Jelemiia 9:1 - O Mikanda Ikola

¹ Tamanu mútue uami ua bilukile menha, o mesu mami ma bilukile fiẋi ia masoxi! Kienhokio ngeju dila imbi ia kilumba kia mundu uami, muanha ni usuku.

Jelemiia 9:1 ပူးပေါင်းရင်းမြစ်များ

Jisálamu 119:136

Kisoxi muene kiala ku ngi buabumuka mu mesu kala ngiji, mukonda dia athu kubhumina o ngonge ié.

Jisálamu 42:3

Muanha ni usuku, kúdia kuami masoxi; mbe iá ala ku ngi ta môndo izuua ioso, exi: Nzambi ié ua ku kala kuebhi?

Jisálamu 55:7

Ngeje kulengela muene ku makanga, hé ngi iudika o fundu iami ku matutu.

Izaía 16:9

Kienhiki ngi dila kiá ni udidilu ua Jazele, mukonda dia muvide ua Sibama; nʼeie Hexebone, nʼeie Eleiale, ngi mi tekele kiá ni masoxi mami, mbata o kusangulukila ibundu ié ia kudinji, ni kumuna kué, kuabhu-ku kiá.

Izaía 22:4

Kala kiki, ngixi: Lungenu o pholo kuengi, eme nga-nda kuẋikujuka ni kudila, ki mu tale hadi ia ku ngi dixibhisa, nga bhondalala mukonda dia kibuika kia mona-kilumba, dia mundu uami.

Jelemiia 13:17

O kiki se mu kamba ku kʼivua, muenhu uami ua kà didila mu jihota ja di sueka, mukonda dia ku di zangeleka kuenu, mesu mami ma kà dila lujiji, anga ma koboka mu kisoxi, mbata o kilunga kia Jihova a ki ambata ku ubhika.

Jelemiia 14:17

Uila kiki a tangele maka iâ: Muanha ni usuku mesu mami ma kuate kienhiki o ku lundulula kisoxi, ki ma zumbuke; mbata kilumba kia muzeletete, monʼa mundu uami, a mu kuama kiavulu, kilonda kiê kia xixima kinéne.

Jelemiia 3:10

Hanji-phe, o phèke-phèke ia phangiʼé na Juda, o muʼaxaxi ka ima ioso iii, ngué kuvutuka kokuami ni muẋima ua kidi, maji ua vutuka ngó makutu, Jihova ua ki tange.

Jelemiia 4:19

Uá! Vumu diami, vumu diami, tata! A ngi kuama ku muẋima uami! muẋima uami iú lunguta! ku di xibha nga lembua; mukonda o muenhu uami koloneta ua ivué ni milolo ia ita.

Jelemiia 5:7

Eme-phe o ki ngi mona kiki, ngi ku loloka kiebhi? anʼé a ngiʼxa eme hé a lokela ku jinzambi ki jinzambi ngó, kioso eme ki nga zubha kua ekutisa, ai kiá kuta jiphanda jâ, a bokona monzo ja idianzunga, a di bhanga ibuka-ibuka.

Jelemiia 6:26

Kilumba kia mundu uami, tata, dikute kidinhaji, u mbolomoke mu uthokua; tá muene ngololo kala ia kudila monʼumoxiʼèlele, ngololo ia malamba; mbata mubuikixi kua mu kambe ngó kofèle u tu sanga.

Jelemiia 8:18

Uá! se eme nga tenene ku di konda dilamba diami, tata! muẋima uami iú jila moxi.

Jelemiia 9:18

Alenguluke-phe, a zangule ngololo iâ mukonda dietu; nda mesu metu ma koboke mu kisoxi, o ibhebhetulu ietu i di zunze menha.

Kuditenda 2:11

Mesu mami ma fefetela ni masoxi, enu mala! O mídia moxi ia ngi dimbuluka; miẋima iami ia di zunzila bhoxi mukonda dia kusenguluka kua senguluka o kilumba kia mundu uami! Abha kua bhingi ni tumbonga, enu mala, ni tuana ku mele ia ambukila mu jinzunga ja diembu!

Izekiiele 22:12

Mu kaxi kê eie a tambuila-mu ue ni nduta ia kuzunza o manhinga; dikongo ua di vualesa ni kuvudisa o kitadi ku uenji, iene o ima i ua tambula, eie uemina mukuenu ni ku mu tatesa; maji eme ua ngi jimbi, eme ngi Jihova.

Hozeia 7:4

Ene oso muene ala ati a jiphànda; a difangana ni forno iouike kuala mubhangi-a-jimbolo, hé u zumbuka kiá kuphopha túbhia, nʼa kinge o dikende dia masana ni felemendu katé ki di nana.