Jelemiia 7:23 - O Mikanda Ikola

²³ Maji eme nga a tendelele kiki, ngixi: Bhanenu mátui ku dízui diami, eme ngi kale ngi Nzambi ienu, enu mu kale mu mundu uami; endenu ni kuendela mu njila ioso i ngi mi tuma eme, nda mu bhanduluke.

Jelemiia 7:23 ပူးပေါင်းရင်းမြစ်များ

Jobe 36:11

O kia muʼivua hé a mu bhikila, o izuua iâ a kà i zubhila mu kuzediua, o mivu iâ ia kà bhua ni mbote.

Jisálamu 119:3

Euá, a fula muene kubhanga ima ia kubhengalala, maji a kuata kuenda jinga mu jinjila jê.

Jisálamu 40:6

Kusata mienhu, ni kubhakula idima, eie ki kuene kua ku uabhela, kana; maji, bhenhobho ua ngi xitununa o mátui; sata ia kuoha, ni ia kuluulula, ki iene i ua ngi bhingi.

Jisálamu 81:13

Uaué! Tamano o mundu uami a ẋikinine ku ngʼívua! tamano Izalaiele uendele mu njila jami!

Makatukilu 15:26

Hé u a ambela, uixi: Se u ívua kiambote o dízui dia Jihova, Nzambi ié, hé u bhanga kioso kia mu iukila ku mesu mê, ni u bhana o dítui ku itumu ié, hé u aiuka o ijiia iê iene ioso, ki ngi te dingi mahaxi ku thandu dié, né uhaxi umoxi ku mahaxi oso u nga te ku thandu dia akua Ijitu; kuma eme ngi Jihova, eme-muene ngi ku saka.

Makatukilu 16:32

Mozé anga u amba, uixi: Kiene kia tumu Jihova ʼiki: Mu kuata nganza imoxi ia maná, mu i bhake katé ku miji ni miji, phala a mone kúdia ku nga mi dikila na-ku mu kikangalakatʼumu, kioso ki nga mi katula mʼoxi ia Ijitu.

Izaía 3:10

Athu a iuka a tangedienu, kuma alunguʼâ; mbata ku ibundu ia ikalakalu iâ, a-nda kua kà dia-ku.

Jelemiia 11:4

kikutu ki nga tendelela o jitata jenu mu kizuua ki nga a katula mʼoxi ia Ijitu, mu kidijiku kia felu; ngixi: Bhanenu mátui ku dízui diami, muende ni kubhanga kioso ki ngi mi tuma; enu-phe mua-nda ku ngi kala mu mundu uami, eme ue nga-nda ku mi kala ngi Nzambi ienu:

Jelemiia 11:7

Mbata nga lokele kinéne ku jitata jenu, mu kizuua ki nga a katuile mʼoxi ia Ijitu, katé mu kizuua kia lelu, nga kuata o ku di meneka ni ku loka, ngixi: Bhanenu matui ku dízui diami.

Jelemiia 13:11

Kuma, kala ki kuatenena o phonda mu mbunda ia muthu, kiene ue ki nga kutila kokuami o dibhata dioso dia Izalaiele ni dibhata dioso dia Juda, eme Jihova, nda a ngi kale mundu uami, mu dijina, ni diximanu, ni mu fuma; maji kubhana mátui a ki tokoka.

Jelemiia 22:21

Muʼaxaxi ka jimbonge jê eme nga kexi ku ku dimuna, eie-phe, uixi: Nguami kuivua. Kienhiki kiene o kifua kié tundiʼé mu undenge ué, kuene kuẋikina ku bhana mátui ku dízui diami.

Jelemiia 22:3

Jihova uambe kiki: Kumbidila ubatuilu ua mbote ni uiukilu, muende ni kusukununa uoso a mu bhundu kuala kingumba; o nzuángiza ki mu mu tatese, mba monʼa difundu, mba mutudi, ki mu mu bhange kusuína, ki mu bhubhise manhinga ma muthu ua bene, bhu kididiʼabha.

Jelemiia 24:7

Anga ngʼa bhana muẋima phala nʼa ngʼijiia, mbata eme ngi Jihova; ene a kà kala mundu uami, eme nga kà kala ngi Nzambi iâ; mbata a kà bilukila kokuami ni muẋima uâ uoso ua muvimba.

Jelemiia 31:33

Maji o kiki kiene o kikutu ki nga-nda kuta ni bhata dia Izalaiele, kia-nda kúbhua o izuuʼoio, Jihova ua ki tange: Nga kà ta o kitumu kiami mu thulu iâ, nga kà ki soneka muene ku muẋima uâ; eme nga kà kala ngi Nzambi iâ ene a kà kala mundu uami.

Jelemiia 32:23

Iá a bokona-mu muene, í ia kituka iâ-ene, maji a kambe kutumaka dízui dié, iá a fulu kuenda mu kitumu kié; iene ioso i ua a tumu kubhanga, ene ka i bhange; kiene-phe ki ua tumina, phala kua eze divuua dioso dienhidi.

Jelemiia 38:20

Jelemiia uixi: Ka-nda ku ku bhakula. Nga ku diondo, ivua dízui dia Jihova, kala ki ngala ku ku tangela na-diu; se u dʼivua, ua-nda ku kala kiambote, o muenhu ué ua-nda kulaia muene.

Jelemiia 42:6

Kizuelu kiê, ki uabhiʼê mba ki ibhiʼê, dízui dia Jihova, Nzambi ietu, ku tua-nda ku ku tumikisa, diene di tua-nda kutumaka, phala tu muene-ku mbote, mu kutumaka dízui dia Jihova, Nzambi ietu.

