Jelemiia 7:10 - O Mikanda Ikola

¹⁰ Anga muiza kiua, ni mu imane bhu pholo iami monzo mumu, ia luku dijina diami, anga muila: Tua di xala, tu tena kiá o kubhanga isunji iosuʼiii?

Jelemiia 7:10 ပူးပေါင်းရင်းမြစ်များ

I Jisobha 9:3

Anga Ngana u mu ambela, uixi: Musambu ué nga uivu, ni kioso ki ua dionda bhu pholo iami; nga kolêsa o inzo i ua tungu, kutula dijina diami katé ni ku hádia; kala kiki o mesu mami ni muẋima uami, kuene ku ua-ndu kala jinga izuua ioso.

II Jisobha 21:4

O mʼonzo ia Jihova ua tungumu ue jikalatódio, onzo ioio iambele Jihova, kuila: O mu Jeluzaleme muene mu nga-nda ku-ta o dijina diami.

II Malunda 33:4

O mu inzu ia Jihova ua tungu-mu jikalatódio, inzu ioio ia tangele Jihova, kuila: Mu Jeluzaleme muene mua kà kala dijina diami ku mivu ni mivu ki iene kúbhua.

II Malunda 33:7

Anga u ta ue mʼonzo ia Nzambi, kiteka kia kusonga, kiteka kia iudikile muene, o inzu Ngana Nzambi iambelele Davidi ni monʼê Solomá, uixi: Mʼonzo mumu, mu Jeluzaleme, i nga solo mu miji ioso ia Izalaiele, muene eme mu nga-nda ku ta o dijina diami ku mivu ni mivu sè dizubhilu.

Jisabhu 15:8

Jihova ua di-zemba ni sata ia athu abhumu; maji ki mu uabhela muene, o kuividila musambu ua athu aiuka.

Izaía 48:2

A di-luka muene o dijina dia mbanza ikôla, anga a xamenena kua Nzambi ia Izalaiele; o dijina diê Jihova dia Ilombo Ieta.

Jelemiia 32:34

Inda o kia bhange ene, o ku-ta ima iâ ia isunji, ni ufusa mu inzu iexana mu dijina diami, phala ku i sebulula.

Jelemiia 34:15

Leluʼidi-phe enu mua diela, ku ima iambote i mua bhange bhu mesuʼami, mu ku kola o ufolo muthu ni mukuá; enuʼenu phe mua tele ue kikutu bhu pholo iami, mu dibhata diexana mu dijina diami.

Jelemiia 44:9

Kuiibha kua jitata jenu mua ku jimbi kiá, ni kuiibha kua jisobha ja Juda, ni kuiibha kua ahetuʼâ, ni kuiibha kuenu enuʼenu, ni kuiibha kua ahetuʼenu, kua bhangela jinga mʼoxi ia Juda ni mu jinzunga ja Jeluzaleme?

Jelemiia 7:11

Onzo iii-phe ia luka dijina diami, mbé i kala ngenda ia ingumba ku mesu menu? Talesa, kienhiki eme, eme-muène ngi Jihova nga di muena-kiu, Ngana ua kiambe.

Jelemiia 7:14

Onzo-phe iii, ia lukila mu dijina diami, i mua mu dielela, ni kididi kiki, ki nga mi bhana enu ni jitata jenu, nga-nda ku i bhanga kala ki nga bhange Silu.

Jelemiia 7:30

Mbata anʼa a Juda a bhange muene kia ibha ku mesu mami, eme ngi Jihova; isunji iâ a i tula muene mʼonzo iʼexanena mu dijina diami, phala ku i kasanesa.

Izekiiele 20:39

Enu-phe, tata, mu dibhata dia Izalaiele, eme ngi Jihova, ngʼambe: Ndé-nu, muthu ni muthu a kà bhikile o iteka iê, mukonda, eme, nguenu ku ngʼivua; maji-phe o dijina diami di kôla ki mu di sebulule ni maujitu enu ni iteka ienu.

Izekiiele 23:29

Ene-phe a-nda ku ku vutuila ni luma, hé kikalakalu kié kioso a kà ki ambata, eie a ku xá tuxi-a-thakala, ua zuluka muene; anga o jisonhi ja undumbu ué ji tukuluka, ni maufusa mé ni uhabhu ué.

Izekiiele 23:37

Kuma a te jiphanda, ala ni manhinga ku maku mâ; a te muene jiphanda ni iteka iâ, katé ni anʼâ a vuala nʼeme, a a bhitisa muene mu túbhia, phala ku a buikisa.

Izekiiele 23:39

Mbata o anʼâ kioso kia a satela jinga ku iteka iâ, mu kizuua kienhokio muene, eza jinga ue dingi mu dibhezelu diami phala ku di kasanesa; tala, kienhiki muene kia bhange muʼaxaxe ka dibhata diami.

Izekiiele 33:25

Kala kiki-phe, eie tangela-u, uixi: O Jihova Nzambi uambe, uixi: Mu kudia, mu dia ni manhinga, hé mu leka o mesu ku iteka ienu, anga mu bhubhisa manhinga! manhi o ixi iii ia-nda kukala ienu?

Izekiiele 33:31

Ene anga eza kokué, kala o mundu ki uejidila kiá o kuiza, hé a xikama bhu pholo ié-eie, kala mundu uami, anga evua muene o maka oso u uà tela, maji ka xikina kuia ni ku a bhanga; mukonda a bhomba ni dikanu diâ, maji o muẋima uâ uala ku kaiela o unjenje uâ.

Izekiiele 5:11

Uala kiki, kia kidi muene, kala eme ki ngala kulaia, Jihova Nzambi ua ki tange, uixi: Mbata eie o kididi kiami kikôla ua ki sebulula ni ima ié ioso iaiibha kiavulu, ni maufusa é oso, eme ue nga-nda ku ku sengulula, o diesu diami ki dia-nda ku ku loloka mba ngi ku kuatela ue henda.

Daniiele 9:18

Nzambi iami, bheteka mátui kunu, uívue; tona mesu, u mone kubhondalala kuetu, u tonginine ue o mbanza iatokala mu dijina dié. Mbata o ki tuala kusamba kiki bhu pholo ié, ki tua dielela o kulunga kuetu, maji tua dielela mu kulenduluka kué eie ku uene na-ku kua nzungule.

Hozeia 6:9

Kala kilômbo kia ingumba kia batamena muthu, kiene ue kiala o kilunga kia jinganga, ji kuata kujibha athu mu kikoka kia Xikeme; xi, kuma ala kubhanga usuéia.

Amoji 4:5

Bhanenu sata ia diximanu ia jimbolo jala ni kifulufulu kia kinanesa; Kolenu muene o mibhaku ia vondadi, tangenu-kiu ku mundu! Mukonda enu ue mu anʼa Izalaiele kiene kia mi uabhela, Jihova Nzambi kiene kia tange.

Sofoniia 1:5

ni iá a mu sambela mù bheza ifuẋi ia diulu ku thandu dia jinzu jâ; ni iá a fukama mu kubheza Nzambi, anga a lokela kua Ngana ni kua Mala-kane;

Malakiia 3:15

O kiki-phe tua mono kuma akua izala a beta kuzediua; ni ió abhukumuka, a beta kutunga ni kumona; xi, ene ela a lokalala Jihova, a laia muene, ki kuizé kima.

Matesu 23:13

Enu-phe lamba dienu, mu akua kulonga kitumu ni enu mu jifalizeu, mu akua mangonha! Mukonda ku Utuminu ua diulu mua jika-ku ku pholo ia athu, enʼ uenu kubokona nguenu; ni iá andekene kubokona, ki mu a ehela. [

Nzuá 13:18

Ki ngi mi tange-phe enu oso, mukonda ngʼejiia oso nga a solo. Mbata kia bhingi-phe o maka mòsoneke mu Mikanda ia Nzambi ma bhita, ma kuila: Ió mukua kúdia ku mbolo iami, kiki ua ngi kitukila.

Nzuá 18:28

Ene a tunda ni Jezú kua Kaiafa, hé aia-nê ku Pretório, mu kumbi dia kimene-mene. O Jijudé-phe ka bokona mu Dizemba dia Nguvulu, mukonda a lenge o kuxila, kala kiene o ubhezelu uâ, phala a tene kúdia o jandale ia Phasu.