Jelemiia 4:4 - O Mikanda Ikola

⁴ Di saiesienu phala Jihova, humbulenu o mabôlo ku miẋima ienu, enu mu mala ma Juda, nʼenu mua tunga mu Jeluzaleme, mua lengesa kuila o njinda iami hinu ki i bambuke kala tubhia, ni tu kuata kulema anga a lembua ku tu jima, mukonda dia usuéia ua ikalakalu ienu.

Jelemiia 4:4 ပူးပေါင်းရင်းမြစ်များ

II Malunda 34:25

Mbata a ngi xisa, o uasu ua dizumba iá a uohela ku jinzambi jengi, mbé o ku ngi lokalala o njinda iami ni ibhangelu ia maku mâ; uila kiki, o njinda iami ia laukila bhu kididi kienhiki ki ia-nda kuẋikina kujima,

Izaía 10:17

Mbata mukengeji ua Izalaiele ua kà di bhanga kala túbhia, Dilemba diâ, ukituka mulengo, uene uximika hé u jikinisa o misonge iê ni ivunda iê mu kumbi dimoxi.

Izaía 30:33

Kuma Tofete a i iudika kiá, tunde mazá; xi, a i iudikila sobha; a i zongolola, a i kudisa; o sáma iê túbhia mu túbhia, o jihunhi jivula jala-mu; o muha ua Jihova ua kà uama kala muxónge ua xofidi.

Izaía 51:17

Phaphumuka, phaphumuka, u balumuke, Jeluzaleme, tatʼeie! Uanu dikáu dia njinda ia Nzambi, dia tundu bhu luakuaku luê; dikáu dia kubhendujuka eie ua di zunzumuna muene, ni iẋiẋi iê ua i xibhi.

Jelemiia 15:14

Anga ngi ku ambata ni jinguma jé, muie ku ixi ki muejiia-ku; mbata njinda iami ia uama, túbhia mukuá, enu-enu-phe ia-nda ku mi uamena.

Jelemiia 21:12

Eie u dibhata dia Davidi, Jihova uambe kiki: Mu imene endenu ni kubatula milonga mu kidi, nda uoso a mu bhundu mu mu sukunune bhu lukuaku lua kingumba; phala o njinda iami ki i tunde kala tuia, ni i uame hé i kamba uoso u i jima mukonda dia kuiibha kua ibhangelu ienu.

Jelemiia 21:5

Eme-muène ue nga-nda ku lua ita nʼenu ni lukuaku luami lua nguzu, nga lu oleka ni undanda ni njinda, ni nganji ni mualala ua dikota.

Jelemiia 23:19

Kiki-phe, kibhungu kia Jihova kia tundu ni kutema kuoso; ku mítue ia akua ituxi, kibhungu muene kia nguzu kia-ndu laukila-ku ni phulu ioso.

Jelemiia 36:7

Amoxi o kudionda kuâ ku sonokena bhu pholo ia Jihova, kala muthu a bhane dikunda ku njila jê ja ibha mukonda njinda ia Jihova ia dikota ni kutema kuê kuene mu ku di londekeza na-ku mu ku bilukila o athu iá.

Jelemiia 44:22

Kí kia bhekela kuila Jihova ue ka tenene dingi kulendukila mu kithangana kia vulu o kuiibha kua ibhangelu ienu ni ima ia isunji i mua bhanga jinga, ixi ienu iú ua i bilula kikangalakata, ia di bhange kima ki kuatesa uoma, ia kituka ixi ia mázui, ki i moneka athu a tungamu, kala ki muala ku i mona leluʼidi.

Jelemiia 9:25

Talesa izuua ii iza, Jihova ua ki tange, uixi: nga-nda kubhana njumbu kua ia oso a a saie kumoxi ni oso a kambe ku a saia.

Jelemiia 9:26

Kua Ijitu ni Juda ni Idomo ni ana a Amone ni Mouabhe ni ianá a-kua ku batula thungi ia ndemba jâ, a tunga mu kikangalakata; mbata ifuẋi iosololo, eneʼâ ngó sé ku a saia, o dibhata dioso ue dia Izalaiele ka di saie o muẋima.

Kuditenda 4:11

Jihova ua kumbidila o njinda iê, ku muẋima kua mu zele kiua; uaiukula o mualala ua njinda iê ia uamesa túbhia mu Ziione katé ni ku madisesa bhoxi.

Izekiiele 16:38

Anga ngi ku fundisa muene kala kiene kufundisa ahetu a ta jiphanda, ni iá a bhubhisa o manhinga; anga ngi ku bhakula ku kibhubhe kia manhinga ma njinda ni ma difuba.

