Jelemiia 5:12 - O Mikanda Ikola

¹² Adituna Jihova, anga ela exi: Ió ki muene; exi dingi: Ki kua-nda ku tuiza kiluezu kia kima; ki tua-nda ku mona xibhata né nzala.

Jelemiia 5:12 ပူးပေါင်းရင်းမြစ်များ

II Malunda 36:16

Maji ene-phe, o jiphunga ja Nzambi a ji bhange kasekelu, a kambe kusuua o maka mê, o jipolofeta jê aia ni ku ji sebulula, katé o njinda ia Jihova ki ia bande kinéne ku mundu uê, ni milôngo dingi ia kubhanga ki i moneka.

Jisálamu 10:6

Ku muẋima uê, uamba kuma: O bhabha ka tena dingi ku ngi sendumuna-bhu; nga tungu muene, ki ngi bhindama dingi, lémbue!

Jisálamu 14:1

Kiôua u kí amba ku muẋima uê, uixi: Kana-ku Nzambi. Athu ene oso muene ala ifusa, a bhanga imbamba ia isunji, ki bhuala ngó muthu u bhanga mbote.

Jisabhu 30:9

Nga lengesa kuila o ki ngizala, ni jimbote ja ndumba, nga vula ku ku dituna kiá eie, hé ngiia, ngixi: O Jihova muene nanhi? O ki ngi kala ngi ngadiama ia ngadiádia, ngavula kunhana, kifua nga lebhukisa o dijina dia Nzambi.

Jelemiia 14:22

Manhi ku ima ia kingoho ia jijila o matumbu, kuala ki tena kunokesa o mvula? inga maúlu ma tena ku di bhela mvula? Kʼeie muene ngó, u Jihova, Nzambi ietu? Kala kiki tua kinga kokué, mbata eie uene ku bhanga ima iosuʼiii.

Jelemiia 2:6

Alembua kuila: Jihova uala kuebhi, ua tu tundisa kʼoxi ia Ijitu? Iú ua tuʼendesa mu ixi ia kisekele, ixi ia manhana ni makungu, mu ixi ia kukuta ia kitombe kia kalunga, oxi kana muthu ua kexi kubhita-mu, mua bhingi monʼa muthu ka tena kutunga-mu?

Jelemiia 28:4

Jekoniia ue, monʼa Nzuakí, sobha ia Juda, ni enhoso jihutile mua Juda, ia a bokona mu Babilonha, eme nga-nda ku tona kuiza-nâ bhu kididi kiki, eme ngi Jihova, mukonda jungu ia sobha ia Babilonha nga i bukujula.

Jelemiia 4:10

Eme bhenhobho ngixi: Èhé, Ngana Nzambi, tata! Kidi kiene o mundu iú ni Jeluzaleme ua a tobhesa kinéne, kuma eie ua ambelele, kuila: Mua-nda kukala ni kutululuka; o kikiphe xibhata i ia a toma katé ku muenhu.

Jelemiia 43:1

Anga ki bhita kuila kioso Jelemiia kia zubha kutangela mundu uoso o kizuelu kia Jihova, Nzambi iâ, kizuelu kia mu tumikisine na-kiu Jihova, Nzambi iâ, ene kiá o maka oso enhó muene a tange muene.

Jelemiia 5:31

O Misesedi a tanga ima ia makutu, o jinganga a tumina ku maku mâ-ene; o mundu uami uene, kiene ue kia a uabhela; o ku kia kà suka mua-nda kubhanga kiebhi?

Jelemiia 6:14

Hê a tumba o fidila ia mona kilumba kia mundu uami ni mangonha moso, exi: Kuatululuka, kuatululuka, mbé kuma kuene kana-ku kutululuka.

Izekiiele 13:6

Ala mu kumona kingoho ni kuzambula makutu, oso a mu zuela, kuila: Ngana uixi: mbebhu Ngana ki muene ua a tumikisa; anga a bhangesa athu ku kinga kuila o kizuelu kia tange ki bhite.

Mikeia 2:11

Se bhu kala muthu u kaiela o nzumbi iê i bhomba, i tanga o makutu, uixi: Eme ngi ku tangela maka ma upolofeta, kuma ni vinhu ni uhólua u kodiuisa, ia fuama muene ku i nua; muenhó-phe muene kiá u kala polofeta ia akua muiji uenhú.

Mikeia 3:11

O atumini-â, milonga a i batula ni kutambula maujitu, o jinganga jâ mu kulonga a longa ni kukinga ku a futa, o jipolofeta jâ kiela kuzambula, azambula phala kutambula kitadi; anga a tatela Ngana, exi: O Ngana muene, mbé ki iú-ue-iú muʼaxaxi ketu? Ki bhuala kia ibha ki tu bhiẋila.

Matendelelu 29:19

Ki bhu kale ue muthu o kievua maka ma mázui iá mʼònake mu divulu didi, anga ukuata ku di bhomba mu muxima ué, uixi; Ki kidié kima, né ngendʼami kala kia ngi tumu o muxima uami, hanji nga-ndu kalʼami muene ni kutululuka kua mbote; anga ku dinhota u bandekeza-ku uhólua.

I Nzuá 5:10

Uoso u xikana Monʼa Nzambi, u kala ni umbangi uenhú moxi diê. Maji uoso ua kambe kuxikana, Nzambi ua mu kuatesa makutu, mukonda ua kambe kuxikana umbangi ua Nzambi ua bhela Monʼê.

I Samuuele 6:9

Anga mu tala kiá; se i bandela njila ia mbámbe iê muene katé bhu Bete-seme, tu kʼijiia kuma muene ua tu bhange kiaiibha kiosoʼiki; o ki i kamba kuila njila ioio, tu kʼijiia ue kuma lukuaku lua muene ki luene lua tu kuama, maji kima kiezé ngó kibhûku.