Jelemiia 30:3 - O Mikanda Ikola

³ Mukonda kua-nda kuiza izuua, eme ngi Jihova, nga-nda ku vutulula ubhika ua kifuxi kiami kia Izalaiele ni Juda, eme ngi Jihova, anga ngi tona dingi ku a bheka mu ixi i nga bhele ku jitata jâ, anga a ívua, i kala iâ.

Jelemiia 30:3 ပူးပေါင်းရင်းမြစ်များ

Ejidala 3:1

Kia bhixila mbeji ia kasambuadi, kuila anʼa Izalaiele ala kiá mu jimbonge jâ, mundu uoso u di bhongoluela mu Jeluzaleme kala muthu umoxi ngó.

Ejidala 3:12

Sumbala kiene, maji jinganga ja vulu, ni jilevita, ni jitata ja mabhata, a kuka kiá, a mono inzo ia Jihova ia diangelèku, ki ia kexe ku madisesa mê, a didi ni ku ta muene jongololo, kia mono dingi iii ku mesu mâ; maji hanji muene, a vudile a kexi mu zangula mbimbi ni ku ta mitendu ia kusanguluka.

Ejidala 3:8

Kutula ku muvu ua kaiadi, ua kuiza kuâ ku inzu ia Nzambi, iala mu Jeluzaleme, ku mbeji ia kaiadi, Zolobabele monʼa Selatiiele, ni Jesuua monʼa Jozadake ni akuá dingi, jiphange jâ, jinganga ni jilevita akua muiji ua Levi, ni eneʼoso kiá a tundu ku ubhika eza mu Jeluzaleme, a mateka kikalakalu kia inzu ia Jihova, anga a sola ku jilevita akua muiji ua Levi, athu oso a tenesa kiá makuinhi a iadi a mivu mba a somboka-mu kiá, phala kuendesa kikalakalu kia onzo ia Jihova, kala kia fuama.

Jisálamu 126:4

lungulula dingi o uindua uetu, Ngana Nzambi, tu bhanduluke, kala o jihonga jakukuta ki jʼizala menha ku sulu.

Jisálamu 53:6

Tamano kubhanduluka kua Izalaiele ku tunda ku Ziione! Kioso Jihova hinu kia bindumuna dingi o Povo iê, Jakobo u tana-ku Izalaiele u sanguluka.

Jelemiia 16:15

Maji ela: Jihova u kola! ua tombola ana a Izalaiele koxi ia kusuku ni ku jixi joso ku a a takuile; mbata eme nga-nda ku a vutula ku ixi iâ i nga bhele ku jitata jâ.

Jelemiia 23:5

Jihova uixi: Talesenu, kua-nda kuiza izuua, Davidi nga kà mu balumuina Mbutu ia Iuka; kuma muene sobha, ua kà tumina hé u bhanduluka kiavulu, anga u bhanga ima ia tokala ubatuilu ua kidi ni uiukilu mu ngongo

Jelemiia 27:11

Maji o muiji uoso u ta xingu iê moxiʼa jungu ia sobha ia Babilonha, anga u mu bhikila, eme nga kà u xa mʼoxi iê, ua kà i dima, ua kà tunga muenhomo, Jihova ua ki tange.

Jelemiia 27:22

Hádia a kà iʼambata ku Babilonha hé ia kà kala kuenhoko katé bhu kizuua ki nga-nda ku i zungila dingi, kiene kia tange Jihova—Kienhokio-phe, nga kà i bandesa dingi hé nga kà tona dingi ku i bheka bhu kididi kiki.

Jelemiia 29:10

Mukonda Jihova uambe kiki: Ni kidi kiene, hádia ki mu zubha kutenesa makuinhi sambuadi a mivu mu Babilonha, nga-nda ku mi zungila, o kizuelu kiami kiambote kokuenu, nga-nda ku ki kumbidila muene, hé ngi tona ku mi bheka dingi bhu kididi kiki.

Jelemiia 29:14

Enu-phe mua-nda kuà ngi bonga muene, Jihova ua ki tange, nga kà bhangesa kuila jihutile jenu ja kà vutuka, anga ngi mi bhongolola mu miji ioso ni mu ididi ioso mu nga mi takuile, eme ngi Jihova, anga ngi tona dingi ku mi bheka bhu kididi kioso bhu nga mi katuile mu ku mi bheka ku jixi jengi.

