Jelemiia 4:10 - O Mikanda Ikola

¹⁰ Eme bhenhobho ngixi: Èhé, Ngana Nzambi, tata! Kidi kiene o mundu iú ni Jeluzaleme ua a tobhesa kinéne, kuma eie ua ambelele, kuila: Mua-nda kukala ni kutululuka; o kikiphe xibhata i ia a toma katé ku muenhu.

Jelemiia 4:10 ပူးပေါင်းရင်းမြစ်များ

Makatukilu 5:22

Mozé anga u vutuka kua Jihova, uixi: Ngana, ua ki bhangela-hi, mundu iú ku u bongesa malebnhu kiki? Eme-phe ua ngi tumikisinaʼhi?

Makatukilu 9:14

Mukonda o kiki kiá nga-nda kutumikisa o mabhebhu ami oso ku thandu dia muxima ué, ni ku thandu dia akua mbèle ié, ni ku mundu ué; phala eie u kʼijiie kuma eme ki ngi moneka mukuetu nga soko-nê mu ngongo ioso.

Izaía 30:10

A tangela akua lumono, kuila: ki mu mone; o jipolofeta a ji ambela, exi; Etu kana ku tu zambuila ima ia iuka; tu tangedienu ngó ima i tu uabhela; tu kengedienu ima ioso ia ku tu hanza, sumbala ia mangonha.

Izaía 37:35

Mbata eme nga-nda kubhângela mbanza iii, phala ku i kudila, mukonda diami ememuène, ni mukonda ue dia selevende iami Davidi.

Izaía 63:17

O kiki-phe, Jihova ua tu luezesa kiebhi o kuenda mu jinjila jé? o muẋima uala ku tu kolesa-u kiebhi, phala tu lémbue ku ku xila? Mu henda ia selevende jé, vutukisa o miji ia undundu ué.

Jelemiia 1:6

Eme bhenhobho ngixi: Èlé! Ngana Nzambi, tata! Talesa-ze, eme ki ngiʼjiia kuzuela; mbata ngala ngi mona-ndenge,

Jelemiia 23:17

Thembu joso a kuata kuambela iá a ngi zembe eme, exi: Jihova uambe kiki: Kua mi xikamena paze; o uoso ua mu kuenda kioso kia mu tumu o muẋima uê a mu ambela, exi: Kʼilahize. Ki kuizé kima!

Jelemiia 32:17

Auá! Jihova, tata! Eie ua iudika o maúlu ni ixi, ni kutena kuoso kua nguzu ié, ni lukuaku lué lua sununuka; kanaku kima ki u mona kuila kisunji ku mesu mé.

Jelemiia 4:18

O uendelu ué ni ikalakalu ié iene ia ku seiela ima ienhiʼii: o kiki kiene o kikuma kié, o kulula kue kuavulu ku ku bhixila katé ku muẋima.

Jelemiia 5:12

Adituna Jihova, anga ela exi: Ió ki muene; exi dingi: Ki kua-nda ku tuiza kiluezu kia kima; ki tua-nda ku mona xibhata né nzala.

Jelemiia 6:14

Hê a tumba o fidila ia mona kilumba kia mundu uami ni mangonha moso, exi: Kuatululuka, kuatululuka, mbé kuma kuene kana-ku kutululuka.

Jelemiia 8:11

Hé a tumba o fidila ia monʼa kilumba kia mundu uami ni mangonha moso, exi; Kua batama, kua batama, manhi kuene kana-ku kubatama kua kima.

Kuditenda 2:21

Ni ikulakaji ni tuana tua ndenge, azeka bhoxi mu maluua; ni ilumba iami ia mizeletete ni makuenze ami a mala, oso muene a lalumuka ku xibhata; eie ua a jibha bhu kizuua kia tukuluka o njinda ié; eie ua a batula o xingu, ni ku a kuatela ngó henda, lémbue.

Izekiiele 11:13

Anga ki bhita kuila kioso ki nga mu zambuila mu uanji ua upolofeta, Pelatiia, monʼa Bebaia, uafu. Kienhokio hé ngi di ṗhudikila o pholo bhoxi, anga ngi di kola ni dízui dia suína, ngixi: Ahá! Jihova, Ngana, tata! o masubhu a Izalaiele mbé ua-nda ku a zubhidisa dingi?

Loma 1:24

Mukonda dia kudianguka kuâ, Nzambi ua ehelela mu maluimbi ma miẋima iâ ma bolesa, phala ene mudiâ a di bhange imbamba ia jisonhi ku mikutu iâ.

Loma 1:26

Mukonda dia kiki ki bhanga athu enʼiâ, Nzambi ua ehelela mu jihanji ja ufusa; katé o ahatuʼâ a xia ufunu uâ ua a tokala, a lungulula uengi ki ua a tokala.

Loma 1:28

Kienʼiki kuma a di tunu kusuua Nzambi mu kuijiia kuâ, Nzambi ua ehelela ni kilunji kiasekala, phala ende ni kubhanga ima ki i fuama.