Jelemiia 7:6 - O Mikanda Ikola

⁶ Se mu kamba ku talesa hadi ku nzuá-ngiza ni monʼa difundu ni mutudi, mba kuzunza manhinga ma muthu ua kambe kikuma, bhu kididi kiki, mba ku kaiela jinzambi jengi mu ku di bhanga enuʼenu phulu,

Jelemiia 7:6 ပူးပေါင်းရင်းမြစ်များ

II Jisobha 21:6

Katé ni monʼé muène ua mu bhitisa ue mu túbhia; ua kexi ue mu kuzambuila mu matuta; ua kexile ue mu xingila, iú ua lumbile ue ndumba dia azambuidi ni imbanda; anga u suina muene mu kubhanga kia ibha bhu mesu ma Jihova, mbé o ku mu lokalala o njinda iê.

II Jisobha 24:4

Kumoxi ue ni manhinga a athu a iuka muene a ẋamuna, o mbanza ia Jeluzaleme iú ua i-zalesa ni Kihaxi kia athu a bene; ki kia bhangesa kuila o Ngana ue nguaiʼé kuloloka.

Jisálamu 106:38

Iá a ẋamujuna manhinga, sé ngó kikuma, o manhinga ma anʼâ ene, ni a mala ni a ahatu; anʼâ a a satela muene o iteka ia Kanana, o ixi anga a i ta o lúfuku lua manhinga.

Jisabhu 23:10

Kana ku sondolola o jimbambe jʼokulu, kana ku ta kinama kié mu mikáu iangene ia tokala anʼa di-fundu.

Izaía 59:7

Inama iâ i lenga mu ku bhanga phulu, a sakalela mu kubhubhisa manhinga ma muthu ua kambe kikuma; o ilunji iâ i funha ikuma mu ikuma; kubuika ni kubhondalala kuenhé mu njila jâ.

Jelemiia 13:10

Mundu ua iibha iú, ua mu di tuna o kuívua maka mami, enda kioso kia a tumu muẋima uâ, anga a kuata ku kaiela jinzambi ja ngene, phala ku ji bhikila, ni ku ji diundila, a-nda ku di fuangana muene ni phonda ienhiʼii, ki i sedivila dingi kima.

Jelemiia 19:4

Mbata eme a ngi xi, o kididi kiki a ki kasanesa, muene muohela uasu ua dizumba phala jinzambi jengi, jene nuka a jiʼjidile, né ene, mba o jitata jâ, né o jisobha jene ja Juda; ia edi o kididi a kiʼzalesa ni manhinga ma athu a iuka.

Jelemiia 2:30

Anʼenu nga tale ngó hadi ia ku a beta; ene ka xikina ku a bazela: o xibhata ienu ia jikinisa jipolofeta jenu mukua ni hoji i sanujuna.

Jelemiia 2:34

Katé ni ku mixiku ia izuatu ié kuala ue manhinga a mienhu ia athu a kambele kikuma, ni a bhindama: ki ngi bhingile-phe ku kanda phala ku i sanga, kuma kia di monekena muene ku ima ioso iii.

Jelemiia 26:15

Maji ijienu-kiu-phe ni kidi kioso, kuila se mu ngi jibha eme muanda ku di bhekela manhinga ma muthu ua iuka ku thandu dienu, ni ku thandu dia mbonge iii ni ku thandu dia oso a tungu-mu; mbata ni kidi kiene, Jihova muene ua ngi tumikisa kokuenu, phala ku ngʼivua ni mátui menu o maka mosoʼama.

Jelemiia 26:23

ene hé a katula Udiia ku Ijitu anga a mu bhekela sobha Nzuakí, muene hé u mu jibha ni xibhata, kimbi kiê hé a ki takuila mu jimbila ja athu ngó a kambe majina.

Jelemiia 35:15

Abhikʼami, jipolofeta, ene oso nga mi tumikisa-nâ, ngi di meneka ni ku a tumikisa, ngixi: Dielenu-phe kindala, muthu a biluke ku njila jé ja ibha, ibhangelu ienu mu i bhange ia iuka, ki mu kaiele jinzambi jengi phala ku ji bhikila; kienhokio mua-ndu kala mu ixi i nga mi bhana enu ni jitata jenu; maji enu nguenu ku ngi bhetekela dítui mba ku ngi tumaka eme.

