Jelemiia 41:7 - O Mikanda Ikola

⁷ Anga ki bhita kuila, ene kiʼai ni kuenda, katé kia bhixila mu kaxi ka mbonge, Ijimaiele, monʼa Netaniia, ua a jibha, ni muene ni athuʼê a kexile-nâ kumoxi, iú ua a lunduluila mu fiẋi.

Jelemiia 41:7 ပူးပေါင်းရင်းမြစ်များ

II Jisobha 15:25

O kabhitangu kê-muène, Peka, monʼa Lemadiia, anga u mu tunda ufe, u mu balukila ké u mu kuamena mu Samádia, mu zemba dia sobha muene kumoxi ni Angobe ni Adiié; o Peka ua kexile ni makuinhi a tanu a muthu kumoxi-nê, a tokala ku Ngiliiade; muene anga u mu jibha hé u hinga ungana bhu kididi kiê.

Jisálamu 55:23

Enhó-phe, Nzambi, a lundumune, a lauke mu bombo dia kalunga; ijibhanganga, akua makutu, ka kà zubhe dingi izuua iâ, né mu kaẋi ka kà bhiẋile-mu; eme bhabha-phe ngi dielela jinga ko kué.

Jisabhu 1:16

mbata o inama iâ i di sungila mu kubhanga phulu, o kieza mu kuzunza o manhinga a sakalala.

Izaía 14:19

Eie-phe mbila ié ia ku lusu kala thangu ia bolo, mukuâ ni kizuatu kia iimbi iafu ku xibhata; uedi kala athu a seiela mu phudi ia matadi, ua di-fuangana mukutu ua muthu uafu ia a mu u diota-diota.

Izaía 59:7

Inama iâ i lenga mu ku bhanga phulu, a sakalela mu kubhubhisa manhinga ma muthu ua kambe kikuma; o ilunji iâ i funha ikuma mu ikuma; kubuika ni kubhondalala kuenhé mu njila jâ.

Izekiiele 22:27

O adiakime, mu kaxi kâ, edi kala imbùngu ia xikamena ku kuata mbole, mbé kuzunzumuna o manhinga, phala kusengulula mienhu, ni kukaiejela o unjenge.

Loma 3:15

Inama iâ i lenga mu kubhubhisa manhinga ni kujibha.