Jelemiia 4:16 - O Mikanda Ikola

¹⁶ O kiki kolenu-kiu ku akua jixi, ivisenu-kiu kuma Jeluzaleme a mu bilukila: o ku ixi ia makanga kuene kua-nda ku tunda ió oso a-nda ku mu kondoloka, hé a kà zangumuna o mbimbi iâ, mu kubilukila o jimbonge ja Juda.

Jelemiia 4:16 ပူးပေါင်းရင်းမြစ်များ

Izaía 34:1

Bhiẋilenu kunu, mu ifuẋi, phala kuívua, enu ue mu mundu, ividilenu: Ivua eie u ixi ni ima ioso iene-mu, eie u mundu ni ima ioso-lolo idivualamu.

Izaía 39:3

Bhenhobho-phe, polofeta Izaia uiza kua sobha Ezekiia, anga u mu ambela, uixi: Mala ianhá a ku ambela kima kiabhi? ene-phe a tundu kuebhi? Kuala Ezekiia: Enhó a tundu kʼoxi ia dikanga, ià eza kokuami, ku Babilonha ku a tundu.

Jelemiia 1:15

Kuma talesaze, eme ngi kasa madiembu ma jimbanza joso ku suku, eme jihova; ene a-nda kuiza mbanza ni mbanza i tula kiandu kiê bhu muelu ua mabhitu ma Jeluzaleme, o imbaka iê a i kondoloka muene, ni jimbonge joso ja Juda a ji bilukila.

Jelemiia 16:6

Ni makota ni jindenge hinu à kʼafua, moxʼumu, o ku a funda ki kuanda ku xikina; ki bhua-nda kukala ku a dila thambi mba ku di sema ku mikutu, mba ku di kolola jindemba ku mútue.

Jelemiia 2:15

(Kia bhingi) anʼa jihoji a zumina ku thandu diê, a ta muzonga; oxi iê a mu sekalesa-iu; o mabhata mê a mu jikatesa-u, utunga-mu ka moneka.

Jelemiia 31:10

Ivuenu kizuelu kia Jihova, enu mu miji iʼathu, mu ki tangele ku ikolo ia takuka ku makanga, muexi: Ió ua tena kumuanga Izalaiele, ua-nda ku muʼongeka dingi hé u mu langa kala mubidi kia langa kilunga kiê kia jimbudi.

Jelemiia 39:1

Mu muvu ua kavua ua Zedekiia, sobha ia Juda, bhu mbeji ia kakuinhi, Nabukodonozolo, sobha ia Babilonha anga uiza ni kifuẋi kiê mu kúlua ni Jeluzaleme, mbonge anga u i konda.

Jelemiia 4:17

Jihova ua tange, uixi: A-nda ku mu kondoloka mbandu ni mbandu kala alangidi a díbhia; mukonda muene ua ngi balukila.

Jelemiia 5:15

Talesa-ze, eie u dibhata dia Izalaiele, nga-nda ku mi solomuena kifuxi ki tunda makanga, Jihova ua ki tange; kifuxi kia nguzu. Kifuxi kia xahulu, kifuxi kia bhingi eie o mbimbi iâ kuanda ku ijiia; kioso kia zuela eie kua-nda kutena ku kʼivua.

Jelemiia 5:6

Mukonda dia kiki hoje ia tundu mu kitumba ia-nda ku a buidisa, o kimbungu kia ixi ia kisekele kia-nda kua sengulula; ongo ia batamena o madiembu mâ: uoso-uoso u tunda mu jisazalʼomo a mu sasujula; mbata o itondalu iâ ia sokoloka, o umbaluke uâ ua di bandekeza.

Jelemiia 50:2

Tangenu-kiu mu kaxi ka akua jixi. Ambenu-kiu a kʼivue, lekenu muene o mvela ambenu-kiu a kʼivue, kana ku ki sueka, kuila: Babilonha a mu tolola kiá, Bele ua tandanganha, Melodake a mu bhiti ku thandu, o iteka iâ sonhi ja a kuata, jinzambi jâ ja dibhale bhoxi.

Jelemiia 6:18

Kala kiki enu ifuẋi, ivenu-kiu; enu kionge tumenu ku kijiia kioso kiambe kubhanga muaʼxaxi kâ!

Jelemiia 6:19

Ivua kunu, eie u ixi! Talesa, o mundu iú nga-nda ku u bhekela kibhidi, kia tundu mu kibundu kia ixinganeku iâ-ene; mbata maka mami kala ku ma suua, o ngonge iami ue a di tunu-iu.

Jelemiia 6:22

Jihova uambe kiki: Talesa kuala kuiza athu a tunda ku mbandu ia ku suku, ku jimbalelu ja ixi kua-nda kubalumuka kifuxi kionéne.

Jelemiia 6:23

A-nda kua kʼèza ni mufula ni dionga; ene isuéia-phe ka xikina kulenduka; kibulukutu kiâ ki zuma mukuâ ni mabhuku, endela ku jikabalu, a di zeleka kala makuenze ma ita phala ku ku balukila eie, monʼa kilumba mu Ziione.

Jelemiia 8:19

Ivua o nzongo ia mona a kilumba kia mundu uami, ku ixi ia makanga! Jihova kifua mu Ziione kala-mu? Sobha iê kene-mu? Mukonda diahi-phe a ngi lokalala, njinda a i balumuna ni iteka iâ ia kuseta, ni ukumbu ua iteka ia akua jixi jengi?

Izekiiele 21:22

O ku mbandu iê ia kadilu kuene kuà kala o muzambu ua Jeluzaleme, mbe-bhu o kuambela o jiadiiete phala o kijibha a ki jikule mu kanu, mbé o kuzangumuna o mbimbi ia kutana phala o ibula mabitu ki i tula bhu mielu ia kuzangumuna o imbaka phala kutunga o jimbonge.