Jelemiia 4:5 - O Mikanda Ikola

⁵ Bokenu mu Juda, ivisenu mu Jeluzaleme, muila muexi: Xikenu koloneta moxiʼumu! dikodienu ni dizui dia suina, muixi: Bhongolokenu tu bokone mu jimbonge ja nguzu!

Jelemiia 4:5 ပူးပေါင်းရင်းမြစ်များ

Izaía 28:19

Dilúvio dia-nda ku mi bhituila bhu dimatekenu bhene, kuma dilúvio diodio di bhita jinga imene ioso, muanha ni usuku; mu kuívua ngó o fuma iê, ki bheka kubhondalala kua dikota.

Jelemiia 11:2

Ivenu maka ma kikutu kiki, mu ambele athu akua Juda, ni akua bhata mu Jeluzaleme.

Jelemiia 35:11

O kioso-phe Nabukodonozolo, sobha ia Babilonha kia bande mu ixi iii, etu tuambe, tuexi: Zenu, tuienu mu Jeluzaleme, mukonda dia ifuẋi, ia masoladi ma akua Kaldeia, ni mukonda dia ifuẋi ia masoladi ma akua Sídia; kuabhu-phe etu tua xalela kiá mu Jeluzaleme.

Jelemiia 5:20

O kiki jimbulenu-kiu mu dibhata dia Jakobo, kundenu-kiu mua Juda, kuamba:

Jelemiia 6:1

Enu muʼana a Bejami, mu kaxi ka Jeluzaleme tundenu-mu, mu lengele o muenhu uenu; xikenu ue mbungu mu Tekoua, lekenu ue sama ia túbhia mu Beth-haselene; kuma ku mbandu ia kusuku ku kuijiia kibhidi ni kibuika kia dikota.

Jelemiia 8:14

Tua xikamena-hi phe dingi? Diphophienu nda tu bokone mu jimbonge ja nguzu, tuile muenhomo hudí; kuma o Jihova Nzambi ietu ua tu di xibhisa kiá, iú ua tu bhana kunua menha a ndululu; mukonda tua te ituxi kua Jihova.

Jelemiia 9:12

Nanhi muene o njimu a tongolole kiki? Mukuahi a mu tangela maka kuala dikanu dia Jihova, nda a tene ku ki kunda? oxi ia buikilaʼhi kala kiki, i i ia jokota mukuá ni kikangalakata, mu mua bhingi né ngó muthu u bhitamuʼé?

Izekiiele 7:14

O koloneta a i xiki kiá, ima ioso ió iudike kiá, maji ki bhuala uia ku ita, mukonda ku thandu dia mundu uâ uoso, kuala o kuuama kua njinda iami.

Hozeia 8:1

Tá mbungu ku dikanu dié. Muene iu uiza kala holokoko phala kuvubuka mu dibhata dia Jihova, mukonda ene a matuka o kikutu kiami, o kitumu kiami a ki bhukumukina.

Jouele 2:1

Mu Ziione xikenu-mu mbungu, dikodienu ni dízui dia suína mu mulundu uê ukôla. Ene oso a tunga mu ngongo a tekete, kuma kizuua kia Jihova kì kiza, kiene kia zukama kiá.

Amoji 3:6

Manhi mbungu ki i xika mu sanzala, athu a kamba kusasumuka? Kima iaiibha mbé ki bhité ngó mu sanzala, ki Jihova ua ki tumu?

Amoji 3:8

Hoji se ia didi, nanhi u kamba ku kala ni uoma? O Jihova, Nzambi, se ua zuela, nanhi u kamba kuzambula ni upolofeta?

Dialuilu 10:2

Iudika koloneta jiiadi ja phalata, u ji iudika ni ufunu ua kusula; ji kale ja kuxika mu kuixana kilômbo, ni kuxia kibangu mu kuenda,

Dialuilu 10:3

Ki u ji xika, kilômbo kioso ki bhongoloka kokué, bhu muelu ua balaka ia kutakanena.

Josuué 10:20

Kuila-phe, Josuué ni anʼa Izalaiele azubha ku a titidila ni kitaínga kiònene, katé kia a buikisa, oso a subhukile-bhu iá alengela ku madiembu ma beta o ku di fikidila,