Jelemiia 32:9 - O Mikanda Ikola

⁹ Mukáu anga ngi u sumba muene kua Hanamiiele, monʼa sekuluʼami, uala mu Anathothe, anga ngi mu pezalela kitadi, kuinhi dia xíkulu ia phalata ni sambuadi.

Jelemiia 32:9 ပူးပေါင်းရင်းမြစ်များ

Dimatekenu 24:22

Anga ki bhita kuila, kia zubha o jikamelu kúnua, diiala u katula nela ia ulu i pezala kaxaxi ka xikulu, ni jisêlu jiiadi ja kuzuatela mu maku, ji pezala kuinhi dia xikulu ia ulu.

Dimatekenu 37:28

Bhenhobho, o jingenji, akua Midiiana, anga a kala mu bhita; ene anga a sunga Zuze, a mu katula mu dikungu, Zuze anga a mu sumbisa ku akua Ijimaiele mu makuinhi aiadi a itadi ia phalata. Enhá anga Zuze a mu ambata, a mu bheka mu Ijito.

I Jisobha 20:39

Anga ki bhita kuma, sobha kia kala mu bhita, muene u dikolela sobha, uixi: Mubhikʼé ua tundu mu kaẋi ka ita, ku kua tundu dikuenze, ni muthu a ngi bhekela-nê uixi: Ngi bhakele muthu iú; o kia kamba-bhu, muenhu ué-eie ua kà bhingana bhu kididi kia muenhu uê, mba ua kà futa talendu imoxi ia phalata.

Nehemiia 5:15

Nguvulu ja dianga-phe, ja ngi diangelele eme, a kexi mu tatesa kifuxi, ni ku a tambula kúdia ni vinhu, anga ku thandu diê, a ta-ku ku futa makuinhiʼauana a xikulu ia itadi ia phalata; o minzangala iâ hanji ue a kuata kubhikisa o kifuxi; maji eme-phe ki kiene ki nga bhange, mukonda dia kuxila Nzambi.

Estere 3:9

Muenexi se kia mu uabhela, a soneke ngonge ia ku a buikisa; eme-phe ngi tena kubhana phalata i tena kuinhi dia midi dia talendo, ku athu oso a bhanga kikalakaluʼiki phala ku i bheka ni i bokone mu malundilu a jimbongo ja muenexi.

Makatukilu 21:32

Ngombe hé ialu mubhika ua diiala mba ua muhatu, ngana iê a mu bhane makuinhi atatu a xikulu ia phalata, o ngombe mu i bûba ni matadi.

Izaía 55:2

Kitadi kienu mua mu ki zangela-hi ku ima ia ngoho ki kúdia? O ima i tunda mu ikalakalu ia maku menu anga mu i zangela ngoho mu ioio ki i tena kuikutisa? Kuatenu kilunji mu ngʼivue, nda mu die kiauabha, o muenhu uenu u tane ni ima ianete.

Izekiiele 4:10

O kúdia kué ku u dia, o kunema kuê ku kala kua makuinhi aiadi a xikulu mu kizuua; uila u nanga-ku, u dia-ku; u nanga-ku, u dia-ku.

Hozeia 3:2

Anga muhatu ngi mu sumba muene mu kuinhi ni itanu dia xikulu ia itadi ia phalata, ni homele imoxi ia sevada ni kaxaxi.