Jelemiia 8:2 - O Mikanda Ikola

² Anga a i aneka ku muanha, ni ku mbeji ni ku ilombo ioso ia diulu, ia zolele ene, ia bhikila jinga, ia kaiela jinga, ia kexile mu kusota, ia a kexile ku i diundila: ka kà i ongeka, né ku i funda; ia kà xalela ngó mukua ni ditobe ku thanduʼa mavu.

Jelemiia 8:2 ပူးပေါင်းရင်းမြစ်များ

II Jisobha 17:16

O ijila ioso ia Jihova, Nzambi iâ, a i xisa, ià a di iudikila mahamba ma utadi ua kuzunza, tungombe tuiadi; ià a bhange kiteka kimoxi kia muxitu; a fukamena o kifuẋi kioso kia diulu; ià a bhikila o dihamba dia Bale.

II Jisobha 21:3

Mbata ua tona dingi o kutunga o matala a muangene tatʼâ Ezekiia, o Baale ua mu tungila jikalatódio, iu ua bhange muxitu kala kia Akabe, sobha ia Izalaiele; o kilômbo kioso kia diulu, ua ki fukamena iu ua ki bhikila.

II Jisobha 21:5

O mu malumbu ma iadi ma inzu ia Jihova muene mua tungu jikalatódio phala o kifuẋi kioso kia diulu.

II Jisobha 23:5

O jinganga joso ja tele-ku o jisobha ja Juda phala kuenda ni kuohela o uasu ua dizumba bhu ididi ia di-leka mu jisanzala ja Juda ni mu ikanzu ia Jeluzaleme, muene ua ji katula-ku; ua katula-ku o jinganga ja kexile mu kuohela uasu ua dizumba kua Baale, ni ku dikumbi, ni ku mbeji, ni jithéthembua, ni ku kifuẋi kioso kia diulu.

Jisálamu 53:5

A tukumuka-phe uoma ua a kuata, sumbala kingumba ki ki moneka; kuma Nzambi ua muange ifuba ia ió oso ejiie ku ku lokalala; jisonhi ja a kuata, mukonda Nzambi ua a tobhesa.

Jisálamu 83:10

A buidila bhu Endodi, imbi iâ anga i biuluka ditobe dia mavu.

Jisálamu 83:11

Ilolo iâ a soke kiá ni ki ua bhange Olebe ni Ziiebe; o jisobha jâ mukuâ ni Zeba ni Zalumuna,

Ndongixi 6:3

Kuma se bhu kala muthu u vuala hama ia mona, anga u laia muene ndumba ia mivu, o izuua ia muenhu uê hé i vula muene, maji o mbote ku muenhu uê ua lémbua ku i dia, o ku thandu dia kiki kafunduʼê muthu; ngi mi tangela kidi kuila o kisèlu kiala kota, o muenhó ndenge.

Jelemiia 14:16

O mundu ua mu zambuila ene, a-nda ku a takuila mu jinzunga ja Jeluzaleme, mukonda dia nzala, ni dia xibhata; ki bhua-nda kumoneka muthu u tena kufunda akajiʼâ, ni anʼâ a mala ni a ahatu; ikuma iâ hinu nga a lunduluila-iu kienhiki ku thandu diâ.

Jelemiia 16:11

Eie-phe ua kà a tangela uixi: Mukonda jitata jenu a ngi xisa, eme ngi Jihova, ia a kaiela jinzambi jengi, ia a ji bheza, ia a ji diundila, eme ia a ngixi, o kitumu kiami ku kiaiuka, nguâ.

Jelemiia 16:4

Kuma a-nda kúfua ni mahaxi ma xixima, ki bhuanda kuẋikina ku a dila mba ku a funda; a-nda ku kituka kala ditobe ku mukáu; a ka jikinina ku nzala ni ku xibhata, o imbi iâ ia kà kala kudia kua jinjila ja bhulu ni kua iama bhoxi.

Jelemiia 16:6

Ni makota ni jindenge hinu à kʼafua, moxʼumu, o ku a funda ki kuanda ku xikina; ki bhua-nda kukala ku a dila thambi mba ku di sema ku mikutu, mba ku di kolola jindemba ku mútue.

Jelemiia 19:13

Jinzu ja Jeluzaleme, ni jinzu ja jisobha mu Juda, ja-nda kukasana, kala o kididi kia Tofete: kiene kimoxi ue ni jinzu josololo, jedi o ku hongo iâ kuene kuohela o uasu ua dizumba phala ilombo ioso ia maúlu, ia a bhela-bhu mibhaku ia kúnua ku jinzambi jengi.

Jelemiia 22:19

A-nda ku mu funda ufundilu ua bulu, a mu koka nʼa mu texi dikanga muene, kuema dia mielu ia Jeluzaleme.

