Jelemiia 8:9 - O Mikanda Ikola

⁹ O jinjimu sonhi ja a kuata, a a tukumuisa ia a a kutu: Oko a tènde o kizuelu kia Jihova; unjimu uahi-phe ua kala na-u?

Jelemiia 8:9 ပူးပေါင်းရင်းမြစ်များ

II Jisobha 17:15

Iá a tènde o jingonge ni kikutu kia Jihova, kia tele ni jitata jâ, kiene ue kimoxi ni maumbangi mê ma a bazela jinga na-u kuala Muene; iá a kaiela ngó ukumbu, a kituka kingoho; a kaiela ue miji ia matumbu ia kexile mu jimbandu jâ, ioio ia ambelele Jihova, kuila: Kana ku a fikisa ni kubhanga ima kala ene.

Jobe 5:12

O ixinganeku ia jinjimu, Muene u i kitula kingoho, phala maku mâ a lémbue kubhanga ioso ia solo o mixima iâ.

Jobe 5:13

Muene, o jingijiie u ji kuatela mu kuijiia kuâ; o kikutu kia isuéia, ka ki ehela.

Jisálamu 19:7

Ngonge ia Jihova ia di uabhela, i bhekela muthu muenhu uobhe; umbangi ua Jihova ua kidi, u ijidisa atobho.

Izaía 19:11

Mu kidi, makota mu Zouane ioua muene; a kituka malaji a hatu, ni kaiula ka jingànji ja tetuluka ja Falaó, lelu, ka zuzuma; Falaó-phe mua ka mu ambela kiebhi, muexi; Eme ngi mona ku jinjimu, a ngi vuala kuala jisobha ja xiahulu?

Izaía 29:14

Uila kiki, eme hanji ngi kolokota ni kukalakala kima kia madiuanu muʼaxaxi ka mundu iú; ngi bhanga kisunji nda adiuane, kuma o unjimu ua jinjimu jâ, ua kà jikinina, o kuijiia kua jingânji jâ kua kà suama.

Izaía 43:27

Tatʼenu ua diangele-ku uate kutuxi, o alombolodiʼê a ngi tondalela.

Izaía 8:20

Inda tuila: Ku Kitumu ni ku Umbangi; ene se nguauá kuzuela kala kiambe o kizuelu kiki, o mukengeji ua kimene ka kà u mona.

Jelemiia 15:6

Jihova uambe, eie ua ngi-xi, ua vutuka ku dima; kiene ki nga-nda kusununuina o lukuaku luami ku thandu dié hé ngi ku jikinisa; o kudielesa ue kua ngi kumu kiá.

Jelemiia 19:7

Kuma o kaiula ka Juda ni ka Jeluzaleme hinu ngi ka bhuisa-ku bhu kididi kiki; anga ngi a laukisa ku xibhata bhu pholo ia jinguma jâ, ni bhu lukuaku lua ió oso a mu sota ku a katula o mienhu iâ; anga iimbi iâ ngi i bhakuila jinjila ji bhita bhulu ni iama ienda bhoxi.

Jelemiia 2:8

O jinganga a lembua kuila: Jihova uala kuebhi? O jimesene ja kitumu a lembua ku ngʼijiia; o alongi a ngi tondalela ijila; o jipolofeta a zambuila Bahale ni ku landukila ima ki i bhandulula kima!

Jelemiia 49:7

Ku mbandu ia Idomo, Jihova dia Huxi, uambe kiki: Mbé mu Temane kana-mu dingi kuijiia? Mulongi iuná ua athu ejiia ki uala-mu dingi? O kuijiia kuâ kua tumbuluka kiá?

Jelemiia 6:15

Ene o kia bhanga o ufusa manhi a kala ni sonhi? lémbue! ene kene mu kala ni sonhi ia kima, né ngó bhuʼofele kuijiia kioso ki kuata o sonhi, kala kiki ene ue a-nda ku di bhala kumoxi ni iá a dibhale; a-nda ku di lukula bhoxi, bhu kithangana ki nga-nda ku a zungila, Jihova ua ki tange.

Jelemiia 6:19

Ivua kunu, eie u ixi! Talesa, o mundu iú nga-nda ku u bhekela kibhidi, kia tundu mu kibundu kia ixinganeku iâ-ene; mbata maka mami kala ku ma suua, o ngonge iami ue a di tunu-iu.

Izekiiele 7:26

Kua kʼèza uíndua mu uíndua, anga kua kà balumuka kilungutu mu kilungutu; kienhokio-phe a kà sota polofeta phala ku a tangela kisukila, maji o nganga katé ni kitumu kia kà mu jimba muene lalá, o adiakime a lémbua o kaiula.

Amoji 2:4

Jihova uambe kiki: Juda kia tondala lutatu mba luuana, kibetu kiê ki ngi mu katula-kiu, mukonda o ngonge ia Ngana a i tènde, o itumu iê a tokoka o ku i bhaka, kia a kala kota o ku diehelela ku makutu ma jinzambi jâ ene-muène, kala kienda jinga o jitata jâ.

Zakadiia 13:4

Mu kizuuʼomo-phe jipolofeta ja kà kala ni sonhi ia kutanga kisukila kioso kia mono mu uanji ua upolofeta; ene uâ ka kà zuata dingi mandu ia kindemba, phala nʼa kuata kutanga makutu.

Matendelelu 4:6

O jingongʼiji mu ila ni ku ji langa ni ku ji kumbidila, kuma uene o unjimu uenu ni kutetuluka kuenu bhu mesu a ifuẋi; oso a-nda kuívua o jingonge josoʼiji, a-nda kuila: O mundu iú uónene, ni mu unjimu ni mu kutetuluka kamoneka soko diâ.

II Timote 3:15

Mukonda eiemuène tundé undenge uejiia Mikanda Ikôla i tena ku ku ijidisa o kubhuluka, mu kuxikanʼoko kuene mua Kristu Jezú.