Izekiiele 18:31

Zulenu itondalu ienu ioso i mua tondala na-iu, mʼoxi dienu mu bhangemu muẋima ua ubhe ni nzumbi ia ubhe; mbata mua-nda fuilaʼhi ngoho, enu mu dibhata dia Izalaiele, tata?

Izekiiele 20:33

Kikola! Eme ngi Jihova Nzambi! Kuma ni lukuaku lua nguzu, ni lukuaku luòlama, ni ku mi lunduluila o njinda, nga-nda ku mi tumina muene.

Izekiiele 21:17

Eme ue nga-nda kubeta ku makuʼami, lumoxi ku lukuaku lua mukuá, anga o njinda iami ngi i bhangesa kunhoha; eme ngi Jihova, ememuène nga zuela.

Izekiiele 24:13

O mu ufusa ué ua ndumba, muene muala o kusembama kué, kuma eme nga mesenene ku ku zelesa, eie-phe ngué ku di zelesa; ki mungu dingi a kà ku sukula ku dixidilu dié, katé eme ki ngi bhanga kunhohesa o njinda iami ku thandu dié.

Izekiiele 24:8

O manhinga mê anga ma tula bhu ditadi diedi bhuetete, phala ka ma vungine, mbé o kuzangumuna o njinda, ni kuvutula o phonzo.

Izekiiele 44:7

Mukonda muexana athu engi, a kambe o ku a saia ku muẋima ni ku xitu, nʼa kale mu dibhezelu diami, nʼende ni ku di kasanesa mʼonzo iami, kioso enu ki muenda ni kubhakula o mbolo iami, ni maji, ni manhinga; o ene ia a numununa o kikutu kiami, mukonda dia maufusa enu oso.

Izekiiele 6:12

Uoso uala dikanga, uanda kúfua ku dibhebhu, ió uala bhua butu, ua kà tèmbuka ku xibhata; o uoso u xalela masubhu, kia mu kondoloka ua kà fua ni nzala; nga-nda kumbidila muene o njinda iami ku thandu diâ.

Izekiiele 8:18

Kala kiki, eme ue nga-nda ku a vutuila ni njinda ioso; o diesu diami ue ki dia-nda kukondeka mba ngi kala ni henda; né-mbe hanji a ngi kolela mu mátui ni nguzu, eme ki nga-nda kua evua.

Ijila 26:28

Eme uami ngi ẋinukina-ku kiá muene, mu ku mi bhanga kiaiibha; anga ngi mi beta dingi mu lusambuadi lua tundu akuâ, kingumba o ituxi ienu.

Ijila 26:41

Eme uami, mu kuenda-nâ ene, nga a balukila jinga ʼte ki nga a tande mʼoxi ia jinguma jâ; bhenhobho-phe se o muxima uâ ua dibôlo u di tululula, anga o kibetuʼiki kia ikuma iâ a di ẋikina na-kiu, kuamba kia a fuama,

Amoji 5:6

Sotenu-phe Jihova, nda mu laie; Phala muene ue ka di takuile mu bhata dia Zuze kala túbhia, ni tu mu jikinisa, bhu Betele-phe ki bhua-nda ku moneka muthu u tena ku tu jima.

Sofoniia 2:2

Kioso ngongo kiluua itunda, kizuua kiluua kiza kia kubhita kala ibhiate ia-lu phephuluka ni kitembu, kioso njinda ia Ngana kiluua iza, kuthandu dienu, xi, kioso kizuua kia njinda iê ku thadu dienu kiluua kiza.

Loma 2:25

Kuma o kusaiʼ oko sai ni kubhhanduluka kuê, se eie u Judé uala u mutumaki a Kitumu. Ki u kala-phe u mutondadi a Kitumu, né a ku saie, ua biluka kala ka ku saie.

Matendelelu 10:16

Saienu-phe o mabôlo ma miẋima ienu, phala ki mu kale dingi muʼathu mua bhukumuka ilunji.

Matendelelu 30:6

Jihova Nzambi ié ua-nda ku ku saia o muxima ué moxi, ni muxima ua mbutu ié ia-nda ku ku kaiela, phala kuzola jinga Jihova Nzambi ié ni muxima uoso, ni muenhu ué uoso, nda u kole muenhu.

Matendelelu 32:22

Kuma kiene ki ngalʼiki njinda iami iauama túbhia, tua kà uama muene, katé tua bhiẋila mu jihota joso ja mukiukuluku; phala kubuikisa oxi ni funza iê ioso; ni ku jikatesa o madisesa ma milundu.

Kolose 2:11

Enu-phe a mi bokuesa mua muène ni ku mi saia, kana mu kusaia kua kubatula kaxitu ku mukutu, kala ki bhanga athu, maji mu kusaia kua muène Kristu, kua ku mi kula ku nguzu ia mukutu iú ua ituxi.