Jelemiia 3:18

Mu izuua momo dibhata dia Juda ni dibhata dia Izalaiele a-nda kuendela bhuamoxi; hadia a kʼèjila bhuamoxi mu tunda kuʼoxi ia kusuku nʼeza mu ixi i nga bhanene jitata jâ mu ubhinganu.

Jelemiia 30:10

Ku kale-phe ni uoma, eie mubhukʼami Jakobo, Jihova ua ki tange, eie ue Izalaiele, kana kusasumuka; kuma, tala, nga-nda ku ku bhulula ku jixi ja makanga, ni muiji ué ku ixi ia uhutile uê; anga Jakobo ua kà vutuka dingi, hé ua kà nhoha, ua kà kala muene bhua kondama; ki bhua kà kala u mu kuatesa uoma.

Jelemiia 30:18

Jihova uambe, kiki, uixi: Tala, uhutile ua jibalaka ja Jakobo ngi u bhuisa-ku, anga mabhata mê ngi ma kuatela henda; o mbanza iê a kà i tunga dingi ku thanduʼa ibhela iê iòkulu, o dizemba dia sobha dia kà kala kala ki dia kexile jinge.

Jelemiia 30:4

Enhá ene o maka a tange Jihova ku mbandu ia Izalaiele ni Juda.

Jelemiia 31:16

Jihova-phe uambe kiki: Mbimbi ié ia kudila suikika na-iu, kumoxi ni masoxi ma mesu mé; kuma o kikalakalu kié kiala ni futu iê, Jihova ua ki tange, mukonda ku ixi ia nguma iâ ene a-nda kutunda-ku mu kuvutuka.

Jelemiia 31:23

Jihova dia ifuẋi, Nzambi ia Izalaiele, uambe kiki: Kizuelu kiki a-nda ku ki tanga hanji mʼoxi ia Juda ni mu mabhata mê, kioso ki nga-nda kuzubhaku o ubhika ua uhutile uê, kuila: Jihova a ku zediuise, eie dibhata dia kubatula o milonga mu kidi, eie u mulundu uê ukola!

Jelemiia 31:27

Tala, izuua í iza, Jihova ua ki tange, ki nga-nda ku kuna dibhata dia Izalaiele ni dibhata dia Juda ni mbutu ia athu ni mbutu ia iama.

Jelemiia 31:31

Kuma Jihova, uixi: Kua-nda kuiza izuua, i nga-nda ku ta kikutu kia ubhe ni dibhata dia Izalaiele, ni dibhata dia Juda,

Jelemiia 31:38

Jihova uixi: Tala, kua-nda kuiza izuua, o mbanza iii a kà i tunga dingi phala Jihova, tundé bhu inzu-ia-matala mu Hanamiiele katé bhu dibhitu dia thungi.

Jelemiia 32:37

Tala-ze, eme nga-nda ku a bhongolola ku jixi joso ku nga a takuile mu njinda iami, ni mu kutema kuami, ni mu kuthathamana kuami kua vulu kinéne; nga-nda kutona dingi ku a bheka bhu kididi kienhiki anga ngi bhangesa kuila a tunga muenhomo, ni kudondama kuoso.

Jelemiia 32:44

Mikáu muene a-nda ku i sumba mu kitadi, ni ku di bhangela mikanda ia uenji, anga a i ta idimbu muene, hé a bhangesa jimbangi ku ki kalela ku pholo mu ixi ia Bejamí, ni mu ikanzu ia Jeluzaleme, ni mu jimbonge ja Juda, ni mu jimbonge ku milundu, ni mu jimbonge mu iphenza, ni mu jimbonge ku mbandu ia Sulu; mukonda eme hádia nga-nda kubhangesa kuila a vutuka dingi mu ixi mumu, a tunda ku uhutile uâ, kiene kia tange Jihova.

Jelemiia 33:26

kiene ue, eme nga-nda ku di tuna luvualu lua Jakobo, ni lua Davidi, mubhikʼami, mu kikexilu kia kuila o ku mbutu iâ, ki ngi katula-ku dingi uoso u tumina ku mbutu ia Mbalahamu, ni Izake, ni Jakobo; mukonda ubhika uâ nga-nda ku u bhuisa-ku muene anga ngʼa kuatela henda.

