Jelemiia 4:30 - O Mikanda Ikola

³⁰ O ki ualʼokio ua-nda kubhanga-phe kiebhi, eie a ku sengulula? Né-mbe, u zuata thanga jikusuka, né-mbe u di ta makembu ma ulu, né-mbe u di teka mu mesu ni antimonio, kua-nda kuuabha dingi, né ngó, jimbuẋila ja ku buakulula kiá, ka kuandala dingi, ia sota kiáʼ ku katula o muenhu.

Jelemiia 4:30 ပူးပေါင်းရင်းမြစ်များ

II Jisobha 9:30

Jehú anga u bhixila mu Jizeleiele. O Jezabele kioso kia kʼivu, u di bongola o mesu, u iukisa kiambote o mútue uê, anga u kala bhu njanena mu kutala.

Kuditenda 1:19

Makamba mami nga exana kiua, maji ene a ngi koloka; jinganga jami ni ikulakaji iami azunzumukina mu mbonge muenhumu; kioso ene kia di tele mu sota kia kúdia phala kuximbakatesa o muenhu uâ.

Kuditenda 1:2

Usuku uoso ua kudila kinhenge; o masoxi mê a kuata kunguluka jinga ngó mu pholo; o muʼaxaxi ka makamba mê ki muala ngó u mu konda dilamba; o makamba mê moso-lolo ma mu bhange ndunge; a biluka muene jinguma jê.

Izaía 10:3

O kiki-phe enu mua-nda kubhanga kiebhi, mu kizuua ki nga-nda ku mi endela, anga kuiza o kibuika ki tunda makanga? Mua kà lengela kua nanhi mu sota o disuamenu? O kijingo kienu ue muanda kuá ki tula bhebhi?

Izekiiele 28:13

Ua kexile mu Edene; mu kadíbhia ka Nzambi; o matadi oso a phelu ia nzaji ene a kexile o divunga dié, ni saladonha, ni topáziu, ni diiamande, ni tulukeza, ni onixe, ni jaxpe, ni safídia, ni kalubúngulu, ni jimelada, ni ulu; o kikalakalu kia ngoma jé, ni mbendu jé, kia kexi momuʼé-muène; bhu kumbi dia ku bhangele, kiene ue kia ji iudikile.

Jelemiia 13:21

Ua-nda kuzuela kiebhi, kia-nda ku ku tela o makamba mê enhó ku thandu dié phala ku ku tumina? Oko eʼmuene-muène ua a longo-kio kia ku ku bilukila? Abha o misusu ki ia-nda ku kuata kala muhatu uala ku mika ia kuvuala.

Izaía 20:6

Akua-bhata mu ixiʼoio, mu kizuua kiná, a kèla: Enu mala tua mudielelele, bhuezʼobho, ki tualʼiki tua-nda ku di tela dingi kua nanhi, u tu banda, phala ku tu kudila kua sobha ia Asídia? Ki tualʼiki tua kà bhulaka kiebhi?

Dijingunuinu 17:13

Ene oso ió kilunji kiâ kiene kimoxi, o kutena kuâ kuala na-ku ni kijingu kiâ, anda ku ki bhana o kiama.

Dijingunuinu 17:4

O muhatu ua zuata jithanga jakusuka muene kiavulu nguíi, iú ua kembe ni ulu, ni madiiamande, ni jiphélula. Bhu lúkuaku ua kuata kopho ia ulu, iezala isunji ni imbamba ia ufusa, ia tundu mu undumbu uê.

Dijingunuinu 17:2

O jisobha mu ngongo ja bhanga jinga-nê undumbu, o athu a tungu mu ngongo ua a kodiuisa jinga ni vinhu ia undumbu uê.

Jihebeleu 2:3

Etu-phe tua kà lengela bhebhi, se o kubhuluka kuosʼ-uku kua tu kuata usudi? Ngana Jezú muène o kubhuluka kuku ua diànga kiá ku ku tanga, etu anga a tu kunda na-ku kuala ió a ku ivu, kuila kubhuluka kua kidi.

Izekiiele 28:9

Bhu mesuʼa iú uoso ua mu ku jibha, eie ua kʼèla hanji, uixi: Manhi eme ngi Nzambi? Maji eie u muthu ngó muene, ku Nzambi, kana, bhu lukuaku lua ió uoso u ku toma.

Kuditenda 4:17

Etu-phe mesu a sukile ni kutalela kuoso ku tu tunda o dikuatekesu, manhi tua di nganala mu ku kinga; o kudielela kuetu kua kingoho. Anga tu kuata kuzonguela bhu matala ni kutalela ku kifuẋi ki ki tena kukudila muthu.

Jelemiia 5:31

O Misesedi a tanga ima ia makutu, o jinganga a tumina ku maku mâ-ene; o mundu uami uene, kiene ue kia a uabhela; o ku kia kà suka mua-nda kubhanga kiebhi?

Izaía 33:14

Akua-ituxi mu Ziione uoma ua a kuata, akua-mangonha kua a tula kiteketela. Mukuahi mudietu u tena kutunga bhuamoxi ni mulengu ki uene kujima?

Jisabhu 6:25

Uuabhelu ua pholo iê ki u ku sendule mu muẋima ué; muene kia kuata ku ku talesa, mesu mê kana ku a ehela ku ku diangula.

Jisabhu 7:10

Ngi mona-phe muhatu iu tunda iuná, uala kuia ku mu kauidila, ni ukembu ua kiuaia, masunga ua ma te kiá ku muẋima uê.

Jelemiia 22:23

Eie ua tunga mu Libanu, eie ua-te kikalanga mu misédulu! O kia-nda ku ku kuata o mika, ni misusu kala ia muhatu uala ku isenda, ua-nda ku di uana!

Jelemiia 30:14

Ene oso u ua kexile-nâ ku usai, a ku jimbi kiá, ene ue eie ka mu ku kuibhula dingi; mukonda nga ku kuama ni kituezu kia nguma, nga ku bhana kaxtiku ka kisuéiea, mukonda dia unéne ua ku ibha kué, ni nzungule dia ituxi ié.

Obadiia 1:7

Makamba mé ma akua jixi jengi ma ku xinjikila ni ku ku bheka ku kanga katé kia ku tubhula mu mbambe; oso a dielela o kutululuka kué a ku nganala katé kia ku lende; o ene kúdia ku mbolo ié, lelu a ku tela mubhetu mu inama; eie-phe ua lémbua ku kʼijiia.