Jelemiia 4:1 - O Mikanda Ikola

¹ Se uedi u vutuka, eie Izalaiele, vutukila-phe kokuami, eme ngi Jihova, o ki uila u sondolola isunji ié bhu pholo iami, kua-nda kuenda dingi ni kubungana.

Jelemiia 4:1 ပူးပေါင်းရင်းမြစ်များ

Dimatekenu 35:2

Jakobo bhenhobho anga u ambela dibhata diê, uixi: Tubhulenu jinzambi ja matumbu joso ji muala-na-ju, mu di bonze mu zuate izuatu iazele.

II Jisobha 23:13

O sobha ua tumbulula ni matala a lulamene ni mbanza ia Jeluzaleme, a kexile ku mbandu ia Kadilu ia Mulundu ua Kibuika; ene a a tungile kuala Solomá, sobha ia Izalaiele, mbé o dihamba dia Jitalote, o kisunji kia akua Sidonha, ni Kamu, o dihamba ni kisunji kia akua Mouabhe, ni Midiko, o dihamba ni kisunji kia akua Amone.

II Jisobha 23:24

Joziia ua zubha-ku ue o akua kuzambula, ni aloi, ni mahamba a vumu, ni iteka, ni maufusa oso a di monekena jinga mʼoxi ia Juda, ni mu Jeluzaleme, phala kukuatesa o maka a kitumu, òsoneke mu divulu dia bongo Hilikiia, o nganga ia dikota, mʼonzo ia Jihova.

II Malunda 15:8

O Aza kioso kievu o maka iá ni upolofeta ua tange o polofeta, monʼa Obede, ua suína dingi, iú ua katula imbamba ioso ia insunji mʼoxi ia Juda ni ia Bejamí ni mu jimbonge joso ja tambuile mu milundu ia Ifalaimi, anga u bhangulula dingi o Kalatódio ka Jihova, ka kexile ku pholo ia dibhitu dia lumbu lua dikota lua Jihova.

II Malunda 33:8

Ki mungu dingi ngi katula o kinama kiami mua Izalaiele, oxi i nga xindila o jitata jenu, kabasa ene a tena o kukala ni muanu ua kubhanga ioso i nga a tendelela, ni ioso iala mu kitumu, ni jingonge, ni mabatuilu ma bhele Jihova kua Mozé.

II Malunda 34:33

Joziia anga u katula ima ioso ia isunji mu jixi joso ja tokalele anʼa Izalaiele, hé u jijidika ene oso a kexile mua Izalaiele kuila Jihova Nzambi iá, a mu bhikile ni ubhezelu u kala kiki; o mu izuua ioso ia Joziia, ka tondalele mu ku kaiela Jihova, Nzambi ia jitata jâ.

Izaía 31:6

Bilukenu-phe kua ió a mu bhukumukina kinéne kuala anʼa Izalaiele.

Jelemiia 15:19

Uila kiki: Jihova uambe kuma: Sʼeie ua toloka, eme-phe ngi ku takana dingi, anga u kala jinga bhu pholo iami: eie se u tungula kima kia ujitu, o kia lusebu anga u ki texi, ua-nda ku kala-phe mukuâ ni dikanu diami; ndoko, eha-u ene a ku tolokele eie, eie ku ki sèse ku a tolokela ene.

Jelemiia 15:4

Nga-nda ku a balakesa ku mautuminu moso ma ixi; mukonda dia Manasa, monʼa Ezekiia; sobha ia Juda, ku ima ioso ia bhange mu Jeluzaleme.

Jelemiia 18:11

Kala kikiphe, ka tangele akua Juda kindala, ni akua bhata mu Jeluzaleme, uila: Eme Jihova uambe kiki: Talenu, nga mu funha divuua phala enu, eme ngala ku mi ta kikutu kia ufe; bilukenu-ze, kindala, kala muthu a xe njila iê ia iibha, mu iukise o jinjila jenu ni ibhangelu ienu.

