Jelemiia 4:7 - O Mikanda Ikola

⁷ O hoje ia fomoka kiá ku muxitu uê, ii banda, ni mubuikixi ua ifuẋi; muene ua katuka kiá, iú ua tundu kiá bhu kididi kiê, phala kubhangesa oxi ié i biluke jingundu; phala ku ku buikisa o madiembu mé, ki bhu kala dingi muthu u tunga-mu.

Jelemiia 4:7 ပူးပေါင်းရင်းမြစ်များ

II Jisobha 24:1

Mu izuua ia Nzouakí muene mua bande Nabukodonozolo, sobha ia Babilónia, mu kulua-nê, o Nzouakí hé u kala mivu itatu ku ubhika; o ki iabhu phe, ua hunduluka iú ua kitukila sobha ia Babilónia.

II Jisobha 25:1

Anga ki bhita kuila mu kubhiẋila mu muvu ua kavua ua utuminu ua Zedekiia mu kizuua kia kakuinhi ku mbeji ia kakuinhi, kiene kieza Nabukodonozolo, sobha ia Babilónia, mu kúlua ni Jeluzaleme, muene ni kilômbo kiê kia masoladi, hé Jeluzaleme a mu tela ibenge, a mu kandeia jimbonge mu jimbandu joso.

Izaía 1:7

Ixi ienu ia xala ngùndu, madiembu menu ma jikata mu túbhia; o mikáu ienu enda ni ku mi dia-iu kuala athu engi, akua jixi ja makanga, enu mu ki mona mesu; kibuika-phe kia athu engi kia mi vubuka.

Izaía 5:9

Nga kʼivu ni mátui mami, kia ki zuela Jihova dia Ilombo Ieta, uixi: Kutanga o kidi, nga-nda ku sengulula muene jinzu janzungule, katé ni mazemba mʼònene ma-ndu xala jingundu.

Izaía 6:11

Eme-phe, ngixi: Ngana Katé bhebhi? Muene ua kumbulula: Katé ki buika o madiembu, sé muthu u tungamu, né ngó muthu umoxi mu jinzu, oxi iene ioso kilômbo ngundu.

Jelemiia 2:15

(Kia bhingi) anʼa jihoji a zumina ku thandu diê, a ta muzonga; oxi iê a mu sekalesa-iu; o mabhata mê a mu jikatesa-u, utunga-mu ka moneka.

Jelemiia 22:6

Mbata Jihova uambe kiki ku dizemba dia sobha ia Juda: Eie ua ngi kala u Ngiliiade, u mútue ua Libanu; maji kidi muene-ze hinu ngi ku bhanga u kikangalakata, u jimbanza ja biluka jingundu.

Jelemiia 22:7

Mbata nga-nda ku ku kasela abuikixi, kala mubuikixi ni mata mê: ene, o misedro ié ia di tungulʼoio, a-nda ku i kokela bhoxi, anga a i ta mu túbhia.

Jelemiia 25:38

mu fundu iê ua tundu-mu kala monʼa hoji; kuma ixi iâ a i kitula jingundu mukonda dia njinda ia nguma, ni mukonda dia kusuina kua njinda ia Jihova.

Jelemiia 25:9

nga-nda ku tuma kutakana miji ioso iala kusuku, eme Jihova, ni mubhikʼami Nabukodonozolo ue, sobha ia Babilonha, anga ngʼa bheka mu ixi ienhiʼii ni ku thandu dia oso a tungu-mu ni ku thandu dia miji ioso mu jimbandu, anga nga kà a jimisa mbutu muene xatababá; nga-nda ku a bilula a kituka kisunji; a di bhanga supiia, a kala jingundu ji nangenena.

Jelemiia 26:9

Mukonda ua zambula mu dijina dia Jihova, uixi: Mukua ni Silu, kiene kia kà kituka inzu iii, o mbonge iii a kà i sengulula ia kà di bhanga ngundu, hé ia kà xala ngó ki ia kà mona muthu u tunga-mu. Ene oso mʼonzo ia Jihova anga a di bhongolola phala kuzoka ni Jelemiia.

Jelemiia 27:8

Kia kà kala-phe kiki, se bhu kala ixi mba utuminu u kamba ku bhikila muene Nabukodonozolo, sobha ia Babilonha, anga a kamba ku ta xingu iâ moxʼia jungu ia sobha ia Babilonha, ixi ioio nga kà i zungila ni xibhata, ni nzala, ni kipheku, katé ki ngi i jikinisa muene ku lukuaku luê-muene, Jihova ua ki tange.

Jelemiia 33:10

Jihova uambe kiki, uixi: Bhu kididi kiki (ki muala kutanga muexi: Kia di bhange kikangalakata, ki bhu moneka athu mba iama) mu jimbonge ja Juda ni mu jinzunga ja Jeluzaleme, ja biluka jingundu, ki mu moneka athu, ki mu moneka akua bhata, ki mu moneka iama,

Jelemiia 34:22

O kiki-phe nga-nda kutumina, eme ngi Jihova, anga ngi bhangesa kuila ene a vutukila dingi mu kúlua ni mbonge iii, a lua na-iu muene, hé a i tolola nʼa ioha mu túbhia; o jimbonge ja Juda nga-nda ku ji bhanga jingundu, katé ki ji mono dingi muthu u tungamu.

Jelemiia 4:29

Ku mutendu ua akua jimonde ni ifanda ia mifula, jisanzala joso muene ja-nda kulenga; a-nda kuia mu mazalakata, ni ku kanduka ku matadi; jisanzala joso ja-nda ku xala jingundu, ki bhu kala dingi muthu u tunga-mu.

