Jelemiia 42:2 - O Mikanda Ikola

² Anga ambela polofeta Jelemiia, exi: Kudionda kuetu ku sonokene kindala bhu pholo ié, u tu diondele kua Jihova, Nzambi ié, ku ene osuʼá subhuka, mbata ku nzungule i tua kexile, tua subhuka tua tolo kiá, kala ki ua mu di muena éʼmuène ni mesu mé.

Jelemiia 42:2 ပူးပေါင်းရင်းမြစ်များ

I Jisobha 13:6

Bhenhobho sobha u di kola, anga uambela muthu ua Nzambi, uixi: Ndoko samba bhu pholo ia Jihova, Nzambi ié phala u ngi diondele, mbé muene a ngi vutuile o lukuaku luami. Bhenhobho o muthu ua Nzambi anga u samba mu kudionda Ngana, sobha a mu vutuila dingi lukuaku luê, anga lu xalela dingi kala ki lua kexile mʼukulu.

Jisálamu 119:170

O kusamba kuami, ko kué muene ku nga dionda; ngi kudile bhu kíbhidi kala ki uambe, Ngana.

Makatukilu 8:28

Bhenhobho, kuala Falaó: Nga-nda ku mi eha ni mu-iii, phala mu satele Jihova, Nzambi ienu, mu kikangalakata; maji ki muie dikanga diavulu; ngi diondedienu ue eme.

Makatukilu 9:28

Diondenu-phe kua Jihova, inuminu ioso iii ni matadi, kuabhu, ibhue-ku; phala ngi mi ehe mu ienu, ki ngi mi fudisa dingi.

Izaía 1:15

Uila kiki, kioso ki mú sunununa o maku menu mu kusamba, mesu mami, kokuenu, ngi ma sueka; xi, kioso ki mu vudisa o misambu ienu eme ki ngi ivu, mukonda o makuʼenu ezala manhinga.

Izaía 1:9

Se o Jihova dia Ilombo Ieta ua kambele ku tu xila tumbalu-mbalu, eji ku tu buikisa kala Sodoma, tueji ku di fuangana ni Ngomola.

Izaía 37:4

Manhi, o Jihova Nzambi ié, maka ma Labesaki ua mʼèvué, muthu a mu tumikisa kuala ngana iê, sobha ia Asídia, phala ku xinga Nzambi ia muenhu, ni ku mu lebhula ni maka ma dʼivila Jihova Nzambi ié. Sambela-phe tumasubhu tua xala-bhu.

Izaía 42:20

Eie u mona muene ima ia nzungule, maji ku i lundu; né-mbe u kala ni mátui a jikuka, kuivu kima.

Jelemiia 15:11

Jihova uixi: nga tange kidi, kuma eme nga-nda ku ku suinisa phala ku ku bhanga mbote, anga ngi bhangesa kuila mu ithangana ia phaxi ni ngongo, o nguma i ku kana ni kudionda.

Jelemiia 2:27

Athu ala kuila o muẋi exi; Eie-eie u tatʼetu; ambela ditadi, exi: Eie ua ngi vuala; mukonda a ngi te makunda, ka ngi bhana pholo: maji bhu kumbi dia ku toka kuâ a-nda kuila: Balumuka u tu kudile.

Jelemiia 21:2

Nga ku diondo, tu zuelesele Jihova u mu ibhule kiambote, kuma Nabukodonozolo, sobha ia Babilonha ua mu lua ita ni etu, sumba-phe, Jihova u tu fikidila, kala kia tokala ukalakelu uê ua madiuanu, nʼa tu sondoluele-nê.

Jelemiia 36:7

Amoxi o kudionda kuâ ku sonokena bhu pholo ia Jihova, kala muthu a bhane dikunda ku njila jê ja ibha mukonda njinda ia Jihova ia dikota ni kutema kuê kuene mu ku di londekeza na-ku mu ku bilukila o athu iá.

Jelemiia 37:20

Kiki-phe eie sobha, ngana iami, ivua ngi kuʼambele: O kudionda kuami ku sonokene bhu mesuʼé ku ngʼehele ku vutukila mʼonzo ia Jonatane, o musoneki, phala ki ngʼize mu ku fuila momo.

Jelemiia 37:3

Sumbale kiene, maji sobha Zedekiia ua tumikisa Jukale, monʼa Selemiia, ni Sofoniia, monʼa Mahaseia, o nganga, kua polofeta Jelemiia, phala a muʼ ambele, kuila: A tu diondele kindala kua Jihova, Nzambi ietu.

Jelemiia 38:14

Kieneʼokio sobha Zedekiia u tuma ku muʼixana, o Jelemiia, polofeta, anga uiza bhu pholo iê, bhu muelu ua katatu, ua kexile kʼonzo ia Jihova; o sobha anga uambela Jelemiia, uixi: Nga kuʼibhula kima kimoxi, kana ku ngi suekela kima.

