Jelemiia 4:11 - O Mikanda Ikola

¹¹ Mu kithangana kinhá a kʼàmbela mundu iú ni Jeluzaleme kuamba: kitembu kia thothuena kia tundu bhu thala ia kikangalakata, kieza mu njila ia monʼa muhatu ua mundu uami, kí kieza phala ku bhiata, kí kieza phala ku zelesa.

Jelemiia 4:11 ပူးပေါင်းရင်းမြစ်များ

Jisálamu 11:6

Enhó a bhumu hinu u a nokesa mvula ia makala ku thandu diâ, ni túbhia ni xofidi, kumoxi ni kitembu kia kibhungu kia dikota; ene o mahitula a a lungila mu nganza iâ;

Izaía 22:4

Kala kiki, ngixi: Lungenu o pholo kuengi, eme nga-nda kuẋikujuka ni kudila, ki mu tale hadi ia ku ngi dixibhisa, nga bhondalala mukonda dia kibuika kia mona-kilumba, dia mundu uami.

Izaía 27:8

Kana bá! Inda eie, mu kuzoka-nê, ua mu fikixila; kioso ki ua mu ẋimbuka, ua mu sondolola ni kitembu kiasuina, kia bhixila o kitembu kia thunda.

Izaía 41:16

Eie ua kà a bhiata muene bhu mbango anga a phephuluka ni kitembu, o kibhungu-phe kia kà a muanga; maji eie-phe ua kà sangulukila mua Jihova, ua kà di-thathela kua Dilemba Dikola dia Izalaiele.

Izaía 64:6

Kuma etu-oso tuedi kala kima kia sotama, mauiukilu metu moso medi kala dikoza diala mu nuha kibuzu; etu-oso tu lalumuka muene kala mafe ma kukuta, o ikuma ietu iala ku tu kungulula kala kitembu kia tu ambatesa.

Jelemiia 13:24

Uila kiki nga-nda ku a muanga-muanga kala iẋinji ia ixina ia tiliku, iẋinji i phephuluka ni kitembu kia ixi ia kisekele.

Jelemiia 14:17

Uila kiki a tangele maka iâ: Muanha ni usuku mesu mami ma kuate kienhiki o ku lundulula kisoxi, ki ma zumbuke; mbata kilumba kia muzeletete, monʼa mundu uami, a mu kuama kiavulu, kilonda kiê kia xixima kinéne.

Jelemiia 23:19

Kiki-phe, kibhungu kia Jihova kia tundu ni kutema kuoso; ku mítue ia akua ituxi, kibhungu muene kia nguzu kia-ndu laukila-ku ni phulu ioso.

Jelemiia 4:12

Kitembu kia nguzu ia kibhungu kia-nda ku ngi kana muene: kiki eme ue nga-nda ku tubhula maka ma ku a fundisa milonga.

Jelemiia 8:19

Ivua o nzongo ia mona a kilumba kia mundu uami, ku ixi ia makanga! Jihova kifua mu Ziione kala-mu? Sobha iê kene-mu? Mukonda diahi-phe a ngi lokalala, njinda a i balumuna ni iteka iâ ia kuseta, ni ukumbu ua iteka ia akua jixi jengi?

Jelemiia 9:1

Tamanu mútue uami ua bilukile menha, o mesu mami ma bilukile fiẋi ia masoxi! Kienhokio ngeju dila imbi ia kilumba kia mundu uami, muanha ni usuku.

Jelemiia 9:7

Kala kiki, Jihova dia Ilombo Ieta uambe, uixi: Talesa-ze, eme nga-nda ku a zunza, anga nga a lola; mukonda-phe, o kilumba kia mundu uami ngeji ku bhanga-nê dingi kiebhi?