Jelemiia 51:60

Jelemiia hé u soneka mu divulu dibhebhu dioso dia-nda kuiza ku thandu dia Babilonha; maka oso enhá òʼsoneke kiá ku mbandu ia Babilonha.

Izekiiele 20:42

Anga mua kà kʼijiia, kuila: Emiʼeme ngi Jihova, kioso ki nga kà mi bhangesa o kuvutuka dingi mʼoxi ia Izalaiele, o ixi i nga lekela o lukuaku luami phala ku i bhana o jitata jenu.

Izekiiele 34:13

O mu ifuẋi anga ngi ji katula-mu, anga ngi ji tundisa mu jixi ja vula matelu, anga ngiza na-ju mu ixi iâ, hé nga kà jʼingila mu milundu ia Izalaiele, bhu mbanduʼa jibungulule ja menha, ni mu mabhata oso aʼxi.

Izekiiele 36:24

Hé nga kà mi katula muʼaxaxe ka akua jixi, ni ngi mi bhongolola ku jixi joso, anga ngi mi bheka dingi mʼoxi ienu.

Izekiiele 47:14

Mu i uana ni kusokelela kuoso mu maundundu bhu kaxi ka muiji ni ua mukuá; mbata o ku thandu diaʼxi iii, nga zanguila-ku o lukuaku luami, eme nga loka, ngixi, ngii bhana ku jitata jenu; kala kiki o ixi ienhiʼii, ia-nda ku kituka ienu, ia undundu.

Jouele 3:1

Mukonda-phe mu izuua mueneʼomo, mu kithangana kieneʼokio, ki nga-nda kua kà katula o ubhika ua Juda ni ua Jeluzaleme.

Sofoniia 2:7

Ndundu ia kalunga ia kà kala iangene phala oso a subhuka ku muiji ua Juda, nʼaxalela momo; muene mua kà disila o ilunga iâ ia ibhaku; o mu ngoloxi a kà zekela mu jinzu ja Axikilone, mukonda o Jihova Nzambi iâ ua kà a zungila, o uíndua uâ ua kà u lungulula kuzediua anga u a tula dingi bhu kididi kiâ; o jihutile jâ ua ka ji vutula dingi kʼoxi iâ.

Sofoniia 3:20

Mu izuua ienhoio nga kà mi vutula dingi, anga ngi mi bhongolola; ni kidi muene, eme nga ka mi bhana dijina ni diximanu muʼaxaxi ka mundu uoso mu ngongo, kioso ki nga-nda kuendesa mu kuvutula dingi o mundu uenu a kexi ku ubhika, bhu pholo ienu muene, Eme ngi Jihova nga ki ambe.

Luka 17:22

Anga uambela jixibulu jê, uixi: Hádia kua-nda kuiza izuua, mua kà inda ku mona kizuua kimoxi ku izuua ia Monʼa Muthu, maji ki mu i mono.

Luka 19:43

Kuma izuua ia-ndu kuiza, jinguma ji ku kandeia jimbonge mu jimbandu, ji ku konda, ji ku xita matundilu moso,

Luka 21:6

Muène u tanga, uixi: Imʼ iii i muala kumona, izuua íi iza, ia ku i muanga. Bhenhabha ni ditadi dimoxi ngó ki diandu xala-bhu ku thandu dia mukuá à kamba ku di lundumuna.

Matendelelu 30:3

bhenhobho-phe o Jihova Nzambi ié, ua kà ku takana dingi ku ubhika ku uaiioko, anga u ku lendukila; hé ukuata ku ku phopha bhuamoxi, u ku bhongolola dingi mu jixi joso mua ku muangenene Jihova Nzambi ié muène.

Matendelelu 30:5

anga Jihova Nzambi ié u ku bheka mʼoxi ia vuile kiá kuala o jitata jé, anga eie ue u ivua; hé u ku bhandulula kiasoko, eie ubeta kusokoloka, o kia sokoluele o jitata jé, ndenge.

Jihebeleu 8:8

Maji Nzambi ua sange ibhengele muʼaxaxe ka mundu uê, iú ua a bazela, uixi: Hinu kuanda kukala izuua—eme ngi Ngana, nga kà ta kikutu kiobhe ni mundu ua Izalaiele, ni akua muiji ua Juda.