Jelemiia 7:34 - O Mikanda Ikola

³⁴ Hé nga kà zumbula o dízui dia kutonoka ni dia kusanguluka mu madiembu ma Juda ni mu jinzunga ja Jeluzaleme, ni dízui dia ngaiala ni dia dibhanga: mbata oxi ia-nda kua kà di kuata mukondo.

Jelemiia 7:34 ပူးပေါင်းရင်းမြစ်များ

Jobe 3:7

Auá! Usuku uenhó u kale ni ngùnzu; uile kala muhatu ua mbaku ua lémbua kuvuala; o mimbu iambote ia kusanguluka kana ku imba-mu.

Jisálamu 78:63

Túbhia tua minha o minzangala iâ ia mala; o anʼâ a ilumba a xala sé muimbu ua ubhanga.

Izaía 1:7

Ixi ienu ia xala ngùndu, madiembu menu ma jikata mu túbhia; o mikáu ienu enda ni ku mi dia-iu kuala athu engi, akua jixi ja makanga, enu mu ki mona mesu; kibuika-phe kia athu engi kia mi vubuka.

Izaía 3:26

Ziione mielu ié ia kà kema, ia kà ta jingololo; o muene, ua kà xikama bhoxi mu mavu ni ku di kota.

Izaía 6:11

Eme-phe, ngixi: Ngana Katé bhebhi? Muene ua kumbulula: Katé ki buika o madiembu, sé muthu u tungamu, né ngó muthu umoxi mu jinzu, oxi iene ioso kilômbo ngundu.

Jelemiia 16:9

Mbata Jihova dia Ilombo Ieta, uambe kiki: O Nzambi ia Izalaiele, uixi: Talenu mu izuua ienu muenhumu, nga-nda ku bhuisa-ku, bhu kididi bhabha, o dízue dia kutana ni dia kutonoka, ni dízui dia ngaiala ni dia dibhanga, ku mesu menu.

Jelemiia 22:6

Mbata Jihova uambe kiki ku dizemba dia sobha ia Juda: Eie ua ngi kala u Ngiliiade, u mútue ua Libanu; maji kidi muene-ze hinu ngi ku bhanga u kikangalakata, u jimbanza ja biluka jingundu.

Jelemiia 25:10

O nzongo ia kutonoka, ni nzongo ia kusanguluka ni nzongo ia mabhanga, ni kilungutu kia matadi a ku huhila ni mukengeji ua kandeia, nga-nda ku i fuisa-mu, mu kaxi kâ.

Jelemiia 27:17

Kana ku a bhana mátui, inda bhikilenu sobha ia Babilonha nda mu kole muenhu; kuma phalaʼhi ki bhangesa mbonge iii i xala ngundu?

Jelemiia 33:10

Jihova uambe kiki, uixi: Bhu kididi kiki (ki muala kutanga muexi: Kia di bhange kikangalakata, ki bhu moneka athu mba iama) mu jimbonge ja Juda ni mu jinzunga ja Jeluzaleme, ja biluka jingundu, ki mu moneka athu, ki mu moneka akua bhata, ki mu moneka iama,

Jelemiia 33:11

Hanji a-nda kuívua-mu o mbimbi ia kukemba, ni mbimbi ia kusanguluka; mbimbi ia ngaiala, ni mbimbi ia dibhanga; ni mbimbi ia iá a mu tanga, exi: Ximanenu Jihova dia Ifuẋi, kuma Jihova mukua mbote, mukonda o kulenduka kuê ki kuene kúbhua; ni mbimbi ia iá a mu kuiza mu ku bheka diximanu monzo ia Jihova; mbata o kikexilu kia ixi nga-nda ku ki lungulula uila ku dimatekenu, kiene kia tange Jihova.

Jelemiia 4:26

Nga mono ue kuma oxi ia vudila kuima, ia xala kikangalakata, o jisanzala jê joso a ji bulabula bhu pholo ia Jihova, ni kutema kua njinda iê.

Jelemiia 4:27

(Mbata Jihova uambe, kiki: Oxi ioso ienhiʼii a-nda ku i buikisa; maji, kana, ki ngi i jikinisa xata-babá!)

Jelemiia 44:6

Njinda iami-phe ni kutema kuami anga i di lundulula hé i uamena mu jimbonge ja Juda ni mu jinzunga ja Jeluzaleme; jene jí ja kituka ixi ia kisekele, ja biluka jingundu, kala ki kia di monekena mu lelu.

Kuditenda 5:14

Adiakimi ka mu xikama dingi bhuʼnangu dia mundu bhu muelu, o minzangala ue ka mu kuimba dingi.

Izekiiele 26:13

Hé nga kà zubhaku o kilungutu kia mimbu ié, o dízui dia tukoxi tué, ka kà dʼivua-ku dingi.

Izekiiele 7:11

O kusuina kua kulu kiá ku kuate itulu, phala ku kituke mbangala ia ufusa; kala kiki, kokuʼâ ene ki kua-nda kusubhuka kima, mba ku kifuẋi kiâ, mba ku kilungutu kiâ, mba bhu kala ngó ku a dila.

Hozeia 2:11

O kusanguluka kuê kuoso nganda ku ku bhuisa-ku, ni jifesa jê, ni mbeji jê ja thethama, ni jisabalu jê, ni mabhongolokelu mê moso ma izuua ia jifesa.

Hozeia 2:13

O izuua ia bheza jinga Baale, nganda ku mu bhela-iu muene o kastiku kê, kia kexe ku mu bhangela o dixi dia dizumba, ni ku mu kembela ni jibixa ni malenge moso, hé uia ni kukaiela o jisaii jê, iu ua ngi landuka jinga, eme ngi Jihova.

Ijila 26:33

Enu anga ngi mi muangena muʼaxaxi ka akua jixi jengi, hé ngi mi fomuena o xibhata, ni ngi mi mono bhu muia; oxi ienu i xala kilômbo ngùndu, o madiembu menu a jikinina muene taka-tàka.

Mikeia 7:13

Sumbala kiene, maji oxi ienhiʼii-phe a kà i xa ngùndu, mukonda dia athuʼê a tunga-mu, ni mukonda dia kikexilu kia ibundu ia ima iâ iene mu kubhanga.

Dijingunuinu 18:23

Nuka momué mu muika dingi mukengeji ua kandeia! Nuka dingi évua-mu nzongo ia mabhanga! Mbata o jingenji jé ja kufuna, a kexile anʼa jingana a beta o kutena mu ngongo. O uanga ué uene u ua bhombo na-u akua jixi joso.