Jelemiia 5:3 - O Mikanda Ikola

³ Jihova tata, mesu mé ma kamba kutonginina o kidi? O ki ua a betʼokio, ene ki kia a kate: eie ua a huha kiua, maji ene nguauâ kutoloka ni kutambula mulongi: jipholo jâ a ji kolesa muene ditadi ndenge, a ditunu kuvutuka.

Jelemiia 5:3 ပူးပေါင်းရင်းမြစ်များ

Dimatekenu 19:34

Kúkia ni kimene dikota u ambela ndenge, uixi: Usuku ua mazá nga zekele kiá ni tatʼetu; tu mu nuise-phe dingi vinhu, usuku ua lelu; eie u bokone ué, u zeke-nê, phala tu sokolole mbutu ia tatʼetu, phala i nangenene.

I Jisobha 13:33

Kia zubha ku bhita ima ioso iii, Jelobouamu kuenda kiaiibha ka kueha; inda uexana dingi athu a beta kusebuluka mu kifuxi hé u a bhanga jingana ja ididi ia matala; hé uia ni kuila uoso a mu andala u mu izalesa lukuaku, anga u mu bhanga ue kiá nganga ia kusatela ku ididi ia matala a di leka.

II Jisobha 1:13

Anga u tona dingi o ku mu tumikisa kabhitangu ka makuinhi a tanu lua katatu ni makuinhʼé a tanu; bhenhobho o kabhitangu ka makuinhi a tanu ua bande, iú ueza, iú ua fukama bhu pholo ia Elija, ni ku mu dionda, uixi: Muthu ua Nzambi, tata! Muenhu uami, nga ku diondo, ni muenhu ua abhikʼé o makuinhi a tanu iá, u di bhange phelu ia nzaji ku mesu mé.

II Malunda 16:9

Mukonda-phe o Jihova mesu mê ma bhita mu ngongo ioso, phala ku di londekeza o kusuína kuê mu ku kudila ió oso ala ni muẋima ua tenena kua muene; mu kiki-phe eie ua bhange ulaji mukonda tunde lelu ua-ndu kala jinga ni ita iza kokué.

II Malunda 28:22

O mu kithangana kia mu bhondeleka sobha ia Asidia, muene ue ua beta dingi o ku tondalela Jihova, ni kubhanga kia ibha; kienhiki o kikexilu kia sobha Akaji;

Jisálamu 51:6

Eie-phe ua bhingi kidi ki kala katé ni ku muẋima; moxi, mua kambe kumoneka ku athu, eie muene mu ua ngi longela o kaiula.

Jisálamu 51:8

Phala ngi kale dingi ku ngalasa ni kutululuka; o ifuba i disanze dingi i ua bukujula.

Jisálamu 55:20

Muenhó ua zengela maku mê ku akuá a kexe-nê kiambote; o kikutu kia ukamba ua ki fukula.

Jisabhu 21:29

Kisuéia pholo iê u i kolesa muene ngé; maji o muthu uemana nzanza-phe, njila iê u i tongesa muene kiambote.

Jisabhu 22:12

Mesu ma Jihova, ma tambula konda ia muthu ua tetuluka; maji o maka ma mukua phulu-phe, u a ta kavuanza.

Jisabhu 23:35

Anga u kuata kuila, uixi: Kua ngi bhela jimbangala ki ngʼevu-ku; a ngi beta muene, maji né ngó kuxiximʼé! Nga-nda kuphaphumuka-phe kithangana kuẋi? phala o uhólua ngiie dingi ku u sota.

Jisabhu 27:22

O kiôua né uedi u mu zuka ni muixi mu kinu, bhua moxi ni masa mʼòsuange, o uôua uê ki u mueha.

Izaía 26:11

Jihova, tata! Sumbala lukuaku lué lua zangalala muene, maji ene hanji a tokoka ku lu mona! Maji-phe, a kà lu mona anga adiuana, mukonda dia muanu u ua kuatela o mundu ué; o túbhia-phe hádia tua kà buikisa o jinguma jé.

Izaía 42:25

Kiene kia bhangesa Jihova ku a lunduluila o kutema kua njinda iê, ni kusuina kua ita, iu ua a te mukonda ua milengo mu jimbandu; maji hanji-phe a ẋinukʼâ; iu ua a oha-phe, maji ene-phe ki kia a kuatela kima, a lémbua ku ki ta o muẋima.

Izaía 48:4

Mbata eme nga kʼijidile kuamba eie u ndaxi, ua thathamana o xingu kala muxibha ua felu, o dibhomo dié mukua ni dia ngôndo.

Izaía 9:13

Hanji-phe, o mundu iú ki u xikina kutolokela uoso ua mu beta, mba a sota Jihova dia Ilômbo Ieta.

Jelemiia 15:7

Nga-nda ku a bhiata ni mbangu bhu mielu ia oxi; o mundu uami nga u buba, o ana nga a katula-nâ; maji ene o kuvutuka ku jinjila jâ ja iibha, nguâ.

Jelemiia 17:23

Maji ene-phe nguâ kuivua, né ngó kutekela mátui; o kiala-bhu, a hinanesa o jixingu jâ, a lengesa o kuívua, mbé a lembue kutambula o mulongi ua ku a bazela.

Jelemiia 19:15

Jihova dia Ilombo leta, Nzambi ia Izalaiele, uambe kiki: Tala-ze, mbanza iii ni jimbonge jê joso nga-nda ku a bhekela o hadi ioso muene i nga a kanenʼoio, kuma a hinanesa o jixingu jâ phala a lémbue kuívua o maka mami.

Jelemiia 2:30

Anʼenu nga tale ngó hadi ia ku a beta; ene ka xikina ku a bazela: o xibhata ienu ia jikinisa jipolofeta jenu mukua ni hoji i sanujuna.