Jelemiia 24:9

Anga ngʼa bhakula phala nʼa kituke kima ki kuatesa uoma, kuxixima kua mautuminu moso mu ngongo, lusebu ni Sabhu, môndo ni mázui mu ididi ioso mu nga-nda ku a takuila.

Jelemiia 25:5

Kia tange, kuila: Dielenu, muthu ku njila iê ia ibha ni mu ku ibha kua ibhangelu iê, nda mu tunge mu ixi ia mi bhana Jihova, enu ni jitata jenu, tundé mʼukulu ni ku hádia ni hádia.

Jelemiia 3:1

Ala kuila zuele-zuele, exi: se bhu kala diiala di senga mukajiʼé, muene anga uia kuengi hé u sakana ni diiala diengi, kifua u mu vutukila dingi? Oxi ioso ioio ki ia-nda ku tambula lufuku? Eie-phe ua di kasanesa ni jisaii ja nzungule; né-mbe-phe kiene, vutukila dingi kokuami, Jihova ua ki tange.

Jelemiia 3:12

Katuka-phe, nda u boke o makʼama ku mbandu ia kusuku, uixi: Eie Izalaiele, mbaluke iakime, vutuka! Jihova ua ki tange; o njinda iami ki nganda ku i lunduluila dingi ku thandu dienu; mbata eme ngi mukua Mbote, Jihova ua ki tange, o njinda iami ki nga-nda ku i jijila, katé ku hadia ni hadia, kana.

Jelemiia 3:14

Bilukenu, enu mu ana a ẋinuka, Jihova ua ki tange; mbata eme nga-nda ku mi sakana, anga ngi mi katula iú ku mbonge iii, kiiadi ku muiji ua mukuá; hé nga kà mi ambata ku Ziione.

Jelemiia 3:22

Vutukenu, mbaluke ja ana, eme nga-nda ku mi saka o makuẋinuka menu. Etuʼetú, tueza kokué, mbata eʼmuène u Jihova Nzambi ietu.

Jelemiia 35:15

Abhikʼami, jipolofeta, ene oso nga mi tumikisa-nâ, ngi di meneka ni ku a tumikisa, ngixi: Dielenu-phe kindala, muthu a biluke ku njila jé ja ibha, ibhangelu ienu mu i bhange ia iuka, ki mu kaiele jinzambi jengi phala ku ji bhikila; kienhokio mua-ndu kala mu ixi i nga mi bhana enu ni jitata jenu; maji enu nguenu ku ngi bhetekela dítui mba ku ngi tumaka eme.

Jelemiia 36:3

Nga fika, kuila, akua dibhata dia Juda, a-nda kuivua ku ibha kuoso ku ngʼandala ku a bhanga, phala muthu ni muthu a diele ku njila jê ja ibha, eme nda ngi loloke kikuma kiâ ni kituxi kiâ.

Jelemiia 4:4

Di saiesienu phala Jihova, humbulenu o mabôlo ku miẋima ienu, enu mu mala ma Juda, nʼenu mua tunga mu Jeluzaleme, mua lengesa kuila o njinda iami hinu ki i bambuke kala tubhia, ni tu kuata kulema anga a lembua ku tu jima, mukonda dia usuéia ua ikalakalu ienu.

Jelemiia 7:3

Jihova dia Ilombo Ieta, Nzambi ia Izalaiele, uambe kiki: Iukisenu o jinjila jenu ni ikalakalu ienu, nda ngi mi tungise mu kididi kiki.

Jelemiia 7:5

He kima, se mu iukisa jinjila jenu ni ikalakalu ienu mu kidi kiene, se mu fundisa mu kidi muthu ni mukuá.

Jelemiia 7:7

Eme nga-nda ku mi tungisa mu kididi kiki, mu ixi i nga bhana kiá ku jitata jenu, ku mivu ni mivu.

