Jelemiia 7:18 - O Mikanda Ikola

¹⁸ O ana a ẋanga jihuinhi, o jitata anga ji uika o túbhia, o ahatu-phe a toxa fuba ia tiliku phala kubhanga jimbolo ja kusatela mvuale ia diulu, ni kubhakula mubhaku ua makúnua ku jinzambi jengi, phala ku ngi lokalala o njinda.

Jelemiia 7:18 ပူးပေါင်းရင်းမြစ်များ

I Jisobha 14:9

inda eie kua kuiza kubhanga kia beta kuiibha, akuenu oso a ku diangela ndenge, mbata uai, eie ua bhange jinzambi jengi ni iteka ia kuiẋika, phala ku ngi lokalala o njinda iami, eie ua ngi bhana dikunda.

I Jisobha 16:2

Mukonda eme nga ku zangula mu fufutila, eme nga ku bhake mu kutumina o kifuẋi kiami kia Izalaiele, eie-eie uakaiela mu njila ia Jelobouamu, ni kutesa kituxi ku kifuxi kiami kia Izalaiele, bhua mu tundu o ku ngi thathamesa ni ituxi iê,

Jisálamu 16:4

Malamba mâ mʼaia ni kusokoloka, oso a bhakuila nzambi iengi; kiamenga kiâ eme ngi dituna ku ki bhana, majina mâ ngó ki ngi xikina ku a tumbula ni mizumbu iami.

Izaía 3:8

Mbata Jeluzaleme ua di-bhukana, o Juda ua di-bhale; mukonda o uzuelelu uâ ni ibhangelu iâ, ia kubalukila Jihova; mbé o kubheka njinda ku mesu a Jihova ni fuma iê.

Izaía 57:6

Dikânda dié diala ku matadi maẋanana mene mu jingiji; enhá ene o undundu ué; ku matadi kuenhuku eie ue kuene ku ua mu lunduluila o mubhaku ué ua maluvu anga u a bhana ima ia maujitu; ima iii mbé eme i ngi sangulukisa?

Izaía 65:11

Maji enu-phe, mua mu batuka kua Jihova, mua mu landuka o mulundu uami ukôla, enu mua kuata o kuzala o meza phala Kilundu-kia-jimbongo ni kulungisa maluvu phala Mamunu;

Izaía 65:3

athu a kuata ku ngi thathamesa kiki bhu pholo iami izuua ioso, a bhela jisata mu mábhia, ohela uasu ua dizumba ku matijolo;

Jelemiia 1:16

Eme-phe nga kà a zuelesa ni njinda mu kufundisa kuami; mukonda dia ufusa uâ; mbata ene a ngi xisa eme iá a ximika uasu ua dizumba ku jinzambi jengi, iá a kuata ku diundila ikalakalu ia maku mâ.

Jelemiia 11:17

Mbata Jihova dia Ilombo leta, ua ku phaphe, muene ua ku xindila divuua, mukonda dia usuéia ua bhange o dibhata dia Izalaiele ni ua dibhata dia Juda, dia di bhangela ene, a ngi lokalala o njinda iami, mu kuohela uasu ua dizumba kua Bale.

Jelemiia 17:2

Ni anʼâ ue kia banza o jikalatódio jâ, ni mixitu iâ ni miẋi ia uisu, iala bhu thala dia tulundu.

Jelemiia 19:13

Jinzu ja Jeluzaleme, ni jinzu ja jisobha mu Juda, ja-nda kukasana, kala o kididi kia Tofete: kiene kimoxi ue ni jinzu josololo, jedi o ku hongo iâ kuene kuohela o uasu ua dizumba phala ilombo ioso ia maúlu, ia a bhela-bhu mibhaku ia kúnua ku jinzambi jengi.

Jelemiia 25:7

Maji né kienhokio-phe, enu ki mua ngi bhana mátui, Jihova ua ki tange, inda mua ngi thathamesa muene ni ikalakalu ia maku menu phala ku mi bhanga ngoho kia ibha enuʼenu muene.

Jelemiia 32:29

O akua Kaldeia, a mu bhângela kutolola o mbonge iii, a-nda kubokona muene moxi diê, anga mbonge a kà i ta túbhia, nʼa kʼoha jinzu jala ni matala a kuoha uasu ua dizumba kua Bahale ni ku bhana makúnua ku jinzambi jengi, mbé o ku ngi lokalala eme o njinda.

