Jelemiia 40:4 - O Mikanda Ikola

⁴ Kikiphe, tala, nga ku jituna lelu ku malubhambu ma kexile mu maku mé. Se kia ku uabhela kuiza nʼeme ku Babilonha, zá; eme muene nga-nda ku ku langa, maji se ki ki ku uabhela kuiza nʼeme ku Babilonha, kalʼé. Talesa-phe, oxi ioso iala ku mesu mé, bhuoso bhu ua mono bhua ku uabhela, bhua ku iukila ku mesu mé, ndé, u kaliʼé bhenhobho.

Jelemiia 40:4 ပူးပေါင်းရင်းမြစ်များ

Dimatekenu 13:9

Ixi ioso ki ii ia di zaleʼoio bhu pholo ié? Tu di uanunune-ze ni eie ni eme. Ki uila u di tela ku kiasu, eme ngile ku kúdia; ki uila u di tela ku kúdia, eme ngile ku kiasu.

Dimatekenu 20:15

Abimeleke anga u mu ambela, uixi: Ixi iami iii, ua i mono; bhuoso bhua ku uabhela, u tungʼé.

Dimatekenu 44:21

Eie-phe uambelele selevende jé, uixi: Ngi bhekedienu-nê phala ngi mu mone mesu.

Dimatekenu 47:6

Oxi ioso-phe ia Ijiito iala ku mesu mé, kuoso ku ua mono kuuabha, kuene ku u tungisa tatʼenu ni jiphange jé; a kadiʼâ mʼoxi ia Ngozene. Se eie uejiia kuila mudiâ muala makuenze ambote, u a bhana kijingo kia kutambula konda ia ibhaku iami ia ngi tokala.

Estere 3:11

Muenexi anga u ambela Hamane, uixi: Phalata i kale, nga ku bhane-iu eie kumoxi ni muiji uenʼió nga ku bhana-u, u a bhange kioso kia ku zelela ku muẋima ué.

Jelemiia 37:14

Jelemiia-phe, uixi: Makutu. Ki nga mu lengela ku akua Kaldeia. Maji muene phe nguê ku muʼivua; kienhiki Jediia u kuta Jelemiia, hé uia-nê ku adiakimi.

Kuditenda 3:7

Ua ngi kondela ku mbandu joso kala lumbu, bhua kutundila nga lémbua-bhu; malubhambu ma neme, ua ngi jika-u ni nguzu.