Jelemiia 5:7 - O Mikanda Ikola

⁷ Eme-phe o ki ngi mona kiki, ngi ku loloka kiebhi? anʼé a ngiʼxa eme hé a lokela ku jinzambi ki jinzambi ngó, kioso eme ki nga zubha kua ekutisa, ai kiá kuta jiphanda jâ, a bokona monzo ja idianzunga, a di bhanga ibuka-ibuka.

Jelemiia 5:7 ပူးပေါင်းရင်းမြစ်များ

II Malunda 13:9

Enu ki mu kaie o jinganga ja Jihova, anʼa Alá ni jilevita, enu mua di bhangela jinganga jenuʼe-nuenu, kala akua jixi jengi? Uoso-uoso uiza mu ku di lumba ni kamona ka ngombe ni sambuadi dia ilumbe ia jimbudi, kithangana kieneʼokio u di bhanga kiá nganga ia ió ki jinzambi ja kima.

Jobe 31:12

mbata kieji ku kala túbhia tu jikinisa katé mu kibuika, kieji ku jimisa umonhi uami uoso.

Jisálamu 50:18

Ki ua mono muii mu kunhana, u kuata-nê kisangela, o akua jiphanda ua di bundu-nâ kumoxi.

Jelemiia 12:16

Anga kia kà bhita kuila, se ene a kuata muanu ua ku di longa mauendelu ma mundu uami, ni kuloka mu dijina diami, kuamba: Ni Jihova muenhú! Kala kia longo o mundu uami o ku lokela Bale, kienhokio kiá mu kaxi ka mundu uami a tunga a soma.

Jelemiia 13:27

Isunji ié nga i mono, ni jiphanda jé, ni kuzuluma kué kala kabalu, ni undumbu ué ua vulu kinéne u ua bhangela ku milundu mu mukáu; Jeluzaleme, lamba dié! Abha ngué ku di zelesa? Ukala kienhokio ʼté bhebhi, tata?

Jelemiia 16:11

Eie-phe ua kà a tangela uixi: Mukonda jitata jenu a ngi xisa, eme ngi Jihova, ia a kaiela jinzambi jengi, ia a ji bheza, ia a ji diundila, eme ia a ngixi, o kitumu kiami ku kiaiuka, nguâ.

Jelemiia 16:20

Mbé o muthu u di iudikila muene o jinzambi jê, o jene sumbala ki jinzambi?

Jelemiia 2:11

Kua kexi kiá kifuxi, ki tolokala jinzambi jê, kia di kalela kiua jene ki jinzambi? Maji-phe o mundu uami a tolokala o fuma iâ (o kimuenhu kiâ), iá a tambula kima ki ki bhandulula kima.

Jelemiia 2:31

Enu muiji ua kime! Suuenu maka ma Jihova: mbé ki ngalʼeki nga di bhange ngi kikangalakata kiahatu kua Izalaiele? inga nga di bhange ngi mukáu ua kitombe kiedi bui? Phalahi phe mundu uami, uila: Etu tua batuka kokué; kokué ki mungu dingi tuiza-ku?

Jelemiia 23:10

Kuma oxi iezala akua jiphanda, oxi ue i idila mukonda ia tambula kiá mázui: o makela ku tutu ia kukuta; kaxi o uendelu uâ ua ibha, o kusuina kuâ ki kua uabha.

Jelemiia 3:19

Maji eme ngedile, ngixi: Eme nga-nda ku ku tula kiebhi muʼaxaxe ka ana, anga ngi ku bhana o ixi i tena ku ku uabhela, o ubhinganu ua beta ujitu, ua ifuẋi ia miji? Eme-phe, ngixi: U ngiia Tata, kana dingi ku ngi baluka.

Jelemiia 3:8

Kioso-phe ki ngedi suí, mukonda dia ima ioso iii, Izalaiele dia kuẋinuka nga mu senge, kuma ua te jiphanda, eme nga mu bhana lubongo luê lua ku mu senga, maji ki lua kuatesa uoma kua phangiʼé ia muhatu na Juda, o phèke-phèke ioio; maji muene ue uaii, iú ua di te-mu ue ni kubhanga undumbu.

Jelemiia 7:9

Enu muila ni kunhana ni kujibha, ni kuta jiphanda, ni ku di lokela mu makutu, ni kuohela Bale uasu ua dizumba, ni ku kaiela jinzambi jengi, ji mua kambe ku jijiia.

Jelemiia 9:1

Tamanu mútue uami ua bilukile menha, o mesu mami ma bilukile fiẋi ia masoxi! Kienhokio ngeju dila imbi ia kilumba kia mundu uami, muanha ni usuku.

Jelemiia 9:2

Tamanu mu kikangalakata mua kexile kisasamba kia jingenji-a-thumba! hinu ngeji kuxa o mundu uami, inga nga a sondoloka, mukonda ene oso ala ati a jiphanda, ala ue kilunga kia jiphèke-phèke mu jiphèke-phèke.

Kuditenda 3:42

Tua tondala, tua bhange ima ia kubaluka; kiene ki ua kambela ku tu loloka.

Izekiiele 22:11

Iú ua bhange ufusa ni muhatuʼa mukuá momué; o ió ua kasanesa kiá muene mukaji a monʼê; o mukuá dingi ua te jiphanda, muʼaxaxi kê-eie, ni phangiʼê ia muhatu, monʼa tatʼâ.