Jelemiia 5:28

U a sanga a nete ni ene, aẋanana, o ku ungumba a somboka imbokoto; anʼa madifundu ka a fundila dimanda, exi avula kubhanduluka; mba ngó o jiphulungu ku a batuila milonga.

Jelemiia 7:5

He kima, se mu iukisa jinjila jenu ni ikalakalu ienu mu kidi kiene, se mu fundisa mu kidi muthu ni mukuá.

Jelemiia 7:9

Enu muila ni kunhana ni kujibha, ni kuta jiphanda, ni ku di lokela mu makutu, ni kuohela Bale uasu ua dizumba, ni ku kaiela jinzambi jengi, ji mua kambe ku jijiia.

Kuditenda 4:13

Kima kiki kieza mukonda dia ituxi ia misesedi, ni phulu ia jinganga, a ẋiamuine o manhinga ma athu aiuka, a ma ẋiamuina muene mu kaxi ka Jeluzaleme.

Izekiiele 18:6

u fula kudila jisata ja iteka ku milundu, mba kubhetula mesu mê ku mahamba ma dibhata dia Izalaiele, ka xikina kukasanesa muhatuʼa mukuá, mba ku di takanesa ni muhatu uala mu ijila ié;

Izekiiele 22:7

Ni tata ni mama a di tunina jinga na-u momué; o ngenji a mu bhondelekela jinga momué; o hukunhu ni mutudi momué a a talesela-mu hadi.

Ijila 19:33

Muthu ua tundu dikanga se u tunga nʼeie mʼoxi ienu, kana ku mu tatesa.

Ijila 25:17

Kana kufumba mukuenu ku uenji; inda u kala jinga ni uoma ua Nzambi ié; kuma ki ngalʼeki Eme-muene ngi Jihova Nzambi ié.

Malakiia 3:5

Bhenhobho, Jihova, uixi: Kienhókio nga kà mi zukama kiá, milonga ienu nga kʼèza mu ku i fundisa anga ngi kala ngi mbangi ia kubatula lusolo mu kubelesa aloji, ni akua ku ta jiphanda, ni iá a loka mu makutu, ni iá a kamba kufuta kitadi kia jingunza ja a a kalakalela, ni ió a bhingi kuila o mutudi, ni monʼa difundu, a a bhondeleka muene, ka xikina kubatula ni kuiuka o mulonga ua ngenji-a-thumba ua tundu dikanga, a lémbua ku ngi kuatela uôma, eme ngi Jihova dia Ilombo Ieta.

Matesu 27:25

Mundu uoso anga u kumbulula, exi: Manhinga mê ma kale ku thandu dietu, ni ku thandu dia anʼetu.

Matesu 27:4

Nga te kituxi mu thelekala o manhinga ma muthu uaiuka! Kuala ene-phe: Etu kia tu kuatelahi? Maka mé eie. Eie-muène soka na-kiu!

Matendelelu 11:28

kuxixima se mu dituna kusuua o ijiia ia Jihova Nzambi ienu, anga muila muengi, njila i nga mi xindi anga mu i lueza, anga mu landukila kukaiela jinzambi jengi, ji mua kambe kuijiia.

Matendelelu 24:17

Diba dia tokala kulungisa nzuángiza mba monʼa difundu, kana ku mu diodia na-diu hé u di lungulula; kana kutambula izuatu ia mutudi ua muhatu mu kikunji.

Matendelelu 27:19

Lamba dia ió uoso u lungulula o kidi kiangene kia nzuángiza, mba kia hukunhu, mba kia mutudi. Mundu uoso a kèla: Amén!

Matendelelu 8:19

Maji-phe kia kà kala kiki kuila, se kua kuiza mudiangu anga ulanduka Jihova Nzambi ié, se u bhana mátui ku nzambi jengi anga uhombokela mahamba, ni ku kuata o ku ma tolokela ni ku ma bheza, leluʼidi nga tange kidi kuila mua-nda kujikinina muene.

Tiiaku 1:27

O kubheza kua kidi, ki kuene kuxila bhu pholo ia Nzambi, Tata, kuenhuku: O kubindumuna jihukunhu ni atudi a ahatu mu ibhidi iâ, ni kudilanga eʼmuène sè kukasana ni ima iaiibha iene ku mundu iú.