Jelemiia 7:11 - O Mikanda Ikola

¹¹ Onzo iii-phe ia luka dijina diami, mbé i kala ngenda ia ingumba ku mesu menu? Talesa, kienhiki eme, eme-muène ngi Jihova nga di muena-kiu, Ngana ua kiambe.

Jelemiia 7:11 ပူးပေါင်းရင်းမြစ်များ

II Malunda 6:33

kuabhu-phe, eie ívua muene tunde ku maúlu, ku kibuta kia dibhata dié, u bhange muene ioso ia ku bhingi mukua ixi iengi kioso kia kudionda, phala miji ioso ejiie dijina dié, nda a ku kuatele uoma kala o mundu ué ua Izalaiele; nʼa tene kuijiia kuila o mu dijina dié muene muʼexanena o inzu iii i nga tungu.

Izaía 1:12

O ki mua mu kuiza mu kuongama bhu pholo iami, nanhi ua mi bhingi-kiu bhu makuʼenu?

Izaía 56:7

Eme ue nga kà ambata ku mulundu uami ukôla, anga nga kà a bhangela fesa mʼonzo iami ia kusambela; o mibhaku iâ ia kuoha ni jisata jâ, nga kà ji xikina muene bhu kalatódio kami; kuma onzo iami a kà i ixana onzo ia kusambela phala akua jixi joso.

Jelemiia 2:34

Katé ni ku mixiku ia izuatu ié kuala ue manhinga a mienhu ia athu a kambele kikuma, ni a bhindama: ki ngi bhingile-phe ku kanda phala ku i sanga, kuma kia di monekena muene ku ima ioso iii.

Jelemiia 23:24

Jihova uixi: Saiku muthu u suama muene mu masuamenu, eme hé ngi lémbua ku mu mona? Manhi eme ki ngiʼzala mu diulu ni mu ngongo? Jihova ua ki tange.

Jelemiia 29:23

Mukonda a bhange ulaji mua Izalaiele, iá a te jiphanda ni ahatu a akuâ, anga a tanga makutu mu dijina diami, maka eme ki nga a tumu ku a zuela. Eme-phe nga kʼijiia muene kiambote, kuma ngi mbangi ia ima ienhiʼii—eme ngi Jihova.

Jelemiia 7:10

Anga muiza kiua, ni mu imane bhu pholo iami monzo mumu, ia luku dijina diami, anga muila: Tua di xala, tu tena kiá o kubhanga isunji iosuʼiii?

Izekiiele 35:13

Enu-phe mua ngi di-zangelekela eme ni dikanu, enu mua vudisa o maka menu mu ku ngi balukila eme; ememuène nga dʼivila-kiu.

Daniiele 9:18

Nzambi iami, bheteka mátui kunu, uívue; tona mesu, u mone kubhondalala kuetu, u tonginine ue o mbanza iatokala mu dijina dié. Mbata o ki tuala kusamba kiki bhu pholo ié, ki tua dielela o kulunga kuetu, maji tua dielela mu kulenduluka kué eie ku uene na-ku kua nzungule.

Matesu 21:13

Anga ua ambela, uixi: Kiosoneke kuma: Inzu iami a kà ixana inzu ia kusamba. Enu-phe mua i bhange ngenda ia kusuamena miíi!

Marku 11:17

Muene anga u kala mu kulonga enhoso, uixi: Ka ki soneka mu Mikanda Ikola kia tange Nzambi kuma: Inzo, iami, a ixana inzo ia kusambela, ia akua jixi joso? Enu-phe mua i kitula ngenda ia kusuamena míii!

Nzuá 2:16

Asumbixi a jiphomba ua ambela, uixi: Katulenu imʼiíi bhabha! Kana kubhanga inzu ia Tata iami, Kitanda kia uenji.

Jihebeleu 4:13

Kana-ku kima kiobhange ki kamba ku moneka ku mesu ma Nzambi. Ima ioso iobhange, iene ioso ia tukuluka, ia zula ku mesu mê. O kua muène, etu-ene oso kuene ku tua kà bhakula o jikonda.