Jelemiia 41:5 - O Mikanda Ikola

⁵ anga kuiza-phe athu a tundu ku Xikeme ni ku Silu ni ku Samádia; makuinhi nake a muthu, ni miezu iòkonge, ni izuatu ia tandujuka ni mikutu ia batujuka; o bhu maku a bheka maujitu mâ makudia ni uasu ua dizumba phala ku uʼambata mʼonzo ia Jihova.

Jelemiia 41:5 ပူးပေါင်းရင်းမြစ်များ

Dimatekenu 33:18

Jakobo anga u bhiẋila ni paze mu mbonge ia Xikeme, moxi ia Kanana, kia zubha kutunda bhu Padalane; anga u ta kibangu kiê bhua zukama ni mbonge.

Dimatekenu 34:2

Xikeme monʼa Hamolo, mukua Hivi, sobha iaʼxi ienhoio, monʼê ua diiala, kia mono Dinah, ua mu uabhela; anga u mu nhana, u zeka-nê u mu katula ujitu.

Dimatekenu 37:12

Jiphange jê anga aia mu disa ibhaku ia tatʼâ bhu Xikeme.

II Samuuele 10:4

Kienhiki Hanuni u kuata akua mbèle ia Davidi, ua bhuta miezu ku mbandu imoxi, izuatu iâ u i butulula mu kaẋi, hé a xala mataku mu kanga, anga u a kaia.

I Jisobha 12:1

Anga Lobouamu uia ku Xikeme, mukonda o Izalaiele ioso ejiie mu Xikeme phala ku mu hingisa muene ku usobha.

I Jisobha 12:25

O Jelobouamu-phe anga u tunga Xikeme, ku mulundu ua Efalaime, muene anga u kala kuenhoko; o kia bhange thembu anga u tunda-ku, hé u tunga Penuuele.

I Jisobha 16:24

Anga u sumba o mulundu ua Samádia kua Semele, mu talendu jiiadi ja phalata; anga u tunga dibhata ku mulundu, o sanzala ia tungile ku mulundu ua sumbu kua Semele, u i luka dijina dia Samádia, kifua ua luku Semele ngana ia mulundu ua Samádia.

I Jisobha 16:29

Anga Akabe, monʼa Omidi, u mateka kutumina Izalaiele ku muvu ua makuinhʼatatu ni kanake ua Aza, sobha ia Juda. Akabe, monʼa Omidi, anga u tumina Izalaiele mu makuinhʼaiadi a mivu nʼiiadi; ua kexile mu Samádia.

II Jisobha 25:9

Iú uoha o inzu ia Jihova ni inzu ia sobha, kumoxi ni jinzu joso mu Jeluzaleme; jinzu joso muene ja athu a makota ua jiʼoha mu túbhia.

I Malunda 19:4

Hanume-phe u kuata o abhika a Davidi, hé u a konga o miezu anga u tandula o izuatu iâ mu kaẋi katé mu matabela mu kubhiẋila ku sungu ja mataku, anga u a xinjikila kokuâ

Jisálamu 102:14

Mukonda, etu tu selevende jé, ni matadi mé ma tu kate, ni mavu mé henda ia tu kuata.

Jisálamu 78:60

Kibuta kiê mu Silo, nguê dingi kukala-mu, balaka iê ia tungisile ia muene kukala muʼaxaxi ka athu.

Izaía 15:2

Iu banda ku Baiite, ni ku Dibone, ku thala kuná ni kudila; Mouabhe ua-nda kuta jingololo mukonda dia Nebo ni Medeba; mítue ioso ia kà biluka mabhaia ni dilamba, o miezu ioso ue a-nda ku i bhuta.

Jelemiia 16:6

Ni makota ni jindenge hinu à kʼafua, moxʼumu, o ku a funda ki kuanda ku xikina; ki bhua-nda kukala ku a dila thambi mba ku di sema ku mikutu, mba ku di kolola jindemba ku mútue.

Jelemiia 41:4

Mu kizuua kia kaiadi, anga ki bhita kiki, kuila muene ua jibha kiá Jedaliia, sé muthu ku kʼijiia,

Jelemiia 47:5

Ngaza kua muʼiza kabhuetete, Axikilone a mu vuza kumoxi ni masubhu a dikolo diê; katé-phe bhebhi bhu u suka ni ku di tandujula?

Jelemiia 48:37

Mukonda mítue ioso ia kà kituka mabhaia, o miezu ioso ia kà bhueka; majuʼoso a kʼezala iẋenge, o bhu inhonga a kà di kumba jisaku.

Jelemiia 7:12

Maji kindala ndenu-phe ku kididi kiami, kia kexi mu Silu, mu nga xikikile o dijina diami ku dimatekenu, mu tale kioso ki nga mu bhange, mukonda dia unzangi ua mundu uami ua Izalaiele.

Jelemiia 7:14

Onzo-phe iii, ia lukila mu dijina diami, i mua mu dielela, ni kididi kiki, ki nga mi bhana enu ni jitata jenu, nga-nda ku i bhanga kala ki nga bhange Silu.

Jouele 2:13

Bhu kididi kia kutandula o izuatu ienu, tandulenu muẋima uenu, mu vutuke ku Jihova, Nzambi ienu; mukonda muene mukua henda, ua lenduka, ka thathamana lusolo, ukôla mu kubhanga o mbote, anga u diela se u bhanga kia iibha mu kubazela kuê.

Matendelelu 14:1

Enu muala mu ana a Jihova Nzambi ienu, né-mbe mua fundu muthu kana ku di bhuta mabhaia mu mítue mba mu di ẋanga jiphoko ku mukutu.

Josuué 18:1

Kionge kioso-phe kia anʼa Izalaiele anga ki bhongoloka bhu Silu. O balaka ia kutakanena anga a i oleka bhenhobho, kioso kia a tolokela kiá oxi.

Josuué 24:32

O ifuba ia Zuze a i fundile ue mu Xikeme, kuma anʼa Izalaiele a tundile na-iu ku Ijitu, hé a i funda mu mukáu iunhá uasumbile Jakobo kua anʼa Hamolo, tata ia Xikeme, mu hama ia itadi ia phalata; kuma ue o mikáu ioio iene iabhiti ku mbandu ia ubhinganu ua anʼa Zuze.

Afundixi 18:31

Kienhiki-phe o kitekʼokio kia Mika kia iudikile, a ki bhaka kididi, anga ki kala muenhomo thembu ioso iala o inzu ia Nzambi mu Silu.

Afundixi 9:1

Abimeleke, monʼa Ngidiione anga uia bhu Xikeme, ku jindandu ja mamʼâ, u kala mu zuela-nâ kumoxi ni família ioso ia kukuʼâ ku umama uâ, uixi:

I Samuuele 1:7

O diiala kia kala mu kubhanga kiki mivu ioso, o muhatu u kala ue mu tatesa mukuâ ki aia kʼonzo ia Jihova: mukonda dia kiki muene u kala mu dila, u fula kúdia.