Jelemiia 9:3 - O Mikanda Ikola

³ Oleka o dimi diâ kala uene o mufula uâ, mu kuta o makutu; a di suinisa maji ki phala o kidi, kana: mukonda a muia dingi ku pholo ni kubhanga usuéia mu usuéia, eme a lémbua ku ngʼijiia, Jihova ua ki tange.

Jelemiia 9:3 ပူးပေါင်းရင်းမြစ်များ

Dimatekenu 39:16

O divunga anga u di tula bhu mbandu iê, katé ngana ia dibhata kieza mʼonzo.

Jisabhu 12:5

Athu a iuka, ni ixinganeku iâ iezala kidi ni kilunji; maji o jiphangu-phe ja athu a bhumu, jʼezala mangonha moso.

Izaía 1:3

O ngombe iejiia ngana iê, o bulu ue iejiia mu kidilu kia mu tela ngana iê; maji Izalaiele dia mundu uami ua xiti mu thulu, kifuxi kiami kʼejiia kima.

Izaía 3:5

Mundu phe a kà u bhondeleka; bhua kà kala ku dikuata jimvunda, kala muthu ua kà lungulukila mukuâ; Mona ndenge, ukitukila muadi-akime; o sébhue, u balukila mona-ngana bhu kididi.

Izaía 6:5

Bheneʼobho ngixi-phe: Kokolo diami! Eme ngafu-ó! Mukonda ngi muthu nga xidi mu kanu, eme nga tunga muʼaxaxi ka mundu ua kasana o dikanu, o mesu mami ia a mono Muenexi, Jihova dia Ilômbo Ieta!

Izaía 9:18

Kuma o phulu ioso-lolo i uama kala túbhia, iximika katé ni ivunda ni misonge. Kiene muene, i bambula katé ni mixi ioso ia di-bhidijika ku muxitu, anga dixi diê di bhana matuta a xiketela bhulu.

Jelemiia 12:6

Kuma-ze katé ni jiphange jê, ni dibhata dia tatʼenu ala ku ku kuata ngó kafua-ku-pholo; ene muène ala ku ku kolela kuema dié ni mázui ma suina: Kana-phe ku a dielela, né-mbe a kuambela muene ima iambote.

Jelemiia 22:16

Kia kexi, o hukunhu ni phulungu u a zokela o mvunda; ua bongele-phe ujitu; abha ki kuene o ku ngijiiʼoko? Eme ngi Jihova.

Jelemiia 31:34

Ki kua kà kala dingi muthu u longa mukuá, mba muthu uambela phangiʼé, kuila: Ijiia Jihova; mukonda ene oso a-nda kua kà ngʼijiia, tundé ku monʼa-ndenge mudiʼâ katé ku muadiakimi, Jihova ua ki tange. Mukonda nga-nda kuloloka o ikuma iâ, o ituxi iâ ki nga kà i xinganeka dingi.

Jelemiia 4:22

Ni kidi kiene o mundu uami a dianguka, ka ngijiia dingi; a di bhange mizunda ia ana, ka dimuka kana; ala ngó ni unjimu ua ku bhanga phulu, kejiiâ kubhanga mbote, lémbue.

Jelemiia 5:4

Eme-phe ngixi: Kia kidi kiene o iá ene o jingadiama ja jisemenhiʼiji: malaji ahatu, kuma kejiia njila ia Jihova, ni ubatuilu ua Nzambi iâ.

Jelemiia 5:5

Ngiia ku adiakimi, anga nga kà zuela-nâ; mbata ió o njila ia Jihova a i ijiia, ni ubatuilu ua Nzambi iâ: maji enhá ene-oso bhuamoxi, kanga a i bukujula, o mikolo a i thathumuna.

Jelemiia 6:28

Ene oso, ene a beta o kuẋinuka, anga a nanga ni ku longolola; a kolo kala ngondo ni felu: ene oso uendelu uâ ua ku di bolesa.

Jelemiia 7:26

Maji ene nguâ ku ngi bhana mátui, mba kubheteka o mátui, maji o jixingu jâ a ji hinanesa, ima ia bhange ia beta kuzangiua o ia bhangele jitata jâ ndenge.

Jelemiia 9:5

Muthu ni muthu u bhanga mukuá kasekelu, ka zuela kidi, lémbue: dimi diâ a di longesa kuzuela o makutu; a di bhuidisa muene ni kubhanga ima ia iibha.

Jelemiia 9:8

O dimi diâ mukuá ni musongo a uasela kujibha; a zuela ni kádia; kia zuela ni mukuá dikanu diê di tanga ima ia uembu, maji o moxi dia muẋima uê-phe ua mu olekela mibhetu.