Jelemiia 44:2

Jihova dia Ifuẋi, Nzambi ia Izalaiele, uambe kiki: Enu mua di muena o kuiibha kuoso ku nga lauila ku thandu dia Izalaiele ni ku thandu dia jimbonge joso ja Juda; talenu, leluʼidi ja di bhange jingundu ki bhuala muthu u tunga-mu.

Jelemiia 46:18

Sobha ua bhingi dijina diê muene Jihova dia Ifuẋi, uambe uixi: Eme ngi nangenena! Kuma ni kidi kiene, kala kiala o mulundu ua Tabolo bhu kaẋi ka milundu ni mulundu ua Kalamelu bhu mbandu ia kalunga, kiene kià kʼeza muene.

Jelemiia 49:19

Kuma mukuá ni hoji ki i tunda ni kubanda ku Njolodá, iendela kubula dibhata dia dizonda; mbata mu kithangana kiofele ngó, bhua kexile ngi mu kaiesa-bhu, o ngi mu sola eme nanhi, ni ngi mu te ditala dia ku mu tumina? Mukonda, nanhi ua di fuangana nʼeme? Nanhi u ngi xindila kithangana? Mubidi nanhi u tena kuimana bhu pholo iami?

Jelemiia 5:6

Mukonda dia kiki hoje ia tundu mu kitumba ia-nda ku a buidisa, o kimbungu kia ixi ia kisekele kia-nda kua sengulula; ongo ia batamena o madiembu mâ: uoso-uoso u tunda mu jisazalʼomo a mu sasujula; mbata o itondalu iâ ia sokoloka, o umbaluke uâ ua di bandekeza.

Jelemiia 50:17

Izalaiele ua soko ni mbudi ia jimbila; a mu kaiesa kuala jihoji; sobha ia Asídia muene ua dianga ku mu dia; o kua suku kunu, Nabukodonozolo, sobha ia Babilonha, muene ua mu bukula o ifuba.

Jelemiia 50:44

Talesa, umoxi uila kala hoji, uanda kubanda ni hungulule ia Njolodá, uendela dibhata dia dizonda, maji muʼanzanzʼumu nga-nda ku mu kaiesa-bhu; uoso nga mu solo eme muene ngi mu ta-bhu mu kuzoka-nê; mbata nanhi ua di fu nʼEme? Nanhi muene u ngʼixana eme mu kufunda? Nanhi muene o mubidi u tena kuimana bhu pholo iami?

Jelemiia 8:16

Tundé ku Dane ia evua kiá o dihemakata dia jikabalu jê: oxi ioso ii zamba mukonda dia kuívua o mázui ma jikabalu ja nguzu; ia eza muene, a habula oxi ni nzungule iê ia ima; ni mbonge, ni ió oso a tungu-mu.

Jelemiia 9:11

Jeluzaleme-phe nga-nda ku mu kitula jindunji ja matadi, dibhata dia midikixi, o madiembu ue mu Juda, ngi maxa jingundu, katé ki mu kala dingi muthu u tunga-mu.

Izekiiele 12:20

O jimbanza ja tungile, ji xala jingùndu, o ixi ia kà di-bhanga kibuika; hé mua kà kʼijiia kuila eme ngi Ngana.

Izekiiele 21:31

Hé nga kà lundulula o njinda iami ku thandu dié, o mu kuzoka nʼeie nga kà bhusila o túbhia tua kutema kuami kokué, anga ngi ku bhakula bhu maku a iiala ia handamana, athu ejidila kujibha, akua kufunha kibuika.

Izekiiele 32:2

Eʼmonʼa diiala, tá nzongo ia kudila Falaó, sobha ia Ijitu, u muʼambele, uixi: Eie ua di bhangele mukuâ ni kamona ka hoji, muʼaxaxe ka ifuẋi, eie uedile kala u kimudikixi muʼalunga, ua nemeka jinga o jingiji jé, o menha ua a vunza-vunza jinga ni inama ié, o jingiji jé ua jʼizalesa jinga divunze.

Daniiele 5:19

Mukonda-phe dia unéne ua mu bhele, miji ioso ni ifuẋi, ni athu a madimi moso, edile ni kiteketela ni uoma bhu pholo iê-muène. Uoso ua mu idi ngi mu jibha, u mu jibha muene; uoso ua mu edi akole muenhu, u mu bhaka ni muenhu; o ki ela muthu iú ngi mu zangeleka, u mu zangeleka muene; o ki ela muthu iú ngi mu tununa, u mu tununa muene.

Daniiele 7:4

Kiama kia dianga mukuâ ni hoje, anga kikala ni mabhabha ma holokoko; eme-phe ngi kuata kukengelela, katé kia ki tukula o mabhabha, anga a ki bhana o kubhetuka ku mavu, ni kuimana nzànza kala muthu, anga a ki bhana muẋima ua muthu.

Ijila 26:31

O jisanzala jenu nga kà ji sengulula, o ididi ienu ia kubhezela nga kà i solala, o dizumba dinuha kiamboteʼokio di mu ngi tela Eme, ki nga kà di suua dingi.

Ijila 26:33

Enu anga ngi mi muangena muʼaxaxi ka akua jixi jengi, hé ngi mi fomuena o xibhata, ni ngi mi mono bhu muia; oxi ienu i xala kilômbo ngùndu, o madiembu menu a jikinina muene taka-tàka.