Jelemiia 3:3

Kiene kia bhangesa ku katula-ku o mvula, kasamanu ki ka noko-ku dingi, maji eie-phe ua kununuka o pholo kala kidia-nzunga, ngué ku kala ni sonhi.

Jelemiia 32:19

Ukola mu kaiula, Munéne mu ima ia bhanga! mukonda o mesu mé ma jikuka ni ku kengelela ku thandu dia jinjila joso ja anʼathu, phala kubhana muthu ni muthu kala kia fuama o jinjila jê ni kioso kiala o ibundu ia ibhangelu iê.

Jelemiia 35:13

Jihova dia Ifuẋi, Nzambi ia Izalaiele, uambe kiki: Ndé, ka tangele mala a Juda ni iá a tungu mu Jeluzaleme: Manhi ki mungu dingi mu xikina ku mi longa, phala ni muivue o maka mami? Jihova ua ki tange.

Jelemiia 44:10

Nguâ ku di tolesa katé mu kizuua kia lelu, mba a kala ni uoma, mba enda mu ngonge iami, mba mu itumu iami i nga te bhu pholo ienu ni bhu pholo ia jitata jenu.

Jelemiia 7:26

Maji ene nguâ ku ngi bhana mátui, mba kubheteka o mátui, maji o jixingu jâ a ji hinanesa, ima ia bhange ia beta kuzangiua o ia bhangele jitata jâ ndenge.

Jelemiia 7:28

Eie ua kà ambela uixi: O kiki kiene o kifuxi kia lembua ku bhana o mátui ku dízui dia Jihova Nzambi iâ, ka xikina kuivua kibazu: Kidi kia jimbidila, mu kanu diâ kiòkatule-mu.

Jelemiia 8:5

Mundu iú, ua Jeluzaleme, a bhambukilaʼhi ni ku balukilà-ku kiá, anga endelela? a jijila kunganala, o ku biluka nguâ.

Izekiiele 2:4

O anʼâ a thathamana jipholo, ia a huku miẋima; eme-phe ngi ku tuma kua ene, ua ambela kiki: O Jihova, Nzambi, uambe kiki:

Izekiiele 24:13

O mu ufusa ué ua ndumba, muene muala o kusembama kué, kuma eme nga mesenene ku ku zelesa, eie-phe ngué ku di zelesa; ki mungu dingi a kà ku sukula ku dixidilu dié, katé eme ki ngi bhanga kunhohesa o njinda iami ku thandu dié.

Daniiele 9:13

Uíndua uoso uòsoneke mu ngonge ia Mozé ua tu tula muene! Maji-phe hanji tua tokoka kumbolomoka bhu pholo ia Jihova Nzambi ietu, phala ni tu biluka hé tu bhana dikunda ku ikuma ietu, anga tu kuata kudielela ku kidi kiê.

Ijila 26:23

O ku thandu dia ima iosuʼiii, se ki mua ẋikina ku ngʼivua, anga mu lémbua ku ngi zukama ni ngi mi bhangulule, maji hanji mua ẋinuka,

Amoji 4:10

Nga mi tumikisa dibhebhu dia kipheku mukuâ ni mu Ijitu; minzangala ienu ia mala nga a jibha ku mazu a xibhata; o jikabalu jenu nga jʼehela o ku ji kuta ni ku ji bhûnda ia aii na-ju; o dizumba dia kibuzu kia ifuẋi ienu nga di tukumuna muene ni ku mazulu enu tute; maji Jihova uixi: Né kieneʼokio ue, enu mua lémbua kudiela ni mu bhiluke kokuami.

Amoji 4:11

Amoxi mu kaxi kenu nga a lungulula o miẋima mukuâ ni Nzambi kia lunguluile Sodoma ni Ngomola; enu-phe, enu mua di bhange kala kixinji kia luhuinhi luókatule bhu jiku! Sumbala kiene, maji hanji-phe mua lémbua kudiela ni mu bhiluke kokuami, Jihova ua ki tange.

Amoji 4:6

Kiene ki nga bhela mazu ala ni uengenge mu jisanzala jenu joso, o mu ididi ienu ioso ki muala mbolo ia kúdia; sumbala kiene, maji enu-phe nguenu kudiela ni muize kokuami, Jihova ua ki tange.

Amoji 4:8

Ngendesa sanzala jiiadi mba jitatu ni kunhungina sanzala ia mukuá mbé kúnua menha, maji dinhota kúfua lémbua. Né kieneʼokio, ku biluluka kokuami mua lémbua, Jihova ua ki zuela.

Amoji 4:9

Nga mi kuama ni kiaúla ni fuluja; o ndumba ni ndumba dia jindombe jenu ni mivide ienu, mifiku ienu ni midivua ienu a i di ku kihoho; maji Jihova uixi: Né kieneʼokio-phe, enu nguenu kudiela ni mu bhiluke kokuami!

Sofoniia 3:7

Eme-phe, ngixi: Ukala kiá ni uoma uami, uẋikina kiá o ku ku bazela, phala u tunge u some, o kididi kié ki xalele ka ki sengulule kala ki ngambele kubhanga mukonda dia ikuma ié, maji anʼé a di meneka muene mu ku beta kuxidisa dingi o ikalakalu iâ ioso.

Loma 2:2

Etu-phe tuejiia kuma Nzambi kia fundisa o athu a bhanga ima kala íii, o kufundisa kuê kua kidi.

Jihebeleu 12:9

Ku mbandu ia jitata jetu mu xitu, ene a kexile mu tu beta, etu-phe anga tu kala mu ku a xila. Kala kiki-phe, kia tu tokala kutumaka, kiala kota o Tata ietu mu nzumbi, phala tu mone muenhu!