Jelemiia 38:6 - O Mikanda Ikola

⁶ Bheneʼobho, Jelemiia a mu kuata, a mu takuila mu kiboiongo kia Malkiia, monʼa sobha, kia kexile mu lumbu lua kilangidilu; Jelemiia hé a mu zezesa ni mikolo; maji mu kiboiongo ki mua kexile menha, inda maloua ngó; Jelemiia hé u kuzuka mu malôua.

Jelemiia 38:6 ပူးပေါင်းရင်းမြစ်များ

Dimatekenu 37:24

A mu ambata, a mu takuila mu dikungu; mu dikungu-phe mualʼé ngó, ki muala menha.

Jisálamu 109:5

Mu mbote i nga a bhange, ene a ngi vutuila phulu; ua a zolo, ene a mu zembe.

Jisálamu 40:2

Ua ngi zaula ue mu dikungu dia kubhondalala, ua ngi tombola mu diloua diòmbama; ua ngi tula inama bhu ditadi, phala makànda mami ma diate kiá bhua kolo.

Jisálamu 69:2

Nga kuzuka mu kizakazaka mua kambe o dimanenu; nga kutuka muʼjiia dia menha azongo a mesena ku ngʼambata ni hungulule.

Jelemiia 32:2

Thembuʼoio-phe, ifuẋi ia masoladi ia tokala sobha ia Babilonha, ia kondoloka Jeluzaleme; o Jelemiia dia polofeta a mu kuikila mu lumbu lua kilangidilu, lua kexile kʼonzo ia sobha ia Juda;

Jelemiia 36:26

Kiala-bhu kota phala muene, o kutuma dingi Jelamiiele, monʼa Hameleke, ni Selaia, monʼa Azediiele, ni Selemiia, monʼa Abidele, kuila a kute Mbaluke, o musoneki, ni Jelemiia dia polofeta; maji-phe Jihova ua a suekʼâ.

Jelemiia 37:16

Jelemiia kia bokona monzo ia dikuikilu, mu maxilu mê, Jelemiia ua bhange-mu muene ndumba dia izuua.

Jelemiia 37:21

Sobha Zedekiia anga u tendelela kuila Jelemiia a mu tule mu lumbu lua kilangidilu; hé aia ni ku mu bhana mbolo imoxi ku kizuua, ku nzunga ia akua kubhanga jimbolo, katé kiabhu mbolo joso mu mbonge; kienhiki Jelemiia anga u kala jinga mu lumbu lua kilangidilu.

Jelemiia 38:13

Jelemiia anga a mu sunga ni mikolo, a mu katula mu kiboiongo; hé u kala mu lumbu lua kilangidilu.

Jelemiia 38:22

Kuma ahetu oso a xala mʼonzo ia sobha ia Juda a-nda ku ambata ku makota ma sobha ia Babilonha; ene uâ, ahetu, a-nda ku ki tanga, exi: Athuʼé ene ku ku tululukisa a ku funhisa ia a ku lende; o kiki kia ku mono inama ia ku kuzuka kiá mu maloua, ene a vutuka kuema.

Daniiele 6:16

Sobha anga u tuma kutakana Daniiele, iá a mu takula mu ngenda ia jihoje. Sobha kia kuata kuzuela, uambela Daniiele, uixi: Nzambi ié, ió uoso uene mu ku mu bheza mu ithangana ioso, muene ua-nda ku ku kudila.

Zakadiia 9:11

O kokué-phe, eie u Ziione, mukonda dia manhinga ma kikutu kié, jihutile jê ngà ji katula mu dikungu dia kambe menha, mua a tele.

Jipoxolo 16:24

O Kasalelu kia mu bhana orde uila iii, u a jikila mu kaleia kasuku moxi, o inama iâ ua i kolesa mu itutu.

Jihebeleu 10:36

Mua bhingi mu kala ni kinhenge, kuma ki mua kà zubha o kubhanga vondadi ia Nzambi, mua kà tambula polomesa iê.