Jelemiia 4:8 - O Mikanda Ikola

⁸ Kala kiki zuatenu idinhaji, dilenu dikokolo, endenu ni kukumba mbata o kutema kua njinda ia Jihova ki kua tu eha.

Jelemiia 4:8 ပူးပေါင်းရင်းမြစ်များ

Jisálamu 78:49

U a kuuila ku thandu diâ o njinda iê iatema, ni dibhebhu, ni uíndua, ni kibuika; kibuka kia ji-anjo a a tumu muene kubuidisa.

Izaía 10:4

Ni mu kambe ku di buila-buila muʼaxaxi ka jihutile ni kubuila ngambo muʼaxaxi ka iimbi? Ku ima ioso iii, njinda iê ki bhene bhu ia suku, maji hanji kia sunununa o lukuaku luê.

Izaía 13:6

Endenu kiá ni kukumba, mbata kizuua kia Jihova kia zukama; ki kiza kua Muteni-a-ioso kala kibuika.

Izaía 22:12

O Jihova phe, Jihova dia Ilômbo Ieta, mu kizuua kiná ua kà mʼixanena kudila, ni kuta jingololo, ni dikongelu dia mítue, ni kuzuata jisaku.

Izaía 32:11

Teketenu, enu mu ahatu mua di landuka, mu akua usudi; salumukenu, enu mu ana-ilumba, mua tunga mua soma; zulenu mu ende tuẋi-a-thakala, di-ẋiẋikienu kidinhaji mu inhonga.

Izaía 5:25

Ki kia bhangesa o njinda ia Jihova ku uama ku thandu dia mundu uê, iú ua sunununa lukuaku luê, iú ua a bhana kaxitiku, katé ni milundu ia teketa; o imbi iâ iedile kala maxita muʼaxaxi ka nzunga; ku thandu dia iosuʼiii, njinda iê ki ia suku, maji lukuaku luê hanji ua luʼoleka.

Izaía 9:12

A-nda ku dianga o kuiza, akua Sídia; o kuema kua-naa kukaiela akua Fidíxia; anga a bhana mu kanu, Izalaiele hé a mu minha; ku thandu dia ima iosuʼiii o njinda iê ki i bhu, maji hanji kia sunununa lukuaku luê.

Izaía 9:17

Kala kiki o Jihova ka tena ku kala ku ngalasa ni minzangala iâ, o jihukunhi jâ ni atudiʼâ, Jihova ka xikina ku a kuatela henda, mbata ene-oso akua-mangonha, akua-phulu, makanu mâ mazuela ulaji uoso. Ku ima iosuʼiii-phe, njinda iê ki bhene bhu ia suku; maji hanji kia sunununa lukuaku luê.

Izaía 9:21

Manasa ni Ifalaimi, Ifalaimi ni Manasa, kiiadi kiâ a balukila Juda; ku ima iosuʼiii-phe, njinda iê ki bhene bhu ia suku, maji hanji kia sunununa o lukuaku luê.

Jelemiia 25:34

Enu mu tubhila, dilenu, mu te nzôngo, kundumukenu mu utôka, enu mua adiakime a kilunga, mbata izuua ienu ia tenena kiá ia ku mi jibha; eme-phe nga-nda ku mi botomona, enu anga mu dibhala kala kitutu kia makembu.

Jelemiia 30:24

Ki ia kà vutuluka kuema, o njinda ia kutema kua Jihova, katé ki ia kà zubha ku bhanga ni ku kumbidila ioso ia muʼindi muẋima uê; kienhiki, ku zubhilu dia izuua, kia-nda ku mi tombolokela kiambote.

Jelemiia 48:20

Mouabhe sonhi ja mu kuata kuma a mu (tatesa) tohola; dikodienu mu dile kala imbungu; tulenu-kiu hundu mu Anone, muixi: Mouabhe a mu sengulula.

Jelemiia 6:26

Kilumba kia mundu uami, tata, dikute kidinhaji, u mbolomoke mu uthokua; tá muene ngololo kala ia kudila monʼumoxiʼèlele, ngololo ia malamba; mbata mubuikixi kua mu kambe ngó kofèle u tu sanga.

Kuditenda 1:12

Enu kifua ki kia mi kate, enu muala ku bhita mu kikoka? Ilenu hanji suii mu mone, mba sai-ku dilâmba kala o diami, dia ngʼiza ku handuʼidi; o dilâmbva dia ngi bhondeleka na-diu Jihova, bhu kizuua kia uamene o njinda iê.

Izekiiele 21:12

Dikole, u kumbe, eie u monʼa muthu, mbata o xibhata iòlunge mu kuzoka ni mundu uami, ni mu kuzoka ni ilamba iene ioso ia Izalaiele, ió a a bhakula ku xibhata kumoxi ni mundu uami; eie-phe di bete ku ditabela.

Izekiiele 30:2

Monʼa diiala, zambula, u zuele kuma; O Jihova Nzambi uambe kiki: Kemenu, muexi: Uá! O kizuuʼokio!

Jouele 1:13

Enu mu jinganga di kutienu bhu inhonga, mu te jingololo; di kumunienu, enu mu akunji a kalatódio, bokonenu, bhitenu enu mu akunji a Nzambi iami, o usuku uoso mu zuata kidinhaji; kuma o mibhaku ia makúdia ni ia makúnua a i batula mʼonzo ia Jihova Nzambi ienu.

Amoji 8:10

O jifesa jenu nga kà ji kitula jithambi ja kuteka ndômbe; o mimbu ienu ioso ia kà kituka jingololo. Bhua kàla ku di kuta jisaku bhu inhonga ioso, o mu mítue ioso mua kàla mabhaia kala mua bhiti phoko ia bhutu. Nga kà bhangesa kuila ima iii lamba diê dila kala thambi ia mona umoxièlele a mu vuala ngûmba; zubhilu diê mukua ni kizuua kia kubhondalala.

Mikeia 1:16

Kolola o kindemba kié, bhuta o mútue ué u xale ngó ni dibhala, mukonda dia anʼé u uazola kinéne; dibhala diê u di zanzesa muene mukuâ ni dia holokoko, mukonda anʼé oso a kuambata-nâ ku ubhika.

Dialuilu 25:4

Jihova anga u ambela Mozé, uixi: Kuata Makota oso ku kifuẋi, a bhange kiki, u a nhenge bhu pholo ia Jihova, mu muanha uatu, phala njinda iavulu ia Jihova i ile kuengi.