Jelemiia 48:8 - O Mikanda Ikola

⁸ Mbata mukua kumuanga ua-nda kuiza ku mbonge joso ki bhu kala imoxi ngó i subhuka; o dikolo ue dia-nda kujimuka; o kiphenza kia-nda kusenguluka kuma Jihova ua ki tange.

Jelemiia 48:8 ပူးပေါင်းရင်းမြစ်များ

Jelemiia 6:26

Kilumba kia mundu uami, tata, dikute kidinhaji, u mbolomoke mu uthokua; tá muene ngololo kala ia kudila monʼumoxiʼèlele, ngololo ia malamba; mbata mubuikixi kua mu kambe ngó kofèle u tu sanga.

Izekiiele 25:9

kala kiki eme o Mouabhe nga-nda ku mu jikula mbandu, tundé ku jimbanza, tundé muene ku jimbanza jê jala kuema dia jimbambe jê, ja di bhange ene o makembu aʼxi, ni Bete-Jesimote, ni Bahale-Miione katé ku Kidiataime,

Jelemiia 51:56

Mukonda o mubuikixi ua-nda ku muʼendela, ua-nda kuendela Babilonha, o mazonda mê ua kà ma kuta, o mifula iâ ua i bukujula kiá; mukonda Jihova, Nzambi uavu o futu, ua kà mu vutuila kioso kia fuama.

Jelemiia 48:18

Eie u muhatu ua tungu, u monʼa Dibone, ku fuma ié tuluka-ku, u xikame bhoxi dia kukuta; mukonda ió ua sengulula Mouabhe, ua bande, ueza kokué, imbaka, iéʼeie, ua i sengulula kiá.

Jelemiia 25:9

nga-nda ku tuma kutakana miji ioso iala kusuku, eme Jihova, ni mubhikʼami Nabukodonozolo ue, sobha ia Babilonha, anga ngʼa bheka mu ixi ienhiʼii ni ku thandu dia oso a tungu-mu ni ku thandu dia miji ioso mu jimbandu, anga nga kà a jimisa mbutu muene xatababá; nga-nda ku a bilula a kituka kisunji; a di bhanga supiia, a kala jingundu ji nangenena.

Jelemiia 15:8

O atudiʼâ a ahatu a beta ku di vualulula o museke ua kizanga kia kalunga ndenge; ku mediia nga takana-ku mubuikixi phala kubuikisa mama ia minzangala: nga mu tumu ku mu tukumuisa, ni kuizalesa o mbonge ni kimbuua.

Josuué 13:21

ni jisanzala joso jala mu nganga, ni oxi ioso ia utuminu ua Sihone, sobha ia Mamodi, ua tumina jinga mu Hezebone, a mu toluele kuala Mozé, kumoxi ni jinganga ja Midiiana, ni Evi, ni Lekeme, ni Sule ni Hule ni Lebha o jinganga ja futa jinga lubhaku kua Sihone, kuma ene atungi aʼxi iê.

Josuué 13:17

ni Hezebone ni jisanzala jê josololo, jene mu ngànga: ni Dibone ni Bamote-Baale, ni Bete-Baale-meone;

Josuué 13:9

Tunde ku Alouele uala ku kibumu kia kahonga kaná ka Anone, ni diembu diene mu kaẋi ka dikôlo diná, ngànga ioso ia Mendeba katé ku Dibone tulé.