Sofoniia 3:2

Kʼevu ki zuela muthu, ka xikina ku mu longa mba ku mu beta; ka dielela kua Jihova, mba u xikina kuzuama kua Nzambi iê.

Zakadiia 6:15

O ió oso ala ku makanga, a kèza mu ku kuatekesa kutunga Tembulu ia Jihova, enu anga mu kʼijiia kuila Jihova dia Ilombo leta, muene ua ngi tumu kokuenu. Kienhiki kia kà bhita, se enu muividila muene kiambote o dízui dia Nzambi ienu.

Zakadiia 7:7

Ki muevu kizuelu kia Jihova kia miʼambelele ku ukunji ua jipolofeta jê ja mi diangelelè-ku, kioso Jeluzaleme kia kexi hanji ua tungu ua somo, ua tululuka, ni jimbanza jê joso ja mu kexile mu jimbandu; o ku Sulu ni mu kiphenza mua tungu athu?

Loma 16:26

Maji mu kindalʼ iki, o kijinganuʼ okio kiòtukulule mu Mikanda ia soneka o Jipolofeta. O Nzambi ua kaiela-ku, iú ua tumu kuila a kʼijidise mu miji ioso, phala athu oso a xikane, nʼ a ki tumake.

II Kolindo 10:5

ni ima ioso ia ukumbu ua xitu ki i ehela athu kuʼijiia Nzambi. Tu tolola ixinganeku ioso ia athu phala nʼa tumaka Kristu.

Matendelelu 11:27

Kuzediua se mu tumaka o ijiia ia Jihova Nzambi ienu, i ngala ku mi tendelela lelu;

Matendelelu 13:4

Muenda jinga-phe ni kukaiela Jihova Nzambi ienu; mu mu kuatela jinga uoma; ijiia iê mu i aiuka; muenda ni ku ívua jinga o dízui diê; muene ngó mu mu sedivila, anga mu zukama ngó kua muene.

Matendelelu 13:5

O Polofetʼoio-phe, mba ka-jinzojʼó mu mu jibha, mukonda ua tange ima ia kubhumina Jihova Nzambi ienu, ua mi katula mʼoxi ia Ijitu, iú ua mi kula mu dibhata dia ubhika mu mua kexi; muene iú ualu sota ku mi katula mu njila ia mi xindila Jihova Nzambi ienu. Mu kubhanga kiki, mua katula o ku-ibha muʼaxaxe kenu.

Matendelelu 30:2

o ki u biluka kua Jihova Nzambi ié, anga dízui diê u di xikina, anga u bhana matui kala ki nga ku tendelela leluʼiki, nʼeie ni anʼê, anga mu ki bhanga muene ni muxima uenu uoso ni muenhu uenu uoso;

Matendelelu 30:20

Kale-phe u zola Jihova Nzambi ié, u bhana mátui ku dízui diê, uenda ni ku mu naminina ngó Muene; mukonda kuala o kulaia kué; kuene kuala o divula dia izuua ié; nda u tene kutunga ni kuxalela mʼoxi ia lokela Jihova ku i bhana jitata jé Mbalahamu, ni Izake, ni Jakobo.

Matendelelu 30:8

Eie-phe kibhinga u tolola dingi muene o muxima, anga uenda ni kusuua o dízui dia Jihova; ijiia ioso i ngala ku ku tendelela leluʼidi uenda ni ku i bhanga.

Matendelelu 4:10

Ku jimbe o kizuua ki uemanene bhu pholo ia Jihova Nzambi ié bhu Holebe, kioso kia ngi tangelele Jihova, uxi: Ngi bhonguelele o mundu iú, nga-nda ku a evisa maka mami, na mʼejiie, mbe o ku ngi xila jinga mu izuua ioso ia muenhu uâ, o bhuoso bhua kà tunga a ka ma longe uê anʼâ.

Matendelelu 4:40

Aluka-phe o jingonge jê, ni itumu iê, i ngala ku ku tendelela lelu, phala utunge usome, ni ku mululu ni ku muláula, o izuua ié nda i vule mʼoxi ia ku bhana Jiohova Nzambi ié, katé ku hádia ni hádia.

Matendelelu 5:16

Bhana ujitu kua tatʼenu ni mamʼenu, kala kia ku tendelela Jihova Nzambi ié, nda u vule izuua ia kukola muenhu mu ngongo, u tunge usome mʼoxi ia ku bhana Jihova Nzambi ié.

Matendelelu 5:29

Uaué, taté! tamanu akala ni muxima uenhó, ua ku ngi xila, nu kuate kualuka o ijiia iami ioso, ku makumbi moso! phala a tunge a some, a mone mbote ni ene ni anʼâ, ku mivu ni mivu ki iene kúbhua!

Matendelelu 5:33

Muendela mu njila ioso ia mi tumu Jihova Nzambi ienu, nda mu kole muenhu, mu bhanduluke kiasoko, o izuua ienu i vule mʼoxi i mua-nda kúvua.

Matendelelu 6:3

Ivua-phe kiambote, eie Izalaiele, tata! ta-ku muene muxima u i kumbidile, nda ubhanduluke kiasoko, u sokoloke muene kala kia ku ambela Jihova, Nzambi ia jitata jé, kioso ki ua kà bhiẋila mʼoxi izunzumuka o lete ni uiki.

Jihebeleu 5:9

O kia zubha ku di longʼ iki, ua di bhange Kibhamuenhu u tena o kubhulula oso a mu tumaka, katé kia zubha.

I Samuuele 15:22

Samuuele-phe, uixi: Kifua ki uabhela kiavulu Jihova maujitu ma kuoha ni jisata, inga ki mu uabhela o kutumaka dízui dia Jihova? Mukonda, o kutumaka kota, kusatela ndenge, o kubelesela ue kota ki ku soko ni banha ia jimbudi.