Izekiiele 8:13

Anga u ngʼambela dingi, uixi: Uandu mona dingi isunji ia makota iaiibha, o ia mu bhanga iá i kala ndenge.

Daniiele 11:27

O jingana ue jiiadi jenhiji, a-nda kuta muẋima mu kubhanga phulu, o ku meza ku a xikama a di tangela makutu mu kusota ku di nganala muthu ni mukuá. Maji o kubhanduluka kà ku mona, kuma o ki a bhindamena ene kiòxindile ni thembu iê ia tokala.

Ijila 19:11

Ki mu nhane jinge, ki muende ni kuta makutu, ki muende ni ku di dingila mudienu ni ku di bhanga phulu muthu ni mukuâ.

Marku 8:38

Uoso u kala ni jisonhi jami eme ni ja maka mami ku muiji iu ua jiphanda ni ituxi, o Monʼa Muthu ue ua ka kala ni jisonhi ja muene kia keza ni ungana ua Tatʼâ ni ji-anju je jangene.

Nzuá 17:3

O muenhu ki uàbhua uenhú: Kuila oso a ku ijiie eie u Nzambi ia kidi imoxi-èlele, ni kuijiia ue Jézú Kristu, ió ua mu tumu eie.

Jipoxolo 24:9

Jijudé anga ji mu kuatekesa mu kufunda exi imʼ iii ia kidi.

Loma 1:16

Mbata eme nga dielela kiavulu o Njimbu Iambote; kuma iene o nguzu ia Nzambi i bhulukisa oso a xikana; ku dianga o Judé, hé ku kaiela ió oso ki Jijudé.

Loma 1:28

Kienʼiki kuma a di tunu kusuua Nzambi mu kuijiia kuâ, Nzambi ua ehelela ni kilunji kiasekala, phala ende ni kubhanga ima ki i fuama.

Loma 3:13

Bhu xingu iâ kala mu mbila mua jikuka; madimi mâ mejidila o kutanga makutu aiibha, ni mazui a kalunga, mukuâ ni ikolakola ia jinhoka itunda ku mizumbu iâ

I Kolindo 15:34

Phaphumukenu, mu kuate kilunji ni muenhu uaiuka kala kia fuama, kana dingi kuta ituxi. Kiki nga ki ambela o ku mi kuatesa jisonhi, kuma amoxi-moxi mudienu Nzambi ka mu ijiia.

Filipe 1:28

Kana kukala ni uôma ua jinguma. Maji múbhua jinga uôma, phala ki kale kijimbuete kia ku a edikiza kuila anda kutoloka; phala enu-phe, kiedikiza kuila muanda ku a tolola, mbata o kubhuluka kuenu ku tunda kua Nzambi.

II Timote 3:13

Maji athu aiibha-phe, akua makutu, jindunge jâ jiia ni ku di bandekeza, a nganala athu, maji ene uâ aia ni ku a nganala.

Juda 1:3

Enu akuetu, nga mi zola, kioso ki nga tele o muẋima mu ku mi sonekena o maka ma kubhuluka kuetu etu-ene-oso, kua ngiza kibhidi kia ku mi sonekena mu ku mi suinisa mu kuzokela o kixikanu kia bhana Nzambi, tunde ukulu ku akua Ngana.

Dijingunuinu 12:11

Jiphange jetu a tena-phe ku mu tolola mukonda dia manhinga ma Kambudi, ni mukonda dia maka ma umbangi uâ ua kidi ma tanga jinga. Ene a kexile polondo ia kubhakula o mienhu iâ phala ku a jibha.

Afundixi 14:17

Muhatu-phe u jijila kudila bhu pholo ié mu sambuadi dia izuua ioso ia ubhanga (fesa); kutula-phe kizuua kia kasambuadi muene u mu tangela, mukonda ua mu tatesa kiavulu; muhatu-phe uia, nongonongo ié u i tangela nzangi ia akua bhata diê.

Afundixi 2:10

Ni muiji uoso uenhó a a bhongolola kuʼaia jitata jâ; anga kuiza muiji uengi úa kulu bhu kididi kiâ, a kambe kuijiia Jihova, a kambe kuijiia ue ikalakalu iê ia bhange mu bhângela anʼa Izalaiele.

I Samuuele 2:12

Anʼa Eli-phe, a mala, anga a sekala kiavulu kuma a kexile anʼa kadiaphemba; a lembua kuijiia ngó Jihova.