Jelemiia 8:7 - O Mikanda Ikola

⁷ Katé ni dibanda bhulu, uejiia ithangana iê ia mu xindila; o diembe ni munzoue ni phiaphia a tongolola kiambote o kithangana kiâ kia kuvutukila kua tundu; maji o mundu uami-phe, ua lémbua kuijiia ubatuilu ua Jihova.

Jelemiia 8:7 ပူးပေါင်းရင်းမြစ်များ

Mukumbi ua Mikumbi 2:12

Mʼoxi ietu muezala kiá itulu; o jinjila mungongo thembu ia bhixila ia kuimba; Diembe a dʼivua kiá kudila moxi ietu.

Izaía 1:3

O ngombe iejiia ngana iê, o bulu ue iejiia mu kidilu kia mu tela ngana iê; maji Izalaiele dia mundu uami ua xiti mu thulu, kifuxi kiami kʼejiia kima.

Izaía 27:11

O kioso jithangu jê joso ki ja-nda ku kukuta, a kà ji bukujula; o kiza ahatu, a ji ta mu túbhia; mukonda o mundu iú ki mundu ua kilunji; kienhiki-phe, ió uoso ua u bhanga ka kà u kuatela henda, ió uoso ua umbu ka tena ku uidika ujitu ua kima.

Izaía 5:12

Mu izokola iâ usanga ni tukóxi, ni tumbânza, ni tungoma, ni jingaieta ni vinhu; kene kusuua kikalakalu kia Jihova, mba ku tongolola ufunu ua ikalakalu ia maku mê.

Jelemiia 4:22

Ni kidi kiene o mundu uami a dianguka, ka ngijiia dingi; a di bhange mizunda ia ana, ka dimuka kana; ala ngó ni unjimu ua ku bhanga phulu, kejiiâ kubhanga mbote, lémbue.

Jelemiia 5:6

Mukonda dia kiki hoje ia tundu mu kitumba ia-nda ku a buidisa, o kimbungu kia ixi ia kisekele kia-nda kua sengulula; ongo ia batamena o madiembu mâ: uoso-uoso u tunda mu jisazalʼomo a mu sasujula; mbata o itondalu iâ ia sokoloka, o umbaluke uâ ua di bandekeza.

Habakuke 1:4

Mukonda dia ima ienhiʼii kitumu kia zondo, o kubatula mu kidi ki kua moneka. Kuma mukua ituxi u bhondeleka uaiuka, o kutetulula mu kidi anga a ku lémbua.

Zakadiia 5:9

Anga ngi zambula mesu mami, ngi mona kua tundu ahatu kiiadi, ala mu ku bhuka-bhuka o kitembu ni mabhabha mâ, kuma a kexile ni mabhabha a di fu kala mabhabha a kinzuá; ene anga a zangula efa a tuka na-iu, aia na-iu mu dinga ni dinga, mu muxinda ua ixi ni diulu.