Jelemiia 39:2 - O Mikanda Ikola

² Mu muvu ua kakuinhi ni umoxi, ua Zedekiia, bhu mbeji ia kauana, mu kizuua kia kávua ku mbeji, kiene kia bulu o lumbu lua mbonge.

Jelemiia 39:2 ပူးပေါင်းရင်းမြစ်များ

Jelemiia 1:3

Anga ki mu iza ue mu izuua ia Jehoiakimi, monʼa Joziia, sobha ia Juda, katé bhu bhuilu dia muvu ua kakuinhi ni umoxi ua Zedekiia, monʼa Joziia sobha ia Juda; katé Jeluzaleme kia mu ambata ku ubhika mu mbeji ia katanu.

Jelemiia 32:1

O kizuelu kieza kua Jelemiia kia tundu kua Jihova, mu muvu ua kakuinhi ua Zedekiia, sobha ia Juda, iú uene o muvu ua kakuinhi ni nake ua Nabukodonozolo.

Jelemiia 34:22

O kiki-phe nga-nda kutumina, eme ngi Jihova, anga ngi bhangesa kuila ene a vutukila dingi mu kúlua ni mbonge iii, a lua na-iu muene, hé a i tolola nʼa ioha mu túbhia; o jimbonge ja Juda nga-nda ku ji bhanga jingundu, katé ki ji mono dingi muthu u tungamu.

Jelemiia 37:8

Anga akua Kaldeia a kà vutuka mu kúlua ni mbonge iii, hé a i tambula nʼa kà ioha muene mu túbhia.

Jelemiia 5:10

Sambelenu ku imbaka iâ, mu a buidise: jithangu jê saunenu-ju, mbata ki ja Jihova.

Izekiiele 33:21

Anga ki bhita kuila, o mu muvu ua kakuinhi ni kiiadi, ua uhutile uetu, bhu mbeji ia kakuinhi, mu kizuua kia katanu ku mbeji, kua ngi sange umoxi ua subhuka ku Jeluzaleme, uixi: O mbanza iònemeke.

Izekiiele 4:3

Eie-phe uzangula kienga kia felu, hé u ki-ta ki kale kimbaka kia felu bhu kaxi ni eie ni mbonge; o pholo ié i talela kuenhoko, mu kiki i kala mbonge iòkonde, eie ua i kondela; phala kienhʼiki ki kale kijimbuete ku dibhata dia Izalaiele.

Izekiiele 5:2

Mbandu ia katatu, kioso ki ua-nda kuila o izuua ia mukondo ua Jeluzaleme ia zubha kiá o kutenena, u i oha mu túbhia mu kaxi ka mbonge muene; anga u zangula dingi o mbandu ia mukuá hé u kondoloka na-iu o mbonge nʼu i kuama ni xibhata; o mbandu ia mukuá ua kà i muangena ku kitembue; mbata o xibhata iami ia kutalesa hadi nga-nda ku i fomona mu kizu ni ii ni ku a kaiela.

Sofoniia 1:10

Mu kizuʼokio, Eme ngi Jihova, a kèva dízui dia mitendu ni kudila, tunde bhu Muelu ua Mbiji, ni mikemu ku mbandu ia Mbanza Iaubhe, o ku milundu ue malamba mʼonéne.

Zakadiia 8:19

Jihova dia Ifuẋi uambe kiki: O kujila kua mbeji ia kauana, ni kujila kua mbeji ia katanu, ni kua mbeji ia kasambuadi, ni kua mbeji ia kakuinhi, kua kà kituka kutana ni kusanguluka kua dibhata dia Juda, kuma ji kala Tesa jê ja makembu. Zolenu-phe ngoho o kutanga kidi ni kutululuka.