Jelemiia 38:4 - O Mikanda Ikola

⁴ Makota hé ambela sobha, exi: Muthu iú a fue, kuma muene mu ku bhanga kiki, uala kubhuidisa o maku ma athu a fuama kúlua ita a subhuka hanji mu mbonge mumu, ni maku ma kifuẋi kioso mu ku a zuelela maka a di fu kiki; mukonda o muthu iú kala mu sota kutululuka kua kifuẋi kiki, maji phulu ngó.

Jelemiia 38:4 ပူးပေါင်းရင်းမြစ်များ

I Jisobha 21:20

Anga Akabe uambela Elija, uixi: Kiebhi nguma iami, ua ngi bongo kiá? Kuala muene: Nga ku bongo muene! Mbata eie ua di sumbisa kiá mu kubhanga kiaiibha ku mesu ma Ngana.

II Malunda 24:21

Ene anga a mu ta kikutu kia ufe, hé a mu bûba ni matadi, mu lumbu lua inzu ia Jihova, kala kia ki tumina sobha.

Ejidala 4:12

Tuma ku kʼijiia, eie sobha, kuila jijudé ja tundu kokué, a bande kunu ia a tu sange etu mu Jeluzaleme. O mbonge ioio ia usuéia ni kuẋinuka, ene a mu i tunga dingi, imbaka iê a mu i tungulula ue, ni madisesa mê, a mu ma iudika dingi.

Nehemiia 6:9

Mbata ene oso a kexi mu kusota ku tu kuatesa uoma, exi: Andu katulaku o maku mâ, anga kikalakalu a lémbua ku ki bhanga. Kiki-phe, eie u Nzambi, suinisa o maku mami.

Makatukilu 5:4

Muenexiʼa Ijitu anga u a ambela, uixi: Phalahi, eie Mozé ni Alá, muala kufudisa mundu kukalakala? Muanganenu mu-ie ku thonga ienu.

Jelemiia 11:21

Uila kiki, Jihova uambe uixi: ku mbandu ia mala mu Anathothe ala ku sota ku ku jibha, exi: Kana ku kuata upolofeta mu dijina dia Jihova, phala kufuile bhu maku metu.

Jelemiia 18:23

Maji eie-phe, Jihova, tata, uejiia kikutu kiâ kioso kia ngi te phala ku ngi jibha; kikuma kiâ ku ki loloke, o kituxi kiâ ki xale muene bhu pholo ié, ku ki jimune, maji a di bhukane muene bhu pholo ié; u a bhanga kienhiki bhu thembu ia njinda ié.

Jelemiia 26:11

Bhenhobho jinganga ni jipolofeta a tangela adiakime a Juda ni mundu uoso, exi: Muthu iú, muedi ua kúfua, mukonda enuʼenu mua dʼivila-kiu ni mátui menu kioso muene kia zambula o mbungula ku mbonge iii.

Jelemiia 29:7

Sotenu kutululuka kua mbonge mu nga mi balakala, sambelenu-iu kua Jihova; mbata mu ku tululuka kuê, enu ue mu kala ni kutululuka.

Jelemiia 38:16

Bheneʼobho, mu kasuekele, Zedekiia ua lokela muene Jelemiia, uixi: Ki kola! Jihova a nangenene, ua tu bhange o muenhu iú, kuila eme ki nga-nda ku ku jibha, kana, mba ngi ku bhakula ue bhu maku ma iá a mu kenga ku ku jibha.

Jelemiia 38:25

Kioso makota kia-nda ku kʼivua, kuila nga zuela ni eie, hé a kuendela, exi: Tu tangele ioso i uambela sobha, kana ku tu suekela-iu, phala etu ki tu ku jibhe; o sobha ua kuambela kima kiahi?

Jelemiia 43:3

Mbaluke, monʼa Nediia, muene ua mu ku funhisa eie kokuetu, phala u tu bhakule bhu lukuaku lua akua Kaldeia ni a tu jibhe mba a tu tumikisa ku ixi ia Babilonha.

Izekiiele 22:27

O adiakime, mu kaxi kâ, edi kala imbùngu ia xikamena ku kuata mbole, mbé kuzunzumuna o manhinga, phala kusengulula mienhu, ni kukaiejela o unjenge.

Amoji 7:10

Bheneʼobho Amaziia, nganga bhu Betele, u tuma kutangela Jelubouamu sobha ia Izalaiele, uixi: Mu kaxi ka dibhata dia Izalaiele, Amoji ua mu ku ta kikutu kia ufe; ixi ki i tena ku kuívua o maka mé oso.

Luka 23:2

O kuenhoko anga a kuata ku mu tatela, exi: Muthu iú tua mu kuata ni kufunhisa o kifuẋi kia mundu uetu. Uala ku fudisa athu kubhana lubhaku lua Sézalu, uixi: Eme-muène ngi Kristu, ngi muenexi.

Jipoxolo 16:20

Kia tula-nâ ku jixefe, exi: Mala iá Jijudé, a tatesa kiavulu o mbonge ietu.

Jipoxolo 17:6

Kia lémbua ku a mona, a koka Jasono ni jiphange jamukuâ hé a a bheka bhu pholo ia afundixi a mbonge ni kukola, exi: Mala a bonguesa oxi ioso eza ue kunu.

Jipoxolo 24:5

Kuma o diialʼ idi tua mu ijiia, ua di fangana dibhebhu. Muène mukua kukitukisa o Jijudé mu ngongo ioso, muenʼiú kihuende mu kisoko kia akua Nazalé.

Jipoxolo 28:22

Maji tu endi-phe tu ku ivua kioso ki ua fika, mbata o kisoko kiki ki ua tokala, tua kʼ ijiia kuma kuene kuoso kia mu bonga malebhu.