Jelemiia 44:25

Jihova dia Ifuẋi, Nzambi ia Izalaiele, ua mu zuela kiki, uexi: Ni enu ni ahatuʼenu, ki mu ki zuela ngó ni dikanu dienu, maji mua ki bhange muene ni makuʼenu, muixi: Ni kidi kiene tua-nda ku kumbidila muene izuelu ietu i tua tange, ia kuoha o uasu ua dizumba kua sobha ia diulu ia muhatu ni mu mu bhanga ujitu ua makúnua; kiene-phe muene ki mua tona kutanga enu mua kumbidila muene kala ki mua zuela.

Jelemiia 44:4

Eme-phe, abhikʼami oso, o jipolofeta, nga mi tumikisa-nâ, ngi di meneka mu ku a tumikisa ku mi tangela, kuila: Tatʼenu! Kana kubhanga kiki kia bolo ki nga ibhila eme.

Jelemiia 7:17

Eie kua mono kia kuata ku bhanga mu madiembu ma Juda, ni mu jinzunga ja Jeluzaleme?

Kuditenda 5:13

Minzangala a i jijidika exi, kale mu huhila bhu ditadi; o anʼa-ndenge bhendu-bhendu ni ita ia jihuinhi.

Izekiiele 16:26

Ua bhange ue undumbu ni anʼa akua Ijitu, jinzukame jé u ua zukama-nâ, akua xitu jònene, eie ua vudisa o undumbu ué phala ku ngi lokalala.

Izekiiele 20:28

Mukonda, kioso ki nga zubha o ku a bokuesa mu ixi i nga a lekelele o lukuaku luami, phala ku a bhana-iu, ene-phe bhenhobho a kengelela ku tumilundu tuoso tua di leka, ni ku miẋi ioso ia-di-zandela, ia a satela o jisata jâ ja mahamba kuenhoko, ia a lenguluisa o ku ngi lokalala o njinda iami ni kubhana o maujitu mâ kuenhoko, ni mazumba mâ ma mbote a ma tula ue kuenhoko, ni makunua mâ kuenhoko ue kua ma lunduluila.

Izekiiele 8:16

Anga u ngi bheka dingi mu kimbaka kia moxi kia inzu ia Ngana, mu ku tula-mu nga sange bhu muelu ua Tembulu ia Jihova, bhu kaxi ka lumbu luònene ni Kalatódio, bhuala athu atena makuinhi aiadi ni kitanu, o makunda mâ a ma bhela ku Tembulu ia Jihova, o jipholo a ji lungisa ku mutundila-kumbi; kienʼiki a kala mu kubheza o dikumbi, a telela o jipholo mu thunda.

Izekiiele 8:17

Bhenhobho u ngʼambela, uixi: Ua mono, eie monʼa muthu? Manhi kuala dingi kima kia mukuá kia beta ku uôua mu dibhata dia Juda, o isunji iii iaiibha ia mu bhanga bhabha hé i kala ndenge? Kia zubha kuizalesa o ngongo ni kusuina, hanji a kuata ku ngi lokalala? Tala, iá bhiẋidisa muene o luthangu ku dizulu diâ.

I Kolindo 10:22

Inga tua mesena kuila Ngana tu mu bhekela difuba? Enu mua xinganeka kuila etu kifua tua mu tundu mu kusuina?

Matendelelu 32:16

A mu lokalala ni jinzambi jengi, phala ku mu bhekesa difuba; a mu thathamesa ni ma-ufusa mâ.

Matendelelu 32:21

A ngi ta ku difuba ni kima kia makutu, kala Nzambi ue; ima ia kingoho iene ia ngi lokalala-na-iu; Eme-phe ue nga-nda ku a ta ku dixinga ni athu kʼa kidi ngó; muiji ua juuala uene u nga-nda kua ẋokuesa-na-u.

Matendelelu 4:19

Di lange ue, phala o ki u bhetula mesu bhulu, anga umona o dikumbi ni mbeje, ni jithéhtembua, ni ima ioso kiá iene ku maúlu, muxima hé u ku tuma, eie anga usota kubheza o ima ia bhange Jihova Nzambi ié, phala ku kuatekesa naiu o ifuẋi ioso iala bhoxi dia diuluʼabha.