Jelemiia 8:3 - O Mikanda Ikola

³ Oso-phe o masubhu a kà subhuka ku muiji iú ua iibha, enhó a kʼènda o kufua o muenhu ka-nda ku uinda, oso a-nda kusubhuka mu ididi muoso mu nga a takuila, Jihova dia Ilombo Ieta ua ki tange.

Jelemiia 8:3 ပူးပေါင်းရင်းမြစ်များ

I Jisobha 19:4

Muene anga uia mu kikangalakata, uenda kizuua kimoxi, anga uiza, u xikama bhoxi dia muzimbru; anga u bhinga kúfua moxi diê, uixi: Kuabhu kiá, eie u Ngana! Katula o muenhu uami kindala, mukonda eme ki ngala kota, o jitata jami ndenge mu kuuabha.

Jelemiia 23:3

Anga eme-muène ngi bhongolola joso ja subhuka ku jimbudi jami, ngi ji takana ku jixi joso kua ji kaielele anga ngi ji vutula dingi mu ibhanga iê, hé ja kà di vuala anga ji sokoloka muene.

Jelemiia 23:8

maji: Jihova a nangenene, uedi muiji ua dibhata dia Izalaiele ua u takana kʼoxi ia kusuku ni ku jixi joso kua a tandele; anga a kà tunga kiá mʼoxi iâ.

Jelemiia 29:14

Enu-phe mua-nda kuà ngi bonga muene, Jihova ua ki tange, nga kà bhangesa kuila jihutile jenu ja kà vutuka, anga ngi mi bhongolola mu miji ioso ni mu ididi ioso mu nga mi takuile, eme ngi Jihova, anga ngi tona dingi ku mi bheka bhu kididi kioso bhu nga mi katuile mu ku mi bheka ku jixi jengi.

Jelemiia 29:28

Mukonda kiene kia tumina ku tu tangela ku Babilonha kuila: Uhutile ua-nda kunakina muene kiavulu; tungenu jinzu mu kalemu; kunenu mábhia mu-die ku ibundu iê.

Jelemiia 40:12

ene oso o jijudé a kexile mu ididi ioso mua a takuilile, a vutuka anga eza mʼoxi ia Juda, kua Jedaliia, bhu Mixpa; hé a bhongolola ndumba dia vinhu ni ibundu ia musonoko ua mvula ni kuvula kuoso.

Jelemiia 44:2

Jihova dia Ifuẋi, Nzambi ia Izalaiele, uambe kiki: Enu mua di muena o kuiibha kuoso ku nga lauila ku thandu dia Izalaiele ni ku thandu dia jimbonge joso ja Juda; talenu, leluʼidi ja di bhange jingundu ki bhuala muthu u tunga-mu.

Jelemiia 44:6

Njinda iami-phe ni kutema kuami anga i di lundulula hé i uamena mu jimbonge ja Juda ni mu jinzunga ja Jeluzaleme; jene jí ja kituka ixi ia kisekele, ja biluka jingundu, kala ki kia di monekena mu lelu.

Jelemiia 6:9

Jihova dia Ilombo Ieta, uambe kiki: O masubhu ma Izalaiele a-nda ku ma nona ni muanu uoso, mukua ni mu dibhia dia muvide mua munu kiá; lukuaku lué tá na-iu dingi mu iinda, kala ki bhanga o mukua kumuna jiúva.

Daniiele 9:7

Eie, Jihova, ualungu muene, etu-phe sonhi ja tu fuama té mu leluʼidi, ni mala mu Juda, ni akua Jeluzaleme, ni Izalaiele ioso-lolo; kixi ia a zukama, kixi ió oso ala ku makanga, ku jixi kuoso ku ua a tande, mukonda dia kutondala kuâ ku a ku tondalela na-ku eie.

Ijila 26:33

Enu anga ngi mi muangena muʼaxaxi ka akua jixi jengi, hé ngi mi fomuena o xibhata, ni ngi mi mono bhu muia; oxi ienu i xala kilômbo ngùndu, o madiembu menu a jikinina muene taka-tàka.

Amoji 3:1

Ivenu kizuelu kia Jihova, uala kuzuela mu kuzoka ni enu, mu anʼa Izalaiele, enuʼoso mu muiji nga mi tombola mu ixi ia Ijitu, kuamba:

Jona 4:3

Nga ku diondo-phe, u Jihova, ngi batule muenhu uami, mbata kota ngafu kulaia kiki, kana.

Mikeia 2:3

Ngana kiene kia ki tangela, uixi: Muiji iú nga u kanena ku u bhanga phulu, hádia ia a kuata bhu xingu, ni ku di sukununa-bhu, a lémbua; ki mua kà tena kuenda dingi ni ku di zangeleka, mukonda kia kà kala kithangana kiaiibha.

Matendelelu 30:1

Hé ua mono kua kuiza ima ioso iii, dibesá mba uíndua, kala o ima iii i nga ku tela kiá ku pholo ié, se u i lembalala kiambote muʼaxaxi ka miji ioso kua kà ku takuila Jihova Nzambi ié;

Matendelelu 30:4

Né-mbe hanji o jihutile jé a a balakala, a kala katé kua suku o diuluʼoko, Jihova Nzambi ié kuenhoko ua kà a bhongolola muene anga ua kà a katula-ku;

Dijingunuinu 6:16

Anga a dionda o milundu ni jindanji, exi: Tu lundumukinienu, mu tu sueke ku mesu ma ió ua xikama bhu kiandu, ni mukonda dia njinda ia Kambudi!

Dijingunuinu 9:6

O mu mbeji jitanu jenhojo, athu a kà bhindamena o kùfua, maji a kà ku tokoka! A kènda kalunga, maji o kalunga-phe ka kà a lenga!