Izekiiele 11:18

Anga a kʼèza mueneʼomo, hé a katula-mu o ima ié ioso iaiibha ni ima ié ioso ia isunji.

Izekiiele 18:13

Kitadi u ki sobhesa ni kuvualesa, o mu kutambula kikale ku di ta, manhi muenhó u laia? Lémbue, ka tena kukola muenhu; muthu ua bhange isunji ioso iii, ni kidi kiene, u fua muene; o manhinga mê ma kà kala ku thandu diê-muène.

Izekiiele 43:9

Kindala-phe ene a fuama kutexi dikanga diamiʼeme o maundumbu mâ, kumoxi ni imbi ia jisobha jâ, eme ni ngi tungu mu kaxi kâ katé ku hádia ni hádia.

Hozeia 14:1

Eie Izalaiele vutuka kua Jihova Nzambi ié, mukonda o ituxi ié iene ia ku bhalesa.

Hozeia 2:2

Mamʼenu mu bazedienu, mu bazedienu, mbata muene ki muhatuʼami dingi kana, eme ue ki ngala dingi ngi munumiʼê; maundumbu mê a ma tule, phala a mu bhue ku mesu, ka jijile dingi jiphànda bhu jitulu jê.

Hozeia 7:16

Ene, o kia vutuka, kana, ka vutuka kua Suke-ku; a di bhange kala uta ua mufula ua ngangamana, u landukisa ngó; o ilolo iâ ia kà laúka ku xibhata, mukonda dia isuéia uâ ua a kala bhu dimi; o kienhiki hinu a-nda ku a tela-kiu kabáxia mʼoxi ia Ijitu.

Jouele 2:12

Né mu kindala kienhiki muene, Jihova uixi; Ni muẋima uenu uoso, Vutukenu kokuami; bhangenu-kiu muene ni kujila, ni kudila, ni mukondo.

Zakadiia 1:4

Ki mu kale kala o jitata jenu, a a bokelele jinge kuala o jipolofeta ja diangelè-ku kuila: Jihova dia Ilombo, uambe kiki: Dielenu kindala mukonda dia ikalakalu ienu ia bolo ni jinjila jenu ja iibha; maji-phe, ene a di tunine o kuívua, mba ngó ku ngi bhana mátui, kiene kia tange Jihova.

Matendelelu 27:15

Lamba dia ió uoso u iudika kiteka, kia kusonga, mba kia kuzunza, kia di zemba na-kiu Jihova, ufunu ua hete, anga u ki tula bhu hota mu kasuekele. Mundu uoso-phe a kà tambuijila ni kuila: Amén!

Matendelelu 4:30

O mu kaẋi ka dilamba dié, mu kuila uíndua ua kutula kiá, ima ioso iii ia kuiza, ku ua kà sukʼoko ua kà lungulukila kiá kua Jihova Nzambi ié, anga ua kà mu tumaka dingi o dízui diê.

Josuué 24:14

Kiki-phe Jihova mu kuatedienu uoma, muende ni ku mu bhikila ni muẋima ua tenena ni kidi. Texenu o mahamba oso a xingidisa jinga o jitata jenu mu sámbua dia ngiji ia Ufalate ni ku Ijitu, nda mu bhikile Jihova.

Afundixi 10:16

Anga a tubhula o jinzambi ja jixi jengi muʼaxaxi kâ, a kala mu bhikila Jihova; muene anga u kala ni muẋima ua kuxinganeka o kusebuluka kua Izalaiele anga u kala ni henda iâ.

I Samuuele 7:3

Samuuele anga u zuela ni muiji uoso ua Izalaiele, uixi: Se muedi mu vutuka kua Jihova ni muẋima uenu uoso, hé mu tubhula jinzambi ja matumbu ni Axitalote muʼaxaxi kenu, ni mu lunge mixima ienu kua Jihova, ni mu mu bhikile muene ngó ubheka uê; muene-phe u mi kudila bhu maku ma akua Fidíxia.