Jelemiia 4:9 - O Mikanda Ikola

⁹ Jihova uambe, uixi: Kia-nda kubhita muene mu thembu ienhoio kuila o muẋima ua sobha ni muẋima ua ilamba ubotomoka; jinganga ja-nda kubhuuama, jipolofeta ja-nda ku diuana.

Jelemiia 4:9 ပူးပေါင်းရင်းမြစ်များ

II Jisobha 25:4

bhenhobho o mbanza a i bulu, o makuenze oso a ita, anga a lenga ni usuku mu njila ia lungu bhu dibhitu, bhu kaẋí ka imbaka iiadi bhua lulama ni kibakala kia itulu ia sobha, (sumbala akua Kaldeia a kondele o mbonge ioso mu kúlua na-iu) maji o sobha ua tundila mu njila ia dinhana

Jisálamu 102:4

Muẋima uami ua xoueta, ua lela muene kala iangu; ni kúdia ngó o kadikoka kami kua ngi jimbi kiá.

Izaía 19:16

Mu thembu iná akua-Ijitu à kala mukuâ ni ahatu, a kà ueua, a kà teketa mukonda dia lukuaku lua Jihova dia Ilômbo Ieta, mu ku a huha ene.

Izaía 19:3

Muenhu ua akua-Ijitu ua kà bhuamu moxi diâ; o ki ata phangu, eme ngi i sengulula; bhenhobho a-nda kuia kuibhula phangu ku mahamba mâ, ni ku imbanda, ni kutaha jingômbo, ni akuauanga.

Izaía 28:19

Dilúvio dia-nda ku mi bhituila bhu dimatekenu bhene, kuma dilúvio diodio di bhita jinga imene ioso, muanha ni usuku; mu kuívua ngó o fuma iê, ki bheka kubhondalala kua dikota.

Jelemiia 2:26

Kala ki tandanganha o muiii kuila a mu kuata, kiene ue ki tandanganha akua bhata dia Izalaiele; ni ene ni jisobha jâ, ni ilamba iê; ni jinganga jâ ni jipolofeta jê.

Jelemiia 25:34

Enu mu tubhila, dilenu, mu te nzôngo, kundumukenu mu utôka, enu mua adiakime a kilunga, mbata izuua ienu ia tenena kiá ia ku mi jibha; eme-phe nga-nda ku mi botomona, enu anga mu dibhala kala kitutu kia makembu.

Jelemiia 37:19

O jipolofeta jenu, ji kuebhi, ja kexi mu ku mi zambuila, kuila: Sobha ia Babilonha ka-nda kuizaku mu kúlua nʼenu mba kúlua ni ixi iii?

Jelemiia 48:41

Jimbânza a ji tambula, o jimbonge a ji bhundu, bhu kumbiʼ-ʼodio o muẋima ua mazonda ma Mouabhe, ua kà di bhanga kala o muẋima ua muhetu kia kala bhu mika ia kuvuala.

Jelemiia 5:31

O Misesedi a tanga ima ia makutu, o jinganga a tumina ku maku mâ-ene; o mundu uami uene, kiene ue kia a uabhela; o ku kia kà suka mua-nda kubhanga kiebhi?

Jelemiia 52:7

Kiene kia jikula dizungu mu mbonge anga makuenze oso a mu lua ita hé a lenga, a tunda ni usuku, a di tela njila i lunga bhu dibhitu, bhu kaxi ka imbaka i iadi ia zukamene ni jindombe jà itulu ia sobha, anga a ila mu njila ia kuia ku kiphenza.

Jipoxolo 13:41

Talesenu, enu muene mu kutobhesa ioso, muanda kukakuka anga mu jikinina! Kuma o kikalakalu ki nga mu bhanga mu izuua ienu kikalakalu enu ki mu ki xikina, né-mbe hanji bhu kala muthu u mi ambela-kiu ue.