Kuditenda 2:11

Mesu mami ma fefetela ni masoxi, enu mala! O mídia moxi ia ngi dimbuluka; miẋima iami ia di zunzila bhoxi mukonda dia kusenguluka kua senguluka o kilumba kia mundu uami! Abha kua bhingi ni tumbonga, enu mala, ni tuana ku mele ia ambukila mu jinzunga ja diembu!

Kuditenda 3:48

Mesu mami ma lundulula mikunguiji ia menha, mukonda dia kibuika kia tula kua monʼa kilumba kia povo iami.

Kuditenda 4:10

Maku ma ahatu, a zola Nzambi, ene muene a lambe o tuana tuâ-ene! O xitu iâ iene o huta ia kúdia kuâ, bhu thembu iabhiẋila o kusenguluka kua monʼa kilumba kia mundu uami, enu mala!

Kuditenda 4:3

Katé ni mabheku ku mukáu a bheteka o thulu, anga amuisa anʼâ; maji o kilumba kia mundu uami, ua biluka kisuéia kala kihendembumba mu kikangalakata.

Kuditenda 4:6

Mukonda o kituxi kia monʼa kilumba kia mundu uami, kia beta kota o kia Sodoma ndenge, a mu vumbile mu uthôkua muʼanzanzʼumu, sé ngó kuila bhu kala lukuaku lua muthu lu ki bhanga.

Izekiiele 17:10

Manhi se uòphaphe, u tena kuzediua? Manhi se o kitembu kia thunda ki mu tula, uene uoso ki ua-nda kukukuta? u kukuta muene tundé bhu dibakala diê bhua u kunu.

Izekiiele 19:12

Maji a u vuza ni njinda, hé a u takuila bhoxi, o kitembu kia thunda anga ki kukutisa o ibundu iê; ojithangu jê ja nguzu ja bukujuka, ja kukuta anga o túbhia tu ji jikinisa.

Hozeia 13:15

Ifalaíme né-mbe u zanda anga u bhana ibundu muʼaxaxe ka jiphange jê, hanji-phe, kua keza kitembu kia thunda, kitembu ki tunda kua Jihova, ki balumuka mu kikangalakata anga kiza ni kubanda; kiene kia kà kukutisa otho iê, o dijiia diê di thothuena; o ima ioso ia matunda iala naiu a kà mu bhunda-iu.

Hozeia 13:3

Kienhiki ene a-nda kukala mukua ni dituta dia kimene, kala dimume dia kamene-mene, ki diene mu kunanga kubhita; ela kala ibhiate bhu dizanzu dia kubetela, a i ambata kuala o kitembu kia suina; a di bhanga kala dixi dia mu tunda mu xaminé.

Hozeia 4:19

Kitembu kia kibhungu kia a ambatela mu mabhabha mê; jisonhi hádia ja-nda ku a kuata mukonda dia jisata jâ.

Habakuke 1:11

Hé a bhita mukuâ ni kitembu kia kibhungu, anga endelela muene nzaká; enhá-phe à kala mu kuêla muene, kuma a fika a ki bhange ni nguzu ia tundu kua nzambi iâ.

Habakuke 1:6

Mukonda ngi balumuna o muiji ua jikaldeu, muiji ua temanana, uazanzuka, o ixi u i endela bhu kuzanza kuê, anga uia mu ku bhingana mabhata ki ma mu tokala.

Matesu 3:12

O mbangu iê ia kubhiatela uiza na-iu bhu maku, o kididi kiê kia kuvundila ua-nda ku ki zelesa katé kia zubha. O jimbutu jê u ji bhongolola hé u ji bheka mu kitula; o ibhiate-phe u ioha mu túbhia ki tuene dingi kujima.

Luka 3:17

Muène, mbangu iê ua i kuata bhu maku phala kusèsa o jimbutu mu ibhiate. O dikanga diê dia kuvundila, u di zelesa kiambote. O mbutu u i bhongoluela mu kinganja kiê, o ibhiate-phe u ioha mu túbhia ki tu xikina dingi kujima.