Hozeia 11:8

O kiki-phe eie Ifalaíme, ngi kuehelela kiebhi? Ngi ku bhakula kiebhi, eie Izalaiele, tata! Ngi ku bhanga kiebhi kala kia bhiti kua Adama, mba ngi ku kitula kiebhi kala Nzeboíme? Muẋima uami moxi ki u xikina, o henda jami ja bambuka kala túbhia.

Hozeia 13:6

O kiala mu nzungule ia sabhelela, a di, ekuta; o kia zubha kudia ni kuikuta, muẋima uâ ua zangalala, kiene kia a bhekesa o ku ngi jimba eme.

Hozeia 4:2

Maji kiala-mu ngoho o kuloka mu kingoho ni kutanga makutu, ni kujibha, ni kunhana, a ta jiphanda, kutunda ufumbe, kubhingana ufumbe ni ku di jibha.

Hozeia 7:4

Ene oso muene ala ati a jiphànda; a difangana ni forno iouike kuala mubhangi-a-jimbolo, hé u zumbuka kiá kuphopha túbhia, nʼa kinge o dikende dia masana ni felemendu katé ki di nana.

Ijila 20:10

Se bhu kala ue diiala u ta phanda ni mukaj ʼangene, mukajʼa mukuá nʼa te-nê phanda, ni habu ia diiala, ni ndumbu ia muhatu a fue muene, sé phata.

Amoji 8:14

Oso akua kulokela ku Dihamba dia Samádia, ni kuila: Kidi muene, mukua ni kiene kulaia o nzambi ié, eie Dane! mba ela: Kidi muene-ze, mukua ni kiene kulaiela kua ió uene ku ku kondeka, eie Bele-Seba. A kala kiki, a kà dibhala anga a xalela, ka kà tena dingi kubalumuka.

Sofoniia 1:5

ni iá a mu sambela mù bheza ifuẋi ia diulu ku thandu dia jinzu jâ; ni iá a fukama mu kubheza Nzambi, anga a lokela kua Ngana ni kua Mala-kane;

Malakiia 3:5

Bhenhobho, Jihova, uixi: Kienhókio nga kà mi zukama kiá, milonga ienu nga kʼèza mu ku i fundisa anga ngi kala ngi mbangi ia kubatula lusolo mu kubelesa aloji, ni akua ku ta jiphanda, ni iá a loka mu makutu, ni iá a kamba kufuta kitadi kia jingunza ja a a kalakalela, ni ió a bhingi kuila o mutudi, ni monʼa difundu, a a bhondeleka muene, ka xikina kubatula ni kuiuka o mulonga ua ngenji-a-thumba ua tundu dikanga, a lémbua ku ngi kuatela uôma, eme ngi Jihova dia Ilombo Ieta.

I Kolindo 6:9

Inga ki mu kʼ ijiia kuma athu abhengalala ka tena kubhingana mu Utuminu ua Nzambi? Kana ku di nganala, kuma ni jindumbu, ni abhezi a iteka, ni akua jiphanda, ni mâla a ilalu, ni mâla akua kubhanga ufusa ni mâla ni akuâ.

I Kolindo 8:4

Uila kiki, ku mbandu ia kudia kua satela o iteka, tua kʼ ijiia kuma kiteka kima kia ngoho mu ngongo, kuma ki ala bhu kididi kia kima ki kiene-ku. Etu-phe tuejiia kuma kuala ngó Nzambi imoxi, kana-ku iengi.

Ngalásia 4:8

Mu thembu iabhiti mʼ ukulu, mukonda dia kukamba o kuijiia Nzambi, mua kexi kubhikila jinzambiʼ ojo ki jinzambi ngó ja kidi.

Matendelelu 32:15

Maji Kazola kami kia zubha kiá o kuneta, kua mu iza kiá kubhana isènde: Ua nete, ua hangula! Ua di dikila ni ima ianete! Iu uaxʼiê kiá Nzambi iê, ua mu bhanga. Uate dikunda ku Tadi dia Muenhu uê, di mu bhana o kubhuluka!

Matendelelu 32:21

A ngi ta ku difuba ni kima kia makutu, kala Nzambi ue; ima ia kingoho iene ia ngi lokalala-na-iu; Eme-phe ue nga-nda ku a ta ku dixinga ni athu kʼa kidi ngó; muiji ua juuala uene u nga-nda kua ẋokuesa-na-u.

Jihebeleu 13:4

O ukaza u kale ku ujitu kua ene oso, o mala ni ahatu a sakana a di kale jifiiele mudiâ. Kuma Nzambi ua kà fundisa o jindumbu ni akuâ jiphanda.

Tiiaku 4:4

Mu akua jiphànda! Kifua ki mua kʼijiia kuma o ukamba ua mundu unguma kua Nzambi? Uila kiki, uoso ua mesena kukala kamba dia mundu, ua di bhange nguma ia Nzambi.

Josuué 23:7

mbé ki mu kuate ku di fungisa ni ifuẋi iii ia mi xikamena hanji. Kana kuila jinga o majina a mahamba mâ enu mu a tumbula, mba muenda ni kulokela mu mahamba enhá. Ene kana, kana ku a bhikila, kana ku a fukamena ni ku a bheza.