Jelemiia 40:15

Sumbala, Nzuanana, monʼa Kadiiá, ua tangela Jedaliia mu kasuekele, bhu Mixpa, uixi: Nga-nda kuia kindala ni nga kà jibha Ijimaiele, monʼa Netaniia, ki bhua-nda ku kala muthu u kʼijiia; mukonda diahi muene uandala ku ku katula eie o muenhu, o kibuka kioso kia Juda kia di bhongoluela kokué anga ki muangana, o a a subhuka kua Juda hé a jima o mbutu?

Jelemiia 42:20

Mukonda enu o mienhu ienu mua i tobhesa, kuma mua ngi tumikisa kua Jihova, Nzambi ienu, muexi: Tu sambele kua Jihova, Nzambi ietu; o iene ioso muene i ku tangela Jihova Nzambi ietu, iene muene eie i u tu tangela, etu ni tu i bhange.

Kuditenda 1:1

Kuahi ngó, o kudikotamena kua dikotamena ó mbonge iná; mʼokulu kutunga kuahi ngó! O kiki iedi kala mutudi ua muhatu, tata! O kia kexi, muʼaxaxi ka ifuẋi, muene kutènde, na mvuale muʼaxaxi ka jixi, ua biluka kiebhi vasalu ia kufuta lubhaku, enu mala!

Izekiiele 12:16

Maji momuʼâ nga-nda kuxamu, amoxi-mu, Ofèle, a bhulaka ku xibhata, ni ku nzala, ni ku dibhebhu, phala ende ni kutanga o maufusa mâ mu kaxi ka miji muoso mua-nda ku di tela; anga a kʼèjiia kuila eme ngi Ngana.

Hozeia 8:10

Né-mbe-phe ene a ta mauenji muʼaxaxe ka akua jixi phala kuia ni ku a kuatekesa, eme nganda ku a bhongolola; kuma andeka-ku kiá o kubhondalala ni kutunuka mukonda dia sobha ni ilamba ala ku a phopheka.

Ijila 26:22

Mbata nga-nda ku mi thubhuila kiá iama ia mukáu anga ienda ni ku mi dia o tuana, nda mu subhukile; ibhaku ue enda ni ku mi solala-iu kuala iama anga i mi tununa mu xala mu athu òfele ngó; o ikoka ienu anga ibatukila ki i mono muthu u bhita-mu.

Amoji 7:2

O ki nga mono kuila o iangu ioso a zubha muene ku i dia ku mavu, eme-phe ngambe kiki, ngixi: Jihova, Nzambi, tata, loloka! Kuma o Jakobo ua-nda kubalumuka kiebhi, o muene ua tolo nguzu!

Matesu 24:22

Maji o Ngana Nzambi, izuua ienhoio ia phaxi, ua i tolesa. Mbata o izuua ienhoio, se a kamba ku i tolesa, kana xitu i bhuluka. Maji mukonda-phe dia akua Nzambi ósole, izuʼuoio a kà i fikisa.

Jipoxolo 8:24

Ximá bhenhobho u kumbulula Phetele ni Nzuá, uixi: Ngi sambedienu kua Ngana, nga mi diondo, phala o ima i mu tangeʼ oio ki iize ko kuami.

Matendelelu 28:62

Mua-nda kuxala-phe kiá ngó mu tumbalumbalu tua athu, suke mʼokulu-phe muavudile kala jithéthembua ja diulu; mbata eie kua xikina kubhana mátui ku dízui dia Jihova Nzambi ié.

Matendelelu 28:63

Kala mʼokulu Jihova ki kia mu uabhelele kiavulu o ku mi suua, ni ku mi banga mbote, ni ku mi sokolola, kiene ue ki kia kà mu uabhela kiavulu o ku mi sengulula ni ku mi jikinisa, katé ki mu bhua-ku; nda oxi i ua-nda kuvuʼiii, u mi vuza-mu katé mua kukumuka-mu.

Matendelelu 4:27

Anga Jihova u mi muangena muʼaxaxe ka ifuẋi iengi, o kuenhoko ue mua kà kala ngó kakibuka kófele, muʼaxaxe ka akua jixi, muoso mua-nda ku mi xinjikila Jihova.

Tiiaku 5:16

Kala kiki, fisalenu mudienu ituxi ienu, mu di diondele mu kusamba, phala a mʼilule. O kusamba kua muthu uaiuka, ku lenda kiavulu mu kukalakala.

I Samuuele 12:19

Mundu uoso anga ambela Samuuele, exi: Tu sambele, tu abhikʼé, kua Jihova, Nzambi ié, phala tu kambe kúfua; mukonda ku ituxi ietu ioso tua bandekeza-ku dingi kiki, kia kubhinga sobha.

I Samuuele 12:23

Eme bhabha ue, ki ngi tena kukala ngi muthu uengi, ni ngi te kituxi kua Jihova mu kuzumbuka ku mi sambela. Eme ngenda jinga muene ni ku mi longa mu njila iauabha, ia kuiuka.

I Samuuele 7:8

Anʼa Izalaiele anga ambela Samuuele, exi: Kana kuzumbuka ku tu kolela kua Jihova Nzambi ietu, phala a tu bhulule bhu maku ma akua Fidíxia.