16

Ima isamanu iii Jihova ua di zemba na-iu, o kia sambuadi-phe kua muene kisunji:

Jisabhu 6:19

o mbangi ia mangonha itanga makutu, ni mukua kuzokesa jiphange u kuna jimvunda muʼaxaxe kâ.

Izaía 59:13

Tuedi ni kulueza, ni ku ta makutu mu ku bilukila Jihova, ni ku ta dikunda kua Nzambi ietu, tuexi ni kuzuela kua ungumba ni kubhukumuka, ni kuimita ni kulusa maka ma mangonha ku muẋima.

Izaía 9:16

Mbata asonguedi a mundu iú akua-mangonha, oso ala ku a kaiela, a kà buila.

Jelemiia 12:6

Kuma-ze katé ni jiphange jê, ni dibhata dia tatʼenu ala ku ku kuata ngó kafua-ku-pholo; ene muène ala ku ku kolela kuema dié ni mázui ma suina: Kana-phe ku a dielela, né-mbe a kuambela muene ima iambote.

Jelemiia 6:28

Ene oso, ene a beta o kuẋinuka, anga a nanga ni ku longolola; a kolo kala ngondo ni felu: ene oso uendelu uâ ua ku di bolesa.

Jelemiia 9:8

O dimi diâ mukuá ni musongo a uasela kujibha; a zuela ni kádia; kia zuela ni mukuá dikanu diê di tanga ima ia uembu, maji o moxi dia muẋima uê-phe ua mu olekela mibhetu.

Izekiiele 22:9

O iiala ia hame ue ia kexile momué, phala kuzunza manhinga; momué muene mua dila jinga ku milundu; muʼaxaxi kê muene mua bhangela jinga o phulu.

Ijila 19:16

Kana kukala u kitoka kia jimbuémbue muʼaxaxi ka akuenu; kana kusota kujimisa o muenhu ua mukuenu; Eme-muène Jihova.

Malakiia 2:10

Manhi ki tuala tu akua tatʼimoxi, etuʼene oso? Ki Nzambi imoxi muene ua tu bhanga? Phalahi-phe tuia ni ku di bhanga ufe mudietu? Phalahi akuetu tuenda-nâ ni mangonha, anga tu fukuila o kikutu kia jitata jetu?

Matesu 10:17

Athu-phe mu enda-nâ ni muanu. Mbata ene a kà mi thelekala bhu kionge, a kà mi beta mu malombe-mâ.

Matesu 10:21

Muthu ua kà bhana phangʼ iê mu ku mu jibha, o tata ua kà bhana mona, o ana a kà kitukila tatʼ â ni mamʼâ, nʼa a jibhisa.

Luka 21:16

Katé ni adienu, ni jiphange, ni jindandu, ni makamba, ene muene a-nda ku mi bhakula phala ku mi kuika mu ʼaleia. Amoxi-moxi mudienu a-nda ku a jibha.

I Tesalonika 4:6

Bhu kaẋʼ abha-phe, ki bhu kale muthu u somboka, mba u bhanga mukuâ phulu mu maka kala iá, kuma Ngana muzokedi a ima ioso iii. Kikiphe tua mi dimuna dingi kala ki tua diangele ku mi dimuna, ni ku mi bhana umbangi, kuma Muène hinu ua ka bhana kaxtiku kua oso a bhanga ima kala iii.