Jelemiia 40:1 - O Mikanda Ikola

¹ O kizuelu kieza kua Jelemiia, kia tundu ku mbandu ia Jihova, kioso Nebuzaladane, kabhitangu ka kilangidilu, kiʼambudisa Jelemiia bhu Lama, kioso kia mu katula, kuila muene uala hanji ni malubhambu mê mu kaxi ka ene oso ai ku uhutile a tundu mu Jeluzaleme ni mua Juda, kua ió a ambata ku uhutile ia ai na-u ku Babilonha.

Jelemiia 40:1 ပူးပေါင်းရင်းမြစ်များ

II Malunda 16:1

Ku muvu ua makuinhi a tatu ni kisamanu, kia utuminu ua Aza, kiene kia bande Bahasa, sobha ia Izalaiele, mu kúlua ni Juda, anga u tunga mbonge ia Lama, mbé ki bhu kale muthu, uehela Aza, sobha ia Juda, kutunda mba kubokona.

Jisálamu 107:16

Kuma o mabhitu a utadi uakolo, ua ma bulu-ê, o jifelu ja a jikile, ua ji bukujula.

Jisálamu 68:6

Phulungu ua xala ubheka, Nzambi u mu bhanga dibhata, anga u kala mu kulaiela mu nzungule ia akua dibhata diê; hutile a mu kutu, u mu katula mu kaleia, hé u mu bheka dingi mu kubhanduluka; maji oso-phe a xibhaka, a kà tunga mu ixi iakukuta.

Jelemiia 31:15

Jihova ua zuela kiki: Mu Lama, evu-mu mbimbi, jingololo ni kudila lujiji; Lakele ua mu dila tuana tuê, nguê ku mu di xibhisa ku tuana tuê, mukonda ki tua moneka dingi.

Jelemiia 39:9

O tumbalu-mbalu tua subhuka mu mbonge ni iá kiá a tundile ku mbandu iâ ia a di bundile ku jinguma, kumoxi kiá ni iá a subhuka ku mundu, Nebuzaladane, kabhitangu ka kilangidilu, uainâ ku Babilonha.

Jelemiia 42:7

Anga ki bhita kuila, kia zubha kúbhua kuinhi dia izuua, kiene kieza kizuelu kia Jihova kua Jelemiia.

Izekiiele 33:21

Anga ki bhita kuila, o mu muvu ua kakuinhi ni kiiadi, ua uhutile uetu, bhu mbeji ia kakuinhi, mu kizuua kia katanu ku mbeji, kua ngi sange umoxi ua subhuka ku Jeluzaleme, uixi: O mbanza iònemeke.

Jipoxolo 21:13

Kieniokio Phaulu ua kumbulula, uixi: Mu didila-hi kiki, anga mu ngi bhekela lamba diavulu ku muẋima? Kuma eme ngala polondo, ki ku ngi kuta ngó, maji katé ni ku ngi jibha mu Jeluzaleme mukonda dia dijina dia Ngana Jezú.

Jipoxolo 28:20

Kiene ki nga mʼixanena ku di mona, ni ku di kunda ni enu. Mukonda o kidielelu kia Izalaiele kiene kia ngi kuikisa lubhambu lulu.

Efezo 6:20

Kiene kia ngi bhekela o kukala ngi mukunji ua Njimbu ienʼíii, sumbala kindalʼiki ngala bhu lubhambu. Kala kiki, ngi sambedienu, phala kuene ku lubhambu ngibhue uôma ni kutula o Njimbu íii kala kioso ki nga tokala kuzuela.

Josuué 18:25

Ngibiione, ni Lama, ni Belote,

I Samuuele 7:17

Mu kuvutuka-phe uiza bhu Lama, kuma bhene bhu bhata diê bhua kexi Inzu iê; anga u fundisa jinga Izalaiele bhenhobho; anga u tungila-bhu kalatódio kua Jihova.