Jelemiia 38:2 - O Mikanda Ikola

² Jihova uambe kiki: Uoso u xala mu mbonge mumu, ua-nda kufua ku xibhata, ni ku nzala ni ku kipheku; maji uoso uia ku akua Kaldeia ua-nda ku kola muenhu; mukonda o muenhu uê, uene kiá ua-nda ku kituka kibhundile kiê, hé u laia.

Jelemiia 38:2 ပူးပေါင်းရင်းမြစ်များ

Jelemiia 21:4

Jihova Nzambi ia Izalaiele, uambe kiki: Talesenu, eme nga-nda ku lungulula ikumba ienu ia ita i mua kuata bhu maku menu phala ku di lua ni sobha ia Babilonha, ni akua Kaldeia, oso a mi jinguluka kuema dia imbaka, anga nga a bhongoluela muʼaxaxi ka mbonge ienhiʼii.

Jelemiia 24:8

Mukua ni kia ẋimbuka jifiku ja ibha, kuma, mukonda dia ku ibha kuê ki ji xikina ku ji dia, kiene ue ki nganda kubhakula Zedekiia, sobha ia Juda, ni ilamba iê, ni iá a subhuka mu Jeluzaleme, a xala ku iá a subhuka mʼoxi mumu, ni iá a tungu mʼoxi ia Ijitu.

Jelemiia 27:11

Maji o muiji uoso u ta xingu iê moxiʼa jungu ia sobha ia Babilonha, anga u mu bhikila, eme nga kà u xa mʼoxi iê, ua kà i dima, ua kà tunga muenhomo, Jihova ua ki tange.

Jelemiia 27:13

Eie-phe u fuilaʼhi nʼeie ni mundu ué, ku xibhata, ni ku nzala, ni ku kipheku, kala kiambe Jihova ku athu a kamba kubhikila sobha ia Babilonha?

Jelemiia 29:16

Maji-phe Jihova ua tange kiki ku mbandu ia sobha ua xikama bhu kiandu kia Davidi ni kifuxi kioso kia tungu mu mbonge iii, jiphange jenu, a fulu kuia nʼenu ku ubhika ua uhutile;

Jelemiia 29:18

Nga-nda ku a zuididika ni xibhata, ni nzala, ni kipheku; nga-nda ku a bhakula nʼai ni kusengana, lelu kuku, mungu koko, mu kaxi ka jixi joso mu ngongo, nda a kale akua mázui, a di bhange kisunji, mukua ni muphióphio, kífua dilebhu mu kaxi ka miji ioso mu nga-nda ku a takuila.

Jelemiia 34:17

Uila kiki, Jihova uambe, uixi: Enu nguenu ku ngʼivua eme, phala kukola ufolo, muthu u kolela kua phangʼiê, muthu u kolela kua mukuá; kiki-phe, talenu, eme nga-nda ku mi kolela ufolo, Jihova ua kiambe, muia ku xibhata, muia ku dibhebhu, muia ku nzala, anga nga-nda ku mi bhana kala kima ki sasumukisa mautuminu moso mu ngongo.

Jelemiia 39:18

Mukonda ni kidi kiene, nga-nda ku ku bhulula, o ku xibhata kua kà di bhala-ku; maji o muenhu ué uene ua-nda ku kala o mbole ié, mukonda ua dielela kokuami, eme ngi Jihova.

Jelemiia 42:17

Kienhiki kiene kia-nda kua kà bhita ni athu oso a ta jipholo jâ mu kubokona mu Ijitu phala kunhunganena-mu; a kà fua ku xibhata, ni ku nzala, ni ku dibhebhu; ku eneʼoso ió ki kua kà subhuka muthu mba ku bhulaka muthu, ku kibuika ki nga-nda kubheka ku thandu diâ.

Jelemiia 42:22

Kikiphe ijiienu-kiu mu kidi, kuila, ku xibhata, ni ku nzala, ni ku dibhebhu, kuene ku mua-nda kua kâ fuila, mu kididi kiene ki mua bhindamena ku bokona phala kunhunganena-mu.

Jelemiia 44:13

Mbata oso a tungu mu ixi ia Ijitu nga-nda kua kà a zungila ni xibhata, ni nzala ni dibhebhu, kala ki nga zungila Jeluzaleme.

Jelemiia 45:5

Eie anga uia ni kusota maunéne? Kana ku a sota; Mukonda nga-nda kubheka kuiibha ku thandu dia xitu ioso, eme ngi Jihova, eie-phe o muenhu ué uene u nga-nda ku ku bhana kuma iene o mbole ié kuoso-kuoso ku u di texila.

Izekiiele 14:21

Mukonda Jihova uambe kiki: Kuambe dingi se Jeluzaleme eme ngi mu tumikisa o afundixʼami aiibha ió kiuana, o xibhata ni nzala, ni iami i kuama, ni dibhebhu, phala kuvuza-mu o athu ni iama!

Izekiiele 6:11

O Jihova, Nzambi uambe kiki: Beta ku maku, u bete ni kinama, uile: Ahá! ku isunji ioso ia maufusa ma dibhata dia Izalaiele! Mukonda a-nda kúbua ku xibhata, ku nzala, ni ku dibhebhu.—

Izekiiele 7:15

Ku kanga kuala xibhata, o moxi muala dibhebhu ni nzala; uala ku mukáu ua ká-fua ku xibhata, o uala mu mbonge ni nzala ni dibhebhu ene a-nda kua kà mu dia.