Jelemiia 8:4 - O Mikanda Ikola

⁴ A tangele dingi: Jihova uambe kiki: abha athu a di bhalelà-ku kiá, kene dingi ku balumuka? A bhambukilà-ku kiá, ka vutuka dingi?

Jelemiia 8:4 ပူးပေါင်းရင်းမြစ်များ

I Jisobha 8:38

Musambu uoso, ni kudionda kuoso, kubhana muthu uoso-uoso mu kifuxi kié kioso kia Izalaiele, muthu ni muthu kia zubha ku di tongolola o kuiibha kua muẋima uê, anga u sunununa o maku mê ku inzo iii,

Jisabhu 24:16

Kuma o muthu ua iuka, né ua di bhale lusambuadi, ubalumuka; maji athu abhumu-phe, à ka jikinina mu kibuika.

Izaía 44:22

Ikuma ié ngi i jimuna kala mbundu, o ituxi ié ngi i bhuisa-ku kala dituta: Vutuka kokuami, mbata eme nga ku kula kiá.

Izaía 55:7

mukua-ituxi ehe o njila iê, o ua iibha muẋima a tule mabanzelu mê; a vutuke kua Ngana, u mu kuatela henda; nʼalukile kua Nzambi ietu, kuma muene mukua kuloloka kiavulu.

Jelemiia 23:14

Maji mu jipolofeta ja Jeluzaleme nga di uana-mu kisunji kionéne: èhé, a kuata ku-ta o jiphanda, a di-ambatesa ni kádia, o maku ma ingumba ene dingi a ma suinisa, mbé a lémbue kudiela o ikuma iâ; o ki nga ela suí, edi kala Sodoma, akua-bhata momo, mukua ni Ngomola.

Jelemiia 3:1

Ala kuila zuele-zuele, exi: se bhu kala diiala di senga mukajiʼé, muene anga uia kuengi hé u sakana ni diiala diengi, kifua u mu vutukila dingi? Oxi ioso ioio ki ia-nda ku tambula lufuku? Eie-phe ua di kasanesa ni jisaii ja nzungule; né-mbe-phe kiene, vutukila dingi kokuami, Jihova ua ki tange.

Jelemiia 3:22

Vutukenu, mbaluke ja ana, eme nga-nda ku mi saka o makuẋinuka menu. Etuʼetú, tueza kokué, mbata eʼmuène u Jihova Nzambi ietu.

Jelemiia 36:3

Nga fika, kuila, akua dibhata dia Juda, a-nda kuivua ku ibha kuoso ku ngʼandala ku a bhanga, phala muthu ni muthu a diele ku njila jê ja ibha, eme nda ngi loloke kikuma kiâ ni kituxi kiâ.

Jelemiia 4:1

Se uedi u vutuka, eie Izalaiele, vutukila-phe kokuami, eme ngi Jihova, o ki uila u sondolola isunji ié bhu pholo iami, kua-nda kuenda dingi ni kubungana.

Izekiiele 18:23

Jihova uixi; Mbebhu eme ngène mu kuinda kiá ngoho o kalunga ka mukua phulu? Manhi ki ngʼanadala, kuila u diela ku jinjila jê ja phulu mbé a kole muenhu?

Hozeia 14:1

Eie Izalaiele vutuka kua Jihova Nzambi ié, mukonda o ituxi ié iene ia ku bhalesa.

Hozeia 6:1

A kèla: Izenu, tu alukile kua Jihova, mukonda muene ua tu sasujula, muene ue ua-nda ku tu ilula; kia tu kuamʼiki, kiene ue kia tumba o fidila ietu.

Hozeia 7:10

O Izalaiele, izala iê ia-nda ku mu jimbulukila muene ku mesu mê; maji mu ioso iii ene ka-nda kualukila kua Jihova Nzambi iâ, né ngo ku mu sota.

Amoji 5:2

Kilumba kia muzeletete mu Izalaiele ua di bhale, ka-nda kutena dingi ku balumuka! Ua zeka muene ku thandu a mavu, a mu ehelela, ki bhuala muthu u mu balumuna!

Mikeia 7:8

Eie kana kusanguluka, nguma iami, ki u mona nga di-bhale, kuma né nga di bhale, hádia ngi balumuka dingi. O kioso ki ngiza kitombe, Ngana ua kà kala mukengeji uami.