Jelemiia 38:5 - O Mikanda Ikola

⁵ Sobha Zedekiia-phe, uixi: Talenu, muene uelʼé kiá bhu makuʼenu; mukonda sobha ka tena kulenda kima kioso-kioso ki mi bhanga enu kia ibha.

Jelemiia 38:5 ပူးပေါင်းရင်းမြစ်များ

II Samuuele 19:22

Maji Davidi-phe, uixi: Etu tualʼadi ni kima kiahi, enu mu anʼa Zeluia tata! phala kizuua kia lelu mu ngi kale mu akua jimvunda ja ku ngi funhisa? Manhi kizuua kia lelu ki tokala a ki jibha muthu uoso-uoso mua Izalaiele? Eme manhi nga kambe ku kʼijiia kuma kizuua kia lelu nga tambula dingi ungana ua Izalaiele?

II Samuuele 3:39

Eme lelu hanji nga kambe nguzu sumbala a ngʼundu ku ungana; mala enhá, anʼa Zeluia o kuẋinuka kuâ kua ngi bhonzo; Jihova-phe muene u futa o kisuéia, kioso kia tokala mu usuéia uê.

Jisabhu 29:25

O kukala ni uoma ua muthu, ki di bhanga mubhetu u fuisa muthu; maji uoso u dielela kua Jihova, uala ditala dia di leka, ka mu tena.

Jelemiia 26:14

O ku mbandu iami, eme-phe, ngala bhu makuʼenu, ioso i muʼambe ku ngi bhanga ia uabha, ia mi zelela ku miẋima, iene i mu ngi bhanga.

Jelemiia 37:17

Sobha Zedekiia anga u tuma ku mueha; sobha hé u muʼibhula, ku kasuekele, mʼonzo iê, uixi: Sai-ku kizuelu kia Jihova? Jelemiia, uixi: Sai. Hé u muʼambela dingi, uixi: Anda ku ku bhakula bhu lukuaku lua sobha ia Babilonha.

Daniiele 6:16

Sobha anga u tuma kutakana Daniiele, iá a mu takula mu ngenda ia jihoje. Sobha kia kuata kuzuela, uambela Daniiele, uixi: Nzambi ié, ió uoso uene mu ku mu bheza mu ithangana ioso, muene ua-nda ku ku kudila.

Daniiele 6:17

Anga a bheka-bhu ditadi, hé a di kundumuina ku muelu ua ngenda, a jika-ku; o sobha hé u di jika kidimbu kia nela iê, ni kia nela ia jitata jê, phala Sendesa ia Daniiele ki bhu kale muthu u i lungulula.

I Samuuele 15:24

Saúlo anga u ambela Samuuele, uixi: Nga te kituxi; kuma nga tondala kia ngi tumu Jihova, ni kizuelu kié-eie; mukonda nga kexe ni uoma ua mundu, eme ngevu dízui diâ.

I Samuuele 29:9

Akiji anga u vutuila Davidi, uixi: Nga kʼijiia muene kiambote. Eme ku mesuʼami, eie ua ngi uabhela kiavulu kala u mukunji ua Nzambi. Maji-phe o jingana ja akua Fidíxia ene a di tunu, exi: Ku ita kaii-ku ni etu.