Jelemiia 41:1 - O Mikanda Ikola

¹ Anga ki bhita-phe kuila mu mbeji ia kasambuadi, Ijimaiele, monʼa Netaniia, monʼa Elixama, ua tokala ku muiji ua jisobha, ueza kumoxi ni tubhitangu tua sobha, mu ku ejiia, kuinhi dia muthu dieza na-diu kua Jedaliia, monʼa Haikane, bhu Mixpa; ene anga a dia-nê mbolo kumoxi bheneʼobho bhu Mixpa.

Jelemiia 41:1 ပူးပေါင်းရင်းမြစ်များ

II Samuuele 3:27

Abinele-phe kia zubha ku vutuka bhu Hebolone, Jouabe u takananê bhu muelu ua kimbaka, anga u abhuka-nê bhu mbandu, kala phala kuzuela-nê maka bhu ubheka, bhenhobho anga u mu toma iene ia jimbanji, u fuila bhobho, mukonda dia ku mu vutuila o phonzo ia manhinga ma Azaiele ndengʼiê.

II Jisobha 11:1

Ataliia, manhʼâ Akaziia, kioso kia mono kuila o monʼê a mu jibha, ua balumuka iú ua jimisa o mbutu o musala uoso ua sobha.

II Jisobha 25:22

Maji-phe ku ió a subhuka ku mundu mʼoxi ia Juda, Nabokodonozolo, sobha ia Babilónia, ua a xisa mʼoxiʼomo, ua a tela ku ukota muadiakime Jedaliia, monʼa Haikane, monʼa Safane.

II Jisobha 25:25

Anga ki bhita-phe kuila mu kubhiẋila bhu mbeji ia kasambuadi, Ijimaiele monʼa Netaniia, o monʼa Elixama ua tokala ku mbutu ia usobha, ueza ni kuinhi dia muthu kumoxi-nê, anga a kuama Jedaliia, o muene hé ufua kumoxi ni jijudé ni akua Kaldeia a kexi-nê bhu Mixpa.

II Malunda 22:10

O Ataliia, manhʼâ Akaziia, kioso ki a mono kuila monʼê a mu jibha, ua fundumuka iú ua jimisa o mbutu ioso ia sobha, mu dibhata dia sobha ia Juda.

Jisálamu 109:5

Mu mbote i nga a bhange, ene a ngi vutuila phulu; ua a zolo, ene a mu zembe.

Jisálamu 41:9

Katé ni kuphatele kuami, kamba dia muẋima, ió muene nga mu dielela jinga kiavulu, mukua kudia ku meza mami, ua ngi te ue o musónde ua ku ngi bhana kibhalu.

Jisabhu 13:10

Ukumbu-phe u bheka ngó jimvunda; athu-phe a tetulukʼó, a bhanga ioso ni unjimu.

Jisabhu 27:4

Njinda kifumbe, o kuthathamana ku bhanga kiaiibha; maji nanhi u tena ku di fikidila bhuala o difuba?

Jelemiia 36:12

u kulumuka kʼonzo ia sobha, uia mu xilu dia musoneki; u sanga-mu adiakime oso a xikama mueneʼomo, ene a ngana Elixama, musoneki, ni Delaia, monʼa Semaia, ni Elenatane, monʼa Akebolo, ni Jemadiia, monʼa Safane, ni Zedekiia, monʼa Hananiia ni eneʼoso adiakime a kamukuá.

Jelemiia 36:20

Ene anga aia mu kutangela sobha mu lumbu; maji o dilanda a di bhake mu xilu dia Elixama, o musoneki, sobha iá a mu tangela muene maka oso enhó mu mátui mê.

Jelemiia 39:14

a tuma ku katula Jelemiia mu lumbu lua kilangidilu, hé a mu bhana kua Jedaliia monʼa Haikane, monʼa Safane nda a muʼambate kʼonzo iê; muene hé u kala mu kaxi ka mundu uoso.

Jelemiia 40:13

Nzuanana, monʼa Kadiiá ni makota oso a ilombo akexile ku mukáu, anga eza kua Jedaliia bhu Mixpa,

Jelemiia 40:5

Kuma-phe, muene ka vutukile luua, u muʼambela, uixi: Vutuka kua Jedaliia, monʼa Haikane, monʼa Safane, ió a mu te ku ukota ua jimbonge ja Juda kuala sobha ia Babilonha, phala u tunge-nê mu kaxi ka kifuẋi; o ki uila dingi sai kuma kuengi kua ku uabhela kuia, ndé. Kabhitangu ka kilangidilu hé u mu bhana ni huta ia ku dila mu njila ni mahitula anga u muʼambudisa phala kuié.

Jelemiia 40:6

Uenhú o uijilu ua Jelemiia kua Jedaliia, monʼa Haikane, bhu Mixpa, anga u tunga-nê mu kaxi ka kifuẋi kia athu a subhukile mu ixi ia Juda.

Jelemiia 40:7

Kioso o makota a ilombo ia masoladi, kumoxi ni mundu uâ, a kexile ku mukáu, kia kʼivu kuila sobha ia Babilonha ua te Jedaliia, monʼa Haikane, ku ukota ua kutumina ixi, ia a mu bhana ue kulangidila mala ni ahatu ni tuana tua ndenge ni jingadiama ja ngadiadia mu ixi, a kambele kuia-nâ ku uhutile mu Babilonha,

Jelemiia 40:8

anga eza ku di mona ni Jedaliia bhu Mixpa, a kexile: Ijimaiele, monʼa Netaniia, ni Nzuanana, ni Jonatane, anʼa Kadiiá, ni Selaia, monʼa Tanumete, ni anʼa Ifai, mukua Netofe, ni Jezaniia, monʼa muthu ua tokala bhu Mahaka, ni ene ni mundu uâ.

Izekiiele 17:13

Iu ua zangulabhu umoxi ku mbutu ia sobha, iu ua te-nê kikutu, o kia mu lokêsa, iu uezanê; jingana jaʼxi ua ji katula-mu.

Nzuá 13:18

Ki ngi mi tange-phe enu oso, mukonda ngʼejiia oso nga a solo. Mbata kia bhingi-phe o maka mòsoneke mu Mikanda ia Nzambi ma bhita, ma kuila: Ió mukua kúdia ku mbolo iami, kiki ua ngi kitukila.