Jelemiia 5:1 - O Mikanda Ikola

¹ Jingujukenu mu jinzunga ja Jeluzaleme, dimueninu kiá, mu tokuesa muene, bhitenu mu jisengu jonéne, mu mone mba mu sanga-mu muthu, mba muala ngó o muthu umoxi u kumbidila o kuiuka, mba u sota o kidi; eme inda ió ngi mu loloka.

Jelemiia 5:1 ပူးပေါင်းရင်းမြစ်များ

I Jisobha 19:10

Muene uixi: Eme, Ngana Nzambi ia Ifuẋi, nga mu dielela kiavulu, ngala ni muanu ua imbamba iê, mukonda anʼa Izalaiele kikutu kiê a ki xi, kalatódio jê a ji bulu, ni jipolofeta jê a ji jibha-jibha ku xibhata; eme ngó nga xala-ku ubheka umai, ia a mu sota dingi ku ngi katula muenhu uami.

II Malunda 16:9

Mukonda-phe o Jihova mesu mê ma bhita mu ngongo ioso, phala ku di londekeza o kusuína kuê mu ku kudila ió oso ala ni muẋima ua tenena kua muene; mu kiki-phe eie ua bhange ulaji mukonda tunde lelu ua-ndu kala jinga ni ita iza kokué.

Jisálamu 12:1

Meia! u Jihova! kuma mujitu ua kambe; akua kitongola ka vulu muʼaxaxi ka anʼathu.

Jisálamu 14:2

Sui! ku anʼathu kuala Jihova mu diulu, uixi: Ngi talesa mba muala ni iá ala ni kilunji, a ẋikina kusota Nzambi.

Jisálamu 14:3

Ene oso a baluka, ene oso muene abolo; ki bhuala u bhanga mbote, né umoxi ngó.

Jisálamu 94:16

Nanhi muene u ngi bhângela kua ió akua phulu? nanhi u ngi banda mu kudituna kubhanga kiaiibha?

Jisabhu 20:6

Avuluʼâ akua ku di-ta jinzabala, exi tu athu ambote; maji o muthu uala muene ni kitongola, mukua-hi muene ua mu bongo kiá?

Jisabhu 23:23

Sumba o kidi, kana ku ki sumbisa; inda uila ni unjimu, ni ku di kondeka eʼmuene kiambote, hé u ta-ku ni masunga.

Jisabhu 8:3

Ni bhu mbanduʼa mabhitu a diembu, ni bhu muelu ua mbanza, ni bhu mielu iaʼnzo, u tenda u tona,

Mukumbi ua Mikumbi 3:2

Nga balumuka-phe, anga ngi kuata kunhunga mu mbonge; ni mu nzunga ni bhu itanda, nga kuata kusota ió uoso a mu zola kuala o muenhu uami; nga mu sota muene, maji ki ngi mu mono.

Izaía 59:4

Ki bhuala muthu u dikola mu ku sota kulûnga, kana-bhu ue muthu u tukuluka mu kufunda phala kusota o kidi, a di-fiiala kingoho, o kuzuela kuâ o makutu; emita milonga, avuala ikuma.

Jelemiia 2:29

Mu luilʼahi phata nʼeme? Enu oso muene mua ngi tondalela, eme ngi Jihova.

Jelemiia 44:15

Mala oso ejidile kuila ahetuʼâ a mu kuoha uasu ua dizumba ku jinzambi jengi, ni ahatu emanene bheneʼobho, kifuẋi muene kia dikota kumoxi ni mundu uoso ua tungile mu Ijitu, bhu Patulu, a vutuila Jelemiia, exi:

Jelemiia 8:6

Eme ngʼevidila, eme ngevu: Kala kuzuela kia iuka; ki bhuala muthu u diela ku usuéia uê, uixi: Nga bhangʼehi? Kala muthu ni muthu u bhambuka mu njila iê, mukua ni kabalu ka di takula ni nguzu ku ita.

Jelemiia 9:2

Tamanu mu kikangalakata mua kexile kisasamba kia jingenji-a-thumba! hinu ngeji kuxa o mundu uami, inga nga a sondoloka, mukonda ene oso ala ati a jiphanda, ala ue kilunga kia jiphèke-phèke mu jiphèke-phèke.

Jelemiia 9:7

Kala kiki, Jihova dia Ilombo Ieta uambe, uixi: Talesa-ze, eme nga-nda ku a zunza, anga nga a lola; mukonda-phe, o kilumba kia mundu uami ngeji ku bhanga-nê dingi kiebhi?

Izekiiele 22:30

Eme nga sota muthu mu kaxi kâ u tena o kuxita o kimbaka nʼa kale bhu kaxi kami ni dizungu dia budika ku kimbaka mu ixi iii, phala eme ki ngi i jikinise; maji nga mu lémbua.

Izekiiele 9:9

Muene-phe uixi: O kuiibha kua dibhata dia Izalaiele ni dibhata dia Juda kua vulu kinene, o ixi i iezala manhinga, o mbonge iezala mangonha; ene amba, exi: O Ngana ixi ua i ambula. Kiene Ngana kia mu kambela kumona.

Daniiele 12:4

Eie ue, Daniiele, maka ià jika-u a suke bhenhabha; jika ue idimbu ku divulu didi, katé bhua kà suka o thembu; avulu a kʼèza-ku, a kà tutumba ku mbandu ni mbandu mu jixi joso, o kuijiia-phe kua kʼàia ni ku dibandekeza.

Jouele 2:9

A kà bokona mu mbonge, a kà lenga-lenga ku thandu dia imbaka, jinzu a kà ji kanduka ni ku bokuena bhu jinjanena kala ki bhanga o muii.

Amoji 8:12

A kà tunda ku musanza iú a kà nhungana katé ku musanza ua mukuá, a kʼàia muene tunde kusuku katé ku thundèlele ku mutundila-kumbi; a kà lengela ku mbandu joso ni kusota o maka ma Jihova, maji a kà tokoka ku a mona.

Zakadiia 2:4

Anga i mu tangela, iexi: Lenga, tangela munzangala iú, kuamba: O Jeluzaleme hádia ua kà tungiua dingi kala kia jisanzala ja kambe imbaka, mukonda dia kifuẋi momué, kia athu ni kia ibhaku.

Luka 14:21

Mubhika anga uiza, u tudila ngana iê ima ioso iíi. Kienhókio mukua dibhata, kuma njinda ia mu kuata, uambela mubhikʼê, uixi: Tunda malusolo, u bhite mu jinzunga, ni mu ikanzu ia mbanza, u ngi bhekele bhabha jingadiama, ni inema, ni ifôfo, ni atenguna.

II Tesalonika 2:10

Muène ua kà bhanga mangonha moso, phala kuxômba athu oso anda kutexika. Ene-phe anda kutexika, mukonda nguâ kutambulula o muẋima ua kubhindamena o kidi, ki tena ku a bhulula.