Jelemiia 7:30 - O Mikanda Ikola

³⁰ Mbata anʼa a Juda a bhange muene kia ibha ku mesu mami, eme ngi Jihova; isunji iâ a i tula muene mʼonzo iʼexanena mu dijina diami, phala ku i kasanesa.

Jelemiia 7:30 ပူးပေါင်းရင်းမြစ်များ

II Jisobha 21:3

Mbata ua tona dingi o kutunga o matala a muangene tatʼâ Ezekiia, o Baale ua mu tungila jikalatódio, iu ua bhange muxitu kala kia Akabe, sobha ia Izalaiele; o kilômbo kioso kia diulu, ua ki fukamena iu ua ki bhikila.

II Jisobha 21:4

O mʼonzo ia Jihova ua tungumu ue jikalatódio, onzo ioio iambele Jihova, kuila: O mu Jeluzaleme muene mu nga-nda ku-ta o dijina diami.

II Jisobha 21:7

Ua-te ue kiteka kia kusonga kia muxitu ua iudikile muene mu inzu ioio ia Jihova ia tangelele Davidi ni monʼê Solomá, kuila: Mʼonzo mumu ni mu Jeluzaleme i nga solo mu miji ioso ia Izalaiele, muene mu nga-nda ku-ta o dijina diami, katé ku hádia.

II Jisobha 23:12

Sobha ua bula-bula ue o jikalatódio ja kexile ku di tala dia thandu dia inzu ia Akaji, ja bhangele o jisobha ja Juda; sobha ua bhange ue kiò-muene ku jikalatódio ja bhangele Manasa mu malumbu aiadi a inzu ia Jihova; ua ji sasujula muene sasu-sasu, o fufuta ié iú ua i takuila mu honga ia ngiji ia Kidolone.

II Malunda 33:15

Anga o jinzambi jengi joso, kumoxi ni kiteka, u ji tubhula mʼonzo ia Jihova, kiene kimoxi ue ni jikalatódio joso ja tungile ku mulundu ua inzu ia Jihova, ni mu Jeluzaleme, anga a ji texi ku kanga dia mbonge.

II Malunda 33:3

Mukonda muene ua tona dingi kutunga o matala a budijile tatʼâ Ezekiia, iú ua tungu dingi jikalatódio ja Bale, ua kunu iú ua fukamena o kifuxi kioso kia diulu iu ua ki xibhidila.

II Malunda 33:7

Anga u ta ue mʼonzo ia Nzambi, kiteka kia kusonga, kiteka kia iudikile muene, o inzu Ngana Nzambi iambelele Davidi ni monʼê Solomá, uixi: Mʼonzo mumu, mu Jeluzaleme, i nga solo mu miji ioso ia Izalaiele, muene eme mu nga-nda ku ta o dijina diami ku mivu ni mivu sè dizubhilu.

Izaía 66:4

Eme uami nga kà a solela lusebu phala ene, ima ia a kuata uoma iene i nga kà a bhekela ku thandu diâ; mbata kioso ki ngʼexana, né-ku uetaia; o ki nga zuela, ki bhuala ua ngʼivu; inda, a bhange phulu ku mesu mami, a solo ima i nga di-zemba na-iu.

Jelemiia 16:18

Kima kia dianga nga-nda kua bhana futu luiadi mu kuiibha kuâ ni kituxi kiâ, mukonda oxi iami a i kasanesa ni imbi ia ima iâ iaiibha kinéne i kuatesa fuokoso, ni undundu uami a uizalesa ni isunji iâ.

Jelemiia 23:11

Mbata kixi o polofeta, uixi o nganga, a di kasanesa; katé ni monzo iami phulu iâ muene mu nga i sange, eme ngi Jihova.

Jelemiia 32:34

Inda o kia bhange ene, o ku-ta ima iâ ia isunji, ni ufusa mu inzu iexana mu dijina diami, phala ku i sebulula.

Jelemiia 32:35

Iá a tunga matala ma Bahale, ala mu honga ia monʼa Hinome, phala kubhangesa anʼâ a mala ni anʼâ a ahatu kubhita mu túbhia tua Muloko; o kima eme nuka nga ambelelè-kiu ku ki bhanga, mba ki ngi bhita ngó ku muẋima uami, kuila a bhange ufusa uenhó; phala ene a bhangese Juda kuta kituxi.

Izekiiele 7:20

O matunda ma makembu mâ, muene ua ma tula ku unéne; maji ene a bhangemu iteka ia maufusa mâ ni isunji ki i xikina ku i tanga; kiene ue eme ki nga a lunguluila kala kima kia bolo phala ene.

Izekiiele 8:3

Anga u sunununa bheneʼobho kima kiedi kala lukuaku, ki ngi kuatela mu jindemba ja mútue; O Nzumbi ia Nzambi anga u ngi zangumuna mu dingani-dinga, hé u ngi bheka mu Jeluzaleme katé bhu muelu ua dibhitu dia lumbu lua mʼoxi, ua talela ku mbandu ia kusuku, bheneʼobho bhua tudila o kiteka kia difuba, ki bhangesa muthu ku kala ni difuba.

Daniiele 11:31

Anga kuakèza makuenze ku mu banda, anga kididi kiangene kikôla, kia nguzu, a ki kasanesa; jisata ja izuua ioso a ka ji bhuisa-ku, anga a kà bhinganesa-bhu kisunji ki buidisa mundu.

Daniiele 9:27

Muenephe ua kà ta kikutu ni athu a ndumba mu semana imoxi; semana-phe iiza ngó mu kaxi, jisata u ji bhuisa-ku ni mibhaku ia musa; o ua kà bhanga isunji ioso iii-phe, muene ue kua kà mu iza mubuikixi, anga a mu lalumuna kienhiki katé kiá bhu dizubhilu; o kioso kiòxinde anga à ki lundulula ue ku thanduʼa mubuikixi muene.