Jelemiia 25:33

Oso a kà a bhakula ku kalunga kuala Jihova kizuuʼokio, a kà dizala muene tundé kuʼandekela ixi katé ku ia suku; ka-nda ku a tela nzôngo ia kudila, mba ku a bhongolola, mba ku a funda; maji a kà di bhanga kala ditobe ku thanduʼa mavu mu ngongo.

Jelemiia 31:40

Dikolo dioso dia imbi ni uthôka, mikáu ioso katé ku honga ia Sedolone, katé bhu thungi ia dibhitu dia Jikabalu, kua lungila ku thunda, ioso a kà i lumbila Jihova; ka kà i vuza dingi, ka kà i bula dingi katé ku hádia ni hádia.

Jelemiia 36:30

Kala kiki, Jihova uambe kiki kua Jehoiakí, sobha ia Juda: Jehoiakí ka kà kala ni iú u xikama bhu kiandu kia Davidi, o kimbi kiê a kà ki takuila bhu muanha ua dikumbi ni ku mbambi ia kiaúla kia usuku.

Jelemiia 9:20

Ivenu-ze, enu, mu ahatu, o kizuelu kia Jihova, o matui menu ma tambule kizuelu ki tunda mu kanu diê; nda mu longe anʼenu a ilumba o kudila, kala kilumba a longe mukuá o ku-ta jingololo.

Jelemiia 9:21

Kuma kalunga ka sambela bhu jinjanena jetu, ka ka bokona mu mazemba metu, phala ku buba tuana mu jinzunga ni minzangala bhu itanda.

Jelemiia 9:22

Zuela: Eme Jihova uambe kiki: Katé ni imbi ia athu, ia-nda kutakujuka kala ditobe mu mukáu ua dianeka, mukuá ni phunga ia kidima ia xala mua bhiti o mubhongolodi, o u i bhongolola ka moneka.

Izekiiele 29:5

Hé nga kà ku xisa mu kikangalakata, nʼeie ni jimbiji joso ja jingiji jé; ua kà sonokena ku mukáu; ki bhuà kala u ku bokuesa mba u ku bhongolola; ngà ku bhana ku iama iaʼxi ni ku jinjila ja diulu, u kale u luandu luâ.

Izekiiele 39:5

Jihova Nzambi uambe kuma: Ua kà buila ngambu mu mukáu ua hatu, mukonda eme nga zuela.

Izekiiele 6:5

Anga o imbi ia anʼa Izalaiele nga kà i zeleka bhu mesuʼa iteka iâ bhene; o ifuba ienu hé ngi i muangena mu jimbandu ja jikalatódio jenu ue.

Izekiiele 8:16

Anga u ngi bheka dingi mu kimbaka kia moxi kia inzu ia Ngana, mu ku tula-mu nga sange bhu muelu ua Tembulu ia Jihova, bhu kaxi ka lumbu luònene ni Kalatódio, bhuala athu atena makuinhi aiadi ni kitanu, o makunda mâ a ma bhela ku Tembulu ia Jihova, o jipholo a ji lungisa ku mutundila-kumbi; kienʼiki a kala mu kubheza o dikumbi, a telela o jipholo mu thunda.

Sofoniia 1:17

Athu nga kà a tatesa anga mu kuenda kuâ a biluka kala ifuófuo, mukonda a te ituxi kua Jihova; o manhinga mâ ma kà di muangena bhoxi kala fufuta, o mikutu iâ ia kà kituka mukuâ ni ditobe.

Sofoniia 1:5

ni iá a mu sambela mù bheza ifuẋi ia diulu ku thandu dia jinzu jâ; ni iá a fukama mu kubheza Nzambi, anga a lokela kua Ngana ni kua Mala-kane;

Jipoxolo 7:42

Maji o Nzambi-phe ua a sondoloka, iú ua ehelela kusedivila o kifuẋi kia jithethembua ja diulu, kala kia ki soneka mu divulu dia jipolofeta, exi: Kifua Eme-muene mua ngi bhakuilile jixitu jojibhe ni jisata, mu makuinhi a uana a muvu mu kikangalakata, enu dibhata dia Izalaiele?

Matendelelu 17:3

anga uia mu kubhikila jinzambi jengi, ni ku ji fukamena, dikumbi, mba mbeje, mba ifuẋi ioso iala ku diulu; kima eme ki nga ki tumina;

Matendelelu 4:19

Di lange ue, phala o ki u bhetula mesu bhulu, anga umona o dikumbi ni mbeje, ni jithéhtembua, ni ima ioso kiá iene ku maúlu, muxima hé u ku tuma, eie anga usota kubheza o ima ia bhange Jihova Nzambi ié, phala ku kuatekesa naiu o ifuẋi ioso iala bhoxi dia diuluʼabha.