Jelemiia 51:4 - O Mikanda Ikola

⁴ Hádia a fuila mu ixi ia akua Kaldeia, a a tomena mu jinzunga.

Jelemiia 51:4 ပူးပေါင်းရင်းမြစ်များ

Izaía 13:15

Uoso-uoso a mu sanga mu jila, a kà mu asa; o uoso a mu kuata, ua kàbua ku xibhata.

Izaía 14:19

Eie-phe mbila ié ia ku lusu kala thangu ia bolo, mukuâ ni kizuatu kia iimbi iafu ku xibhata; uedi kala athu a seiela mu phudi ia matadi, ua di-fuangana mukutu ua muthu uafu ia a mu u diota-diota.

Jelemiia 49:26

Kala kiki, minzangala iê ia mala ia kà tembujukila mu nzunga; o makuenze oso a ita mu kizuuʼokio a kà jikinina, kiene kia tange Jihova dia Ifuẋi

Jelemiia 50:30

Kala kiki minzangala iê ia mala a-nda ku fuila mu jinzunga; o makuenziʼê oso a ita bhu kizuuʼokio, a-nda ku a vuza, Jihova ua ki tange.

Jelemiia 50:37

O xibhata ia-nda kuiza ku thandu dia jikabalu jâ ni ku thandu dia makalu mâ ni ku thandu dia kifuẋi kia athu a di bundu kumoxi mu kaxi kâ; ene-phe a kà di bhanga kala ahetu; xibhata ia-nda kuiza ku thandu dia jimbongo jâ, a kà ji bhunda-bhunda.

Jelemiia 51:53

Mukonda nê-mbe hanji o Babilonha u banda katé ku diulu mba u kolesa o kitala kia kimbaka kiê, kokuami muene hanji kuene ku tunda oso a mu tulukila phala ku mu muanga, Jihova ua kiʼambe.