Jelemiia 8:8 - O Mikanda Ikola

⁸ Muila kiebhi-phe: Etu tua dimuka, o ngonge ia Jihova tuala na-iu? Talesa-ze, o pena ia makutu ia asoneki iala ku tala ngó hadi mu ku kalakala.

Jelemiia 8:8 ပူးပေါင်းရင်းမြစ်များ

Jobe 11:12

Maji muthu ua ngoho ka moneka kilunji; kiene muene, muthu a mu vualʼé ngó kala kamona ka mukete ku mukáu.

Jobe 12:20

Muene o nganji ja maka, o kizuelu u a katula-kiu mu kanu; o ió a kuka kiá, kilunji u a tambula-kiu.

Jisálamu 147:19

Uidikiza o maka mê kua Jakobo, ni ijila ni jiphangu jê kua Izalaiele.

Jisabhu 17:6

Athu a kuka, kitundu kiâ o aláula; o kijingu kia ana-phe, o jitata.

Izaía 43:27

Tatʼenu ua diangele-ku uate kutuxi, o alombolodiʼê a ngi tondalela.

Jelemiia 18:18

Bhenhobho ene exi; Izenu tu di kunde kioso ki tu bhanga mu kununguna Jelemiia; kuma-phe o ngonge ia nganga mba kaiula ka ngambi, mba kizuelu kia musesedi ki iene kufula: izenu tu mu kuame ni dimi, maka mê oso-oso, kana dingi kua evua.

Jelemiia 19:7

Kuma o kaiula ka Juda ni ka Jeluzaleme hinu ngi ka bhuisa-ku bhu kididi kiki; anga ngi a laukisa ku xibhata bhu pholo ia jinguma jâ, ni bhu lukuaku lua ió oso a mu sota ku a katula o mienhu iâ; anga iimbi iâ ngi i bhakuila jinjila ji bhita bhulu ni iama ienda bhoxi.

Jelemiia 2:8

O jinganga a lembua kuila: Jihova uala kuebhi? O jimesene ja kitumu a lembua ku ngʼijiia; o alongi a ngi tondalela ijila; o jipolofeta a zambuila Bahale ni ku landukila ima ki i bhandulula kima!

Jelemiia 4:22

Ni kidi kiene o mundu uami a dianguka, ka ngijiia dingi; a di bhange mizunda ia ana, ka dimuka kana; ala ngó ni unjimu ua ku bhanga phulu, kejiiâ kubhanga mbote, lémbue.

Jelemiia 48:14

Mua-nda ku kiʼamba kiebhi, muexi: Tu mazonda, tu malʼa nguzu mu ita?

Hozeia 8:12

Sumbala nga a sonekena o madiuanu a ngonge iami, ene-phe a ma kiti kima kia ngoho mukuâ ni ngonge ia akua matumbu.

Matesu 15:6

kuabhu, o tatʼâ ka mu bhanʼê dingi ujitu. Mu kubhanga kiki, o maka ma Nzambi mua ma tumbulula mukonda dia kífua kienu.

Nzuá 9:41

Jezú ua a vutuila, uixi: Se mua kexile mu ifôfo, ki mueju kala ni kituxi. Maji o kiki, ki muala kuila-phe, tua mono, kienhiki hanji kituxi kienu kia xalela.

Loma 1:22

Ene a di tange exi tu jinjimu